🔴 الاحتلال بدأ بالفعل تنفيذ خطته لاحتلال غزة وتدميرها وتهجير سكانها… ودلوقتي بيمحوا حي الزيتون من على الخريطة!
في اللحظة اللي العالم كله مركز فيها على قمة ألاسكا بين أمريكا وروسيا، والكل مشغول بالتريندات اللي بتحصل على السوشيال ميديا، جيش الاحتلال دلوقتي بينفذ في صمت خطته اللي أعلن عنها من أسبوع تقريبًا، وبدون ما ناخد بالنا لإنهم بيقضوا حتى على الصحفيين...
طب أيه اللي بيحصل؟! 👇
🟢️ حي الزيتون، أكبر أحياء غزة وأكثرها كثافة سكانية، واللي بيتوصف دايمًا بإنه البوابة الجنوبية الشرقية للمدينة، بيتعرض دلوقتي لواحدة من أعنف عمليات القصف والتدمير الممنهج من ساعة ما بدأت الحرب...
البيوت بتتفجر فوق أصحابها، والمساجد بتتضرب وتتهدم، والمدارس بتتدمر، والسكان كلهم تقريبًا هربوا تحت تأثير القصف...
🟠 حسب تقديرات المركز الأورومتوسطي لحقوق الإنسان وشبكات صحفية، ف لحد دلوقتي، وفي خلال اليومين اللي فاتوا بس، في أكتر من 400 بيت اتساووا بالأرض واتمسحوا من على الخريطة، واكتر من 90 ألف إنسان اتهجروا من بيوتهم وخرجوا من المكان كله، في مشهد بيشبه مشاهد النكبة الأولى... بس المرة دي على الهواء مباشرة...
الاحتلال كمان المرة دي ما اكتفاش بالقصف التقليدي، لكن جاب تكنولوجيا جديدة للتدمير...
🔵 روبوتات متفجرة بتدخل تفجر البيوت بعد ما يطردوا أهلها تحت تهديد السلاح، وطيارات مسيرة كوادكوبتر Quad-copter صغيرة بتحاصر الناس في المربعات السكنية وتطلق النار بشكل عشوائي عشان تجبرهم على النزوح وترك بيوتهم للجنود عشان ينسفوها واحد ورا التاني..
يعني العملية مش حرب ضد مقاتلين، ولا حتى عملية عسكرية لها هدف عسكري واضح، الهدف هو تفريغ الحي من سكانه وتدميره بالكامل، عشان يدخلوا على اللي بعده لحد ما يخلصوا على اللي باقي كله...
🟣 المرصد الأورومتوسطي وصف اللي بيحصل بإنه جزء من عملية إ.با.دة منظمة، هدفها محو المدينة من الوجود... والدفاع المدني في غزة بيقول ان اللي بيحصل عبارة عن "إ.با.د.ة جما..عية ممنهجة"، وان خلاص مبقاش في مكان للنزوح، والجثث مرمية في الشوارع ومش قادرين يوصلولها من شدة القصف..
الناس متحاصرة ومبقوش عارفين يروحوا فين، وده انذار شديد الخطورة بإن الأيام والساعات اللي جاية هيكون فيها مجا.ز.ر أسوأ من أي حاجة حصلت قبل كده...
🟡 كمان اللافت إن ده كله بيحصل في نفس التوقيت اللي العالم كله فيه مشغول بقمة ألاسكا والاتفاق بين ترامب وبوتين.. أنا نفسي كنت هكتب عن القمة دي النهارده، ومكنتش مركز مع اللي بيحصل في القطاع من كتر ما هو التغطية الإعلامية عليه ضعيفة...
🔹️ يعني إسرائيل بتلعب على تشتيت الأنظار... وفي خضم ما احنا مركزين في المشهد الدولي، شغالة هي بتمحي أكبر حي باقي في غزة من الوجود تمهيدًا لاحتلال كامل للمدينة...
🟠 تاني هكررها..
المدينة اللي بقالنا سنتين عمالين نقول انها صامدة، وانها بتضرب مثل مشرف في الشجاعة والصمود في وجه القوة الغاشمة، الاحتلال خلاص بيقضي على ما تبقى منها... مسح كامل للبيوت، بالضبط زي ما حصل في شمال القطاع ورفح.. وتهجير للسكان... ولو انتهوا من مهمتهم، ف خلاص كده كل سنة وانت طيب مبقاش في اصلا مدينة اسمها غزة، كإنها اتمحت من الوجود...
🔴 وللأسف مش بس كده...
حكومة الاحتلال كمان بتحضر دلوقتي لمنح الموافقة النهائية على مشروع خطة هدفها بناء 3412 وحدة سكنية استيطانية ما بين مناطق القدس الشرقية ومستوطنة "معالي أدوميم"... ودي تعتبر آخر منطقة حيوية في الضفة الغربية، ولو اتبنت الوحدات دي ف هي هتفصل ما بين القدس الشرقية وباقي المدن المحتلة، وهتقضي نهائيًا على أي محاولة للاعتراف بدولة فلسطينية متصلة جغرافيًا..
طب يعني أيه؟!
🟢 يعني المستوطنات دي هتعزل المدن والأحياء نفسها عن بعضها، وتخلي الاحتلال موجود في وسطهم... وبكده مش هيكون في بينهم حدود جغرافية متصلة... يعني بالشكل ده؛ هيكون اصلا مفيش دولة متصلة جغرافيًا ينفع تتبني ولا يعترف بيها...
وكل ده بيحصل دلوقتي وبسرعة عشان يقطعوا الطريق على خطط دول أوروبا للاعتراف بالدولة الفلسطينية الشهر اللي جاي... والأبجح هو انهم مش بيخبوا.. لأ ده بن غفير وسموتريتش صرحوا بشكل مباشر ووش كده ان مفيش حاجة اسمها دولة فلسطينية أصلا وانهم مش هيسمحوا باقامتها تحت أي ثمن...
🟣 اللي بيحصل دلوقتي مش مجرد "خطر محتمل"... ده نهاية اللعبة أو End Game زي ما بيقولوا... حي الزيتون هو البوابة، والسيطرة عليه وتدميره هي أول خطوة لمحو مدينة غزة كلها، وتحويل سكانها لشعب مطرود للمرة التانية...
🔴 غزة دلوقتي مش لسه مستنية خطر وجودي قادم قريب… الخطر بدأ خلاص... غزة دلوقتي بتتدمر لحظة بلحظة قدام عيون العالم...

🌱 كبد بشري نمي في المختبر من خلايا جذعية — إنجاز طبي يُغيّر قواعد اللعبة
في خطوة علمية رائدة، نجح باحثون في زراعة كبد بشري تم تطويره بالكامل داخل المختبر باستخدام خلايا جذعية، وتمت زراعته في الجسم دون أن يرفضه جهاز المناعة. إليك أبرز التفاصيل:
🧪 ما هي الخلايا الجذعية وكيف نمت إلى كبد؟
استخدم العلماء ما يُعرف بالخلايا الجذعية متعددة القدرات (iPSCs)، التي يُمكن توجيهها لتتحول لخلايا كبدية متخصصة داخل بيئة اصطناعية.
بتقنيات متقدمة، تم تحفيز هذه الخلايا لتكوّن ليس فقط أنسجة كبدية، بل شبكة داخلية من الأوعية الدمويّة الوظيفية (sinusoidal vessels)، مرتبطة تمامًا ببيولوجيا الكبد الطبيعي
🧠 ما يجعل هذا الإنجاز فريداً
الوعاء الدموي التخصصي: استخدم الباحثون خلايا متخصصة من الكبد نفسه لتكوين الأوعية الدموية (iLSEP)، ما يجعل العضو المزروع أكثر تكاملاً ووظيفية داخل الجسم
النمو داخل جهاز IMALI (الواجهة بين السائل والهواء) دعم تنظيمًا طبيعيًا للخلايا المتنوعة ضمن بنية ثلاثية الأبعاد
✅ لماذا نجح الزرع دون رفض مناعي؟
لأن الكبد المزروع تم خلقه باستخدام خلايا مأخوذة من المريض نفسه أو معدّلة جينيًا متوافقة معه، مما يقلّص احتمالات رفض الجهاز المناعي بشكل جذري
✳️ التطبيقات المحتملة
علاج أمراض الكبد المزمنة: من بينها تليف الكبد والفشل الكبدي، عبر توفير أعضاء بديلة مصنوعة عند الطلب.
إنتاج عوامل تخثر الدم: مثل “عامل VIII” لعلاج مرضى الهيموفيليا A، حيث أثبتت هذه الأعضاء فعالياتها في نماذج حيوانية مصابة بانعدام هذا العامل
اختبار الأدوية: الأعضاء المعملية قابلة لتقييم الأدوية بكفاءة أعلى ودقة متناهية، وخاصة للأمراض المرتبطة بالكبد والزراعة المستقبلية
🕰️ ما القادم؟
رغم التقدّم، ما زال في طور التجارب، وتحتاج وقائع الأمان على المدى الطويل والتكامل الكامل مع جسم المريض إلى وقت وتجارب موسّعة.
ومع ذلك، يبدو أن مستقبل الطب التجديدي بات أقرب من أي وقت مضى لتحقيق أعضاء بشرية مزروعة من خلايا المريض نفسه.

🔴 نتنياهو امبارح كشف قدام كاميرات الإعلام إنه عايز يحتل فلسطين كلها، وكمان ياخد أراضي من مصر والأردن وسوريا والسعودية!
وكل ده في سبيل إقامة دولة "إسرائيل الكبرى"، اللي المفروض في عقيدتهم هتكون قائدة المنطقة كلها قبل قدوم المسيح المنتظر، وحرب نهاية الزمان!
⚫️لو انت متابعتش اللي حصل امبارح، فخليني أقولك ان نتنياهو كان في مقابلة حصرية مع قناة i24 الإسرائيلية... وخلال اللقاء ده اتقالت حاجات وتصريحات من أخطر ما يكون...
خليني بقى أحكيلك عليها وأشرحلك الموضوع من بدايته، عشان تفهم أبعاد القصة الحقيقية جت منين ورايحة على فين... 👇
🔴 شوف يا سيدي... أثناء اللقاء، المذيع شارون جال (اللي هو كان عضو كنيست يميني سابق) قدم لنتنياهو فجأة في وسط الكلام تميمة أو سلسلة كده صغيرة، معمولة على شكل سلسلة بتمثل خريطة "الأرض الموعودة" حسب المعتقدات الصهيونية..
والخريطة دي كان باين فيها انها بتضم جواها كامل أرض فلسطين التاريخية، ومعاها أجزاء من السعودية والأردن وسوريا، ونص مساحة مصر الشرقية تقريبًا من أول سيناء ولحد النيل...
وبعد ما المذيع إدالة التميمة، سأله سؤال غريب... "هل أنت مرتبط برؤية إسرائيل الكبرى دي؟"
🟢رد نتنياهو بقى مكانش دبلوماسي ولا حاول يلف ويدور كتير... وقاله بكل وضوح: "أيوه... مرتبط جدًا"... وكمان أضاف بعدها: "أنا شايف نفسي في مهمة أجيال... في أجيال من اليهود حلمت بالمجيء إلى هنا وأجيال تانية لسه هتيجي بعدنا. لو بتسألني إذا كان عندي إحساس بالمهمة دي تاريخيًا وروحيًا، فالإجابة هي أيوه."
طبعًا زي ما انت متخيل، الكلام ده معداش بالساهل كده، وأثار جدل وقلبان في الصحافة الإسرائيلية والعربية كلها، والسوشيال ميديا كلها من امبارح بتتكلم عنه... وده عشان المرة دي تصريحات نتنياهو مكانتش مجرد كلام...
دي تعتبر إعلان صريح لأول مرة قدام كاميرات الإعلام وبشكل معلن؛ عن مشروع توسعي بيتجاوز حدود فلسطين التاريخية...
🔵 يعني اللي بيحصل في غزة دلوقتي ده هو مش مجرد رد من الاحتلال على أحداث 7 أكتوبر... لأ خالص... ده جزء من حرب دينية تلمودية بتهدف لفرض يهودية المنطقة وتغيير هويتها بالكامل....
والحرب على غزة اللي مستمرة من أكتوبر 2023 ولحد النهارده ماهي إلا الخطوة الأولى في المشروع ده... وكل اللي بيحصل في القطاع من تدمير كامل للبنية التحتية وتهجير للسكان، هو تجربة مصغرة لـ اللي الكيان الصهيوني عايز يطبقه على باقي المنطقة!
🟣 بس القصة الحقيقية ورا فلسفة نتنياهو وخططه اللي عايز ينفذها في المنطقة، هي في الواقع قصة مخيفة ومُقبضة ومش كل الناس تعرفها... ومبدأتش مع التصريحات دي... بل هي بدأت زمان جدًا، من حوالي 40 سنة تقريبًا...
في الوقت ده، نتنياهو مكانش لسه بقى رئيس وزاء اسرائيل... بل كان شغال نائب في السفارة الإسرائيلية في واشنطن، وبعدها بشوية أصبح مندوب دائم في الأمم المتحدة، واللي معظم اليهود المتشددين وقتها كانوا بيسموها "بيت الظلام والأكاذيب"، وشايفين إن في عداء شديد بيواجههم هناك...
🟠 وعشان كده، ف لما نتنياهو دخل الأمم المتحدة أخيرًا، وأصبح مندوب اسرائيل الدائم هناك، الإنجاز ده خلاه يتأهل لمقابلة غيرت حياته للأبد...
المقابلة دي جمعت ما بينه وبين واحد من أهم الشخصيات في التاريخ اليهودي، اللي هو الحاخام "مناحيم شنيرسون"، زعيم حركة “حباد لوبافيتش” اليهودية الحسيدية في بروكلين، واللي بيسموه بلقب "الريبي Rebbi"...
🟡 بس عشان تفهم مين هو الشخص ده بالظبط، لازم الأول تفهم هي أيه منظمة حباد لوبافيتش دي أصلًا...
"حباد" دي هي حركة يهودية أرثوذكسية حسيدية، أسسها حاخام اسمه "شنيور زلمان" في القرن الـ18 في روسيا البيضاء، اللي هي (بيلاروسيا)... ومقرها الرئيسي موجود في الولايات المتحدة الأميركية، وحاليًا ليها أتباع بعشرات الآلاف حوالين العالم...
طيب بتعمل أيه بقى الحركة دي؟
⚫️ الهدف الرئيسي لحركة "حباد" حسب كلامهم، هو انهم بيسعوا لإحياء المفاهيم اليهودية في نفوس أتباعهم، وتقريب اليهود غير المتدينين من عقيدتهم، وكمان عايزين يزرعوا جواهم شعور "التفاني والمحبة تجاه الآخرين"...
ده طبعًا اللي هما بيقولوه للناس... لكن الحقيقة غير كده خالص...
🔵 الحقيقة هتلاقيها في كتاب "هتانيا" اللي ألفه "زلمان" مؤسس الحركة في القرن الـ 18... الكتاب ده موجود فيه أساس التعاليم اللي بتؤمن بيها الحركة، واللي هي قايمة في أساسها على دراسة نصوص القبّالة، اللي هي نوع من سحر (التصوف اليهودي)... وتعاليم الهتانيا دي بتقول عن الشعوب الأخرى غير اليهود وخصوصًا العرب؛ آراء صادمة...
الآراء التي بتروج ليها حركة الحباد هي رفض فكرة "الأرض مقابل السلام"، وكمان بتدعو لترحيل العرب من أرضهم وقتلهم بشكل مباشر كده وش... وحسب تعاليم الكتاب، فـ كل من هم غير يهود هما: "مخلوقات شيطانية مفيش جواها أي شيء كويس أو خير على الإطلاق"... وكمان الكتاب ده بينص على ان اليهود المفروض "يخرجوا من بلاد الأغيار المدنّسة، ويستوطنوا في أرض فلسطين المقدّسة"...
وعايزك تركز ان كل ده مكتوب في القرن الـ 18.. يعني مشروعهم الاستيطاني أقدم من ما انت متصور...
🟢 أهو تخيل بقى ان الحاخام اللي قابله نتنياهو في بروكلين، اللي هو "مناحيم شنيرسون"، ده يعتبر تاني أهم حاخام في تاريخ الحركة دي بعد مؤسسها، ويمكن بيعتبروه حتى أهم من مؤسسها نفسه... ومن ساعة ما مات في يونيو من سنة 1994 ولحد النهارده؛ مفيش ليهم أي قائد روحي غيره...
وده عشان هما شايفين ان الراجل ده هو نفسه المسيح المنتظر وانه هيرجع من الموت قريب عشان يقودهم مرة تانية... يعني الراجل ده بالنسبالهم كان أكبر من مجرد قائد.. ده كان أقرب لنبي، وكانوا بيقدسوه...
🟣 ف تخيل لما نتنياهو يقابل النبي بتاعهم وجهًا لوجه كده، ويقوله الكلام اللي هقولهولك ده...
🔹️ الحاخام لما شاف نتنياهو وقابله لأول مرة، كلفه بمهمة سامية ومقدسة... المهمة دي هي تهيئة إسرائيل لاستقبال "الماشيحا"... اللي هو في عقيدة اليهود المفروض انه المسيح المخلّص اللي هييجي في آخر الزمان عشان يقود الشعب اليهودي ويخلص العالم من الشرور...
🔹️ وعشان يحقق المهمة دي، طلب منه انه يعمل (حاجة كبيرة) عشان يمهد الأمور للمجيء المقدس، من خلال إنه يرجع إسرائيل تاني مملكة كبرى، ويرجع ناسها تاني متدينين متشددين، عشان الأمور تبقى متمهدة بأفضل شكل ممكن للقدوم المنتظر...
🔹️ ومش بس كده... ده قاله نصًا كده انه هينجح في مهمته دي، وانه هيبقى آخر رئيس وزراء لإسرائيل، أو "آخر ملوك إسرائيل" حسب تعبيره، قبل مجيء المسيح... وهسيبلك لينك مباشر للمقابلة دي تقدر تعرف عنها وتشوفها ف الكومنتات تحت 👇
🔴 نتنياهو بقى من ساعة ما اتقالتله النبوءة دي، وهو شايف نفسه فعلًا الملك الأخير لإسرائيل... وكل السياسات اللي هو بيعملها من ساعتها لحد النهارده، هي بهدف تحقيق النبوءة دي، وتنفيذ المهمة اللي تم تكلفه بيها...
ومن هنا بقى يبانلك ان تصريحات نتنياهو اللي اتقالت في البرنامج بتاع امبارح ده، مش مجرد كلام وخلاص... ولا هي مجرد تهويل أو أي هري بيداعب بيه أحلام التيار اليميني في حكومته...
⚫️ لأ دي حقيقة فعلية وهو مؤمن بيها بشكل كامل، كجزء من عقيدته الدينية نفسها!
والأخطر كمان هو إن الحكومة الإسرائيلية الحالية هي الأكثر تطرفًا في تاريخ الكيان، وفيها وزراء زي سموتريتش وبن غفير اللي بيؤمنوا بنفس الأفكار دي، وكلهم بيتحركوا كأنهم في سباق مع الزمن لتنفيذ أكبر قدر ممكن من المخطط قبل ما يتغير الوضع السياسي المفروض حاليًا في المنطقة...
والمشكلة الأكبر هي إن أمريكا بتدعم المشروع ده بشكل كامل، عشان إسرائيل ما هي إلا قاعدة أمريكية غربية كبيرة، وولاية أمريكية تم زرعها في الشرق الأوسط عشان تكبح جماح التوسع العربي والطموحات الإسلامية وتسيطر على مقدراتها وثرواتها...
🟢 وهو ده بالضبط -بالإضافة للضعف العربي العام حاليًا- اللي خلى نتنياهو يتجرأ ويعلن عن حلمه التوسعي قدام العالم كله!
وعلى الناحية التانية... للأسف الدول العربية لحد دلوقتي مش واخدة الموضوع بجدية كافية، ومفيش رد فعل قوي على التصريحات دي، واللي المفروض انها بتهدد الأمن القومي لكل الدول العربية المحيطة...
🟡 نتنياهو حاليًا عايش في فيلم تاريخي شايف نفسه بطله، وشايف كل الحروب والدمار اللي هو بيعمله ده، هي خطوات على طريق تحقيق الحلم الكبير اللي وعده بيه "الريبي" من زمان...
إحنا دلوقتي في لحظة فارقة... يا إما العالم العربي يفوق ويدرك حجم الخطر اللي بيتهدده، يا إما للأسف هنشوف خريطة الشرق الأوسط كلها بتتغير قدام عنينا للأبد...
🔴 هسيبلك المصادر في أول كومنت كالعادة 👇 ولو وصلت لهنا، متنساش تشارك المقال مع الناس من خلال الشير، عشان الكل يعرف بداية القصة وأصل الموضوع جاي منين، والكل يعرف الخطر الحقيقي اللي بيهددنا كلنا، مش بس الفلسطينيين...

مساء الخير يااخواتي♥️
خد شوية الاخبار دى على السريع 👇🏻👇🏻
▪️🚨الاهلي يواصل تدريباته استعدادًا لمواجهة فاركو في الدوري 🦅✅
▪️🚨ياسر إبراهيم اشتكي من آلام في العضلة الخلفية قبل نهاية مران الفريق اليوم وسيخضع لفحص طبي غدًا لحسم موقفه من مباراة فاركو✅
▪️🚨خوسيه بييرو يغير ميعاد مران الفريق غدًا ليكون مساءً، ثم الدخول مباشرة في معسكر مغلق عقب انتهاء المران.
⬅️تغيير ميعاد المران جاء بسبب شكوى عدد من اللاعبين بعدما كان يخوضون التدريب صباحًا ثم يعودون إلى منازلهم قبل أن يتوجهوا مساءً إلى فندق الإقامة للانتظام في المعسكر.✅
▪️🚨غياب إمام عاشور عن المران الجماعي اليوم وبالتالي يقترب من الغياب عن مباراة فاركو يوم الجمعة.✅
▪️🚨رسميًا | الاتحاد الأوروبي لكرة القدم يُعلن عبر بيان رسمي بدء تحرّكه لتقديم الدعم لأطفال غ-زّة، وذلك بعد أيام قليلة من تغريدة النجم المصري محمد صلاح، حيث سيتم توجيه المساعدات من خلال المؤسسة الخيرية التابعة للاتحاد.✅
▪️🚨مصدر مقرب من أحمد عبد القادر : اللاعب لم يشكو الأهلي ولا ينوي ذلك، إما أن يستمر مع الأهلي بكل احترام، أو ينتظر فرصة مناسبة للرحيل✅
▪️🚨زيارة مفاجأة من وزير الشباب والرياضة لـ استاد القاهرة قبل مباراة الأهلي وفاركو يوم الجمعة✅
▪️🚨مصدر بالزمالك للقاهرة 24:شكوى عمار ياسر لعدم حصوله على مستحقاته؟ لا يوجد استقصاد للاعب، كل لاعبي قطاع الناشئين لم يحصلوا على مستحقاتهم منذ فترة طويلة وفريق 2005 الذي يضم عمار لم يحصل على مستحقاته منذ الموسم الماضي الامر غير مقتصر على عمار فقط وسيتم توقيع عقوبة على اللاعب لاستخدام السوشيال ميديا دون اذن✅
▪️🚨جاهزية أحمد رضا وياسين مرعي لمباراة فاركو ومشاركتهم في المران الجماعي اليوم بعد تعرضهما للإصابة أمام مودرن سبورت✅
▪️🚨شوبير : بعد فشل مفاوضات قاسم باشا لضم كوكا ، اللاعب قال أنا تحت أمر النادي في التجديد ومعنديش أي مشكلة والنادي عايز يجدد للاعب لمدة 5 مواسم جاية علشان ديه أخر سنة للاعب✅
▪️🚨وفقاً لـ الصحفي ابو علي: احتمال أن محمد عبدالمنعم يكون موجود في الاهلي في يناير الجاي ، لأن الاهلي بدأ محاولات في ضم اللاعب علشان يكون مع الفرقة في انتقالات الشتاء الجاية✅
▪️🚨وفقاً لـ الصحفي محمد أبو علي : المدرب خوسيه ريفيرو غير مقتنع بالسلوفيني جراديشار مهاجم الفريق ، ويري أنه واخد مكان اجنبي علي الفاضي والاهلي قادر علي التعاقد مع مهاجم أفضل✅
▪️🚨وفقاً لـ الصحفي عمرو فهمي : ماعلمته أن الشناوي يقترب من العودة لحراسة مرمى الأهلي في مباراة فاركو✅
▪️🚨الصحفي محمد أبو علي : فيه لاعب تدخل علي الشناوي تدخل عنـيـ،ـف في تدريبات الاهلي والشناوي صرخ صرخه جامدة بعد التدخل ده وجاله كدمة ولكن اللاعب جاهز لماتش فاركو✅
▪️🚨بطولات:منتخب مصر يوافق علي مواجهة نيجيريا وديًا في ديسمبر، وسيحصل اتحاد الكرة على مبلغ مالي نظير لعب هذه المباراة
⬅️سيتم تحديد البلد المستضيفة للمباراة خلال 48 ساعة حيث ستقام في مصر أو احدى دول الخليج أو في المغرب✅
▪️🚨نادي كولومبوس كرو يُعلن سفر وسام ابو علي للإنضمام للفريق بشكل رسمي✅
▪️🚨امام عاشور يتكفل بمصاريف العملية الجراحية لـ ابنة عم رأفت أقدم عامل في نادي الزمالك ❤✅
▪️🚨عم رأفت عامل نادي الزمالك : زياة امام عاشور لإبنتي كانت زيارة معنوية ولم يتحمل تكاليف علاجها ، لانني لم اوافق على تحمل احد تكاليف علاجها ، ورئيس نادي الزمالك كان قد عرض تحمل تكاليف علاجي ابنتي ولكني وجهت لهم الشكر✅
▪️🚨شـوبير : أليو ديانج كان قريب جدًا مـن التوقيع للنادي الأهلي على عقود التجـديد، ولكنه كان يريد الانتظار لما بعد انطلاق الدوري، ليفاجئ اللاعب بوجوده على مقاعد البدلاء في لقاء مودرن سبـورت..
⬅️ديانج قال لمسئولي الأهلي "كيف سأجدد وعلى أي أساس، كما أن هناك مروان عطية الذي كان يلعب أساسيًا في مونديال الأندية وأصبح قريبًا من العودة، كما أن ريبيرو دفع بـ أحمد رضا ثم كوكـا في اللقاء الأول، فهل أصبحت رقم 3 ؟!".
⬅️تستطيع القول أن الأمر الآن أصبح متوقف بشأن التجديد لـ ديانج
⬅️البعض داخل الجهاز الفني فوجئ بأن أليو ديانج لم يلعب أساسيًا.. لأن القرار في النادي الأهلي يكون لـ المدير الفني.. إلا لو حدث شئ كارثي وقتها يتدخل فقط مجلس الإدارة مثلما حدث مع كولر.✅
🔴 لو مش متابعني ويهمك اخبار الاهلي اعمل متابعة مش هتخسر حاجة 🤝♥️
🔴 استنوا الاخبار العالمية بنفس الطريقة في آخر اليوم
🔴 ربنا يعلم انا بتعب اد ايه في كتابة البوست دا ، فالتفاعل الحلو بتاعك علشان الاخبار توصل لكل الاهلاوية وان شاء الله كل يوم من دا وهيبقي فيه أخبار خاصة عن طريق مصدري الشخصي وهيبقي فيه انفرادات كمان 😉🦅
🔴 والأهم عندى من الشير أنك تصلى على النبى وتقولي ايه رأيك في الاخبار وتدعيلي دعوة حلوة كده من قلبك ♥️

الثروة الحقيقية لا تُبنى من الادخار… بل من الفهم. 🧠🏛
المال لا يُحفظ في حصالات… بل في قرارات.
والأمان المالي لا يأتي من الخوف… بل من المعرفة.
إليك 7 قواعد لبناء ثروة مستمرة… بعيدًا عن فخ العملة الورقية والانهيارات الاقتصادية:
1. الادخار بدون استثمار = تآكل صامت
المال الذي لا يعمل… يموت ببطء مع كل موجة تضخم.
2. افهم اللعبة قبل أن تدخلها
اقرأ عن المال، الأصول، الفوائد، الضرائب… لأن الجهل أغلى من أي خسارة.
3. حوّل دخلك إلى أصول لا تذوب
بدل أن تشتري ما يلمع… اشتري ما يُنجب مالًا:
أرض، ذهب، سهم، مهارة.
4. لا تثق في العملة… ثق في القيمة
الدول تطبع… الأسواق تنهار… لكن القيمة الحقيقية لا تموت أبدًا.
5. ابنِ مصادر دخل متعددة… حتى تنام وأنت تكسب
من يعتمد على مصدر واحد، يعيش مهددًا كل يوم.
6. استثمر في نفسك أولًا… لأنك الأصل الأول
المهارة = عملة لا تسقط.
المعرفة = أصل لا يُسرق.
الوعي = درع ضد الغرق.
7. المال لا يحب العاطفة… بل التخطيط
لا تشتري لأنك تحب… ولا تبيع لأنك خائف.
القرار المالي = معادلة، لا مزاج.
💡 في زمن الأزمات… من لا يملك فهمًا، يخسر مرتين:
مرة حين ينهار السوق، ومرة حين ينهار هو.
اختر طريق الفهم… فهو وحده من يصنع الثروة التي لا تسقط.

مش كل شكوى معناها انك غلطان لكن كل رد سيئ معناها انك هتدفع الثمن!
مطعم صغير واجه موقف غريب:
‏‎زوجين حطوا شعر في الطبق بإيدهم 🤔
عشان ياخدوا الوجبة ببلاش.
‏‎مدير المطعم شاف الفيديو على الكاميرات وبدل ما يطنش او يدخل في خناقة ويلبس هو الغلط
‏‎عمل حركة ذكية نشره بنفسه على السوشيال ميديا مع رسالة واضحة:
مش كل شكوى من العميل بتكون حقيقية لكن كل عميل يستحق نسمعه.
‏‎والنتيجة بقي يا عمنا:
حصل دعم رهيب من المجتمع المحلي وشهرة للمطعم اكبر من اي حملة إعلانية وتحويل ازمة صغيرة لفرصة بناء ثقة.
‏‎يبقي افهم بقي كويس
حتى لو معاك الحق
‏‎اسلوبك هو اللي بيحكم القصة هتتقفل ازاي لصالحك ولا ضدك.
‏‎
وافتكر دايما ان الجمهور ما بيشتريش المنتج لكن بيشتري احترامك وطريقة ادارتك للأزمات.

🔴🔴 نموذج الذكاء الاصطناعي Grok يقف ضد إيلون ماسك!
في موقف أشبه بشجارات الأطفال على منصة X اشتعل شجار بين Elon Musk و Sam Altman.
بدأت القصة عند منشور ماسك الذي يتهم فيه Apple أنها تمنع أي تطبيق أن يتفوق على ChatGPT وأنها تتعمد تقليل ظهور تطبيقاته على App Store.
رد ألتمان بسخرية مدعيا أن ماسك نفسه يتلاعب في منصة X وخوارزمياتها لصالحه وصالح شركاته ويضر بمن لا يعجبونه.
لم يسكت ماسك بل رد عليه واتهمه بالكذب قائلا أن ادعاءه باطل، حيث أن تغريدة ألتمان حصلت على 3 مليون مشاهدة وهو أكثر مما يحصل عليه ماسك في كثير من تغريداته.
المضحك في الموضوع أن أحد المستخدمين سأل نموذج الذكاء الاصطناعي الخاص بماسك Grok عن أي منهما على حق؟ فجاء الجواب أنه سام ألتمان 😂
ليرد بعدها ماسك بنشر صورة من ChatGPT يجيب بأن ايلون ماسك أحق بالثقة من سام التمان.

الفرق بين Hashing و Encoding و Encryption 🔐
.
.
لو بتشتغل في الباك إند، أو بتتعامل مع APIs، أو حتى بتشتغل على تطبيق بسيط فيه عملية تسجيل دخول…
أكيد قابلت مصطلحات زي Hashing و Encoding و Encryption.
وممكن تفتكر إنهم شبه بعض، أو إن أي واحد فيهم "بيأمن البيانات وخلاص".
لكن الحقيقة إن كل واحد له هدف مختلف تمامًا، ولو استخدمت حاجة غلط ممكن تفتح ثغرات أمنية وأنت مش واخد بالك.
تعال ندردش شوية عن الفرق بينهم...
———
✅ أولًا: الـ Hashing
تخيل إنك بتعمل بصمة لأي معلومة…
مش علشان ترجع لها بعدين، لكن علشان تتأكد إنها متغيرتش.
الـ Hashing بياخد قيمة (زي password مثلًا)، ويطلع منها سلسلة ثابتة الطول شكلها عشوائي – اسمها Hash – واللي بتستخدمها عشان تطابق أو تتحقق من البيانات من غير ما تحتاج تخزن الأصل.
🎯 المهم هنا:
- العملية دي One Way (مفيش رجوع).
- لو غيرت حرف واحد، الـ Hash كله بيتغير.
- وده اللي بنستخدمه مثلًا لما نخزن الـ Passwords في قواعد البيانات.
⚠️ لو حد عرف الـ Hash، مش هيعرف يطلع منه الباسورد الأصلي (بس ممكن يعمل Brute Force ويحاول يخمنه).
———
✅ ثانيًا: الـ Encoding
ده ملوش أي علاقة بالسرية...
الـ Encoding هو طريقة بنحول بها البيانات لشكل تاني علشان يسهل تخزينها أو نقلها.
زي Base64، اللي بتحول مثلًا صورة أو نص يحتوي رموز غريبة لشكل مفهوم لأي نظام.
🎯 المهم هنا:
- العملية دي Two Way (تقدر ترجّع البيانات الأصلية).
- مفيش أي حماية أو تشفير، أي حد يعرف نوع الـ encoding يقدر يفكه بسهولة.
- الهدف منه بس إنك تنقل الداتا بدون ما تضيع أو تبوظ.
مثال بسيط: لو عندك some text
ممكن يتحول بـ Base64 إلى: c29tZSB0ZXh0
———
✅ ثالثًا: الـ Encryption
أنت عايز تبعت داتا سرية لحد، ومش عايز أي حد في النص يفهمها.
فبتعمل لها تشفير باستخدام مفتاح (Key)، والمستلم اللي معاه المفتاح يقدر يفكها.
🎯 المهم هنا:
- العملية دي Two Way، بس لازم المفتاح.
- لو المفتاح اتسرّب أو ضاع، أي حد يقدر يفك البيانات.
- بتستخدمها في إرسال معلومات حساسة زي بطاقات الدفع أو بيانات المستخدمين.
فيه نوعين من الـ Encryption:
- الـ Symmetric: نفس المفتاح بيشفّر ويفك (زي AES).
- الـ Asymmetric: مفتاحين، واحد بيشفّر (public) والتاني بيفك (private) – زي اللي بيستخدم في HTTPS.
———
💡 إمتى تستخدم مين؟
- بتخزن passwords؟ يبقى Hashing
- بتبعت صورة أو داتا عبر API؟ يبقى Encoding
- بتبعت معلومات حساسة زي tokens أو بيانات مستخدم؟ يبقى Encryption

تقول امرأة:
كنتُ دومًا أتشاجر مع زوجي لعدم توفيره ما أحتاجه.
وعندما كنت أطلب منه شيئًا ولا يحضره، كان يخبرني أن المال الذي معه لا يكفي لشراء جميع الطلبات.
لكنني لم أكن أصدّقه، بل كنت أزداد عنادًا، وأترك أعمال المنزل فوضى، وأبقى وحدي في غرفتي.
وكان هو من يقوم بتنظيف وترتيب البيت، رغم عودته متعبًا من العمل.
لم يكن يصرخ أو يرفع صوته أبدًا، وهذا ما جعلني أتمادى في عنادي.
وحين يقترب مني ليصالحني، رغم أنني أنا المذنبة، كنت أبتعد عنه وأحبس نفسي في غرفتي، وأتركه ينام خارج الغرفة على الأرض.
ورغم كل ما فعلته من عناد وغضب، لم أشعر بالراحة.
وفي أحد الأيام ذهبت إلى منزل والدي، وكان أخي الأكبر قد عاد من غربته.
تحدثنا طويلًا، ثم بدأت أشكو له من إهمال زوجي وعدم تلبيته لاحتياجاتي الخاصة.
فقال لي أخي:
“عودي إلى منزلك، وغدًا سأزوركم ونتحدث في الأمر.”
عدتُ إلى منزلي، وفي اليوم التالي حضر أخي، فاستقبلته وقدّمت له الضيافة.
ثم نظر إليّ وقال:
“أتدرين ماذا يعمل زوجك؟”
قلت: “يعمل في إحدى الشركات الكبيرة، ورغم ذلك لم أشعر بالسعادة مثل باقي الزوجات.”
قال: “لكن ما طبيعة عمله هناك؟”
قلت: “لا أدري.”
فأخرج هاتفه، وفتح مقطع فيديو.
أخذت الهاتف وبدأت أشاهد… وشعرت أن قلبي سيخرج من صدري، حين رأيت زوجي معلّقًا على ارتفاع شاهق، يحمل بيده ممسحة وينظف الزجاج!
صرخت: “هل هذا زوجي؟! ماذا يفعل هناك؟! ماذا لو سقط؟ هذا العمل خطر على حياته!”
فقال أخي:
“زوجك يُعرّض حياته للخطر كل يوم من أجلكِ ومن أجل لقمة العيش. أتمنى أن تكوني فهمتِ الدرس.”
غادر أخي، وبقيت وحدي أبكي بحرقة.
قمت بتجهيز البيت، والدموع تتساقط من عينيّ دون توقف.
وعندما طرق زوجي الباب، أسرعت لفتحه، واعتذرت عن كل ما فعلته.
ومن تلك اللحظة، وأنا أدعو الله كل يوم أن يعود زوجي سالمًا معافى، ولا أشعر بالراحة حتى أسمع طرقاته على الباب.
وأصبحت لا أعصي له أمرًا، وأنهيت علاقتي بصديقاتي اللواتي كنّ سببًا في مشاكلي معه.

لما دخل "المأمون' إلى مصر قال: «قبح الله "فرعون" إذ قال: ﴿أَلَيْسَ لِي مُلْكُ مِصْرَ﴾ ، فلو رأى العراق!».
فقال له "سعيد بن عفير": «لا تقل ذلك يا أمير المؤمنين ، فإن الله تعالى قال: ﴿وَدَمَّرْنَا مَا كَانَ يَصْنَعُ فِرْعَوْنُ وَقَوْمُهُ وَمَا كَانُوا يَعْرِشُونَ﴾ ، فما ظنك بشيء دمّره الله ، وهذه بقيته؟».
فأُعجب "المأمون" بكلامه ، فقال "سعيد":
«لقد بلغنا أن مصر كانت أعظم أرض على وجه الأرض ، وكانت الأمم كلها تحتاج إليها.
أنهارها بقناطر ، وجسور محكمة ، يجري الماء تحت البيوت والأفنية ، يحبسونه متى شاؤوا ويطلقونه متى شاؤوا.
أما البساتين فكانت تمتد على ضفتي (النيل) من (أسوان) إلى (رشيد) بلا إنقطاع ، حتى إن المرأة كانت تخرج حاسرة الرأس لا تحتاج إلى خمار ، لكثرة الأشجار التي تسترها ، وتضع المكتل على رأسها فيمتلئ بما يتساقط من الفاكهة دون أن تمد يدها.
فلما جاء "فرعون" الجبار ، تحولت مصر من جنة لا مثيل لها إلى صحراء قاحلة إلا قليلًا منها .. وهكذا شأن الطغاة».
📚 المرجع:
- حسن المحاضرة في تاريخ مصر والقاهرة

ركز على قيمة اللي بتبيعه ؟!
🟥 الفرق بين البياع اللي بيخلص في مبيعات كتير
والبياع اللي بتضيع منه فرص كتير
🟢 هو إن الأول بيركز على القيمة مش السعر !
🔴 بدل ما يقول :
الخدمة بـ 500ج
🟢 بيقول مثلاً :
الخدمة هتوفرلك أكتر من 3 ساعات يومياً
يعني في الشهر 90 ساعة فكر هتستفيد
بالوقته إزاي ؟!
🟢 العميل لما يشوف المكسب أكبر من الفلوس
القرار بيكون أسهل