🔴 الكنيست وافق رسميًا على خطة احتلال غزة.. والأقمار الصناعية من شوية رصدت مشهد مخيف بيحصل على حدود القطاع دلوقتي...
صفوف طويلة من الدبابات والعربيات المدرعة والمعدات الثقيلة، ومعاها حدات هندسية وكتائب احتياط... كلها بتتحشد بشكل مرعب على طول الحدود!
⚫️ والصور دي مش مجرد حركات استعراضية ولا مناورات... بل هي استعداد فعلي لاجتياح بري شامل، اتوصف من خبراء عسكريين إنه هيكون أكبر هجوم من إسرائيل على غزة من بداية الحرب في 2023... بل ممكن يكون الأكبر من 2008 أصلًا!
طيب هو إيه اللي حصل خلال الساعات اللي فاتت واحنا مش متابعين؟ 👇
🔴 شوف... النهارده الفجر واحنا نايمين، حكومة الاحتلال الإسرائيلي وافقت رسميًا على خطة نتنياهو باحتلال مدينة غزة بالكامل اللي انا كلمتك عنها في بوست فات من كام يوم، وكنت قلتلك انها اتسربت للصحافة... والموافقة دي جت أخيرًا في جلسة كابينت جوه الكنيست، استمرت لمدة أكتر من 10 ساعات وسط اعتراض شديد من قيادات الجيش ومسئولين أمنيين سابقين!
والمرة دي بقى، الخطة مش بس عسكرية زي كل مرة... بل هي خطة هدفها الأساسي هو التفريغ والتهجير، وبشكل كامل ونهائي وبلا عودة...
🔵 الخطة المرة دي بتتكون من أكتر من مرحلة، والمفروض حسب المصادر العسكرية الإسرائيلية انها هتتنفذ على 5 شهور... أول مرحلة منها هتتضمن وقف شامل للمساعدات عن القطاع لإجبار السكان على الخروج، تمهيدًا لعمليات الاقتحام وعشان تكون أسهل بدون مدنيين.. ده حسب كلامهم طبعًا...
وبحسب مصادر عبرية وأميركية، فالـ Deadline أو الموعد النهائي اللي حدده الاحتلال لإخلاء مدينة غزة بالكامل هو 7 أكتوبر 2025، اللي هو نفس يوم الهجوم اللي بدأ الحرب... وده طبعًا اختيار له رمزية كبيرة عندهم زي ما انت شايف...
🟢 الفكرة بقى ان قيادات الجيش نفسهم خايفين ورافضين الخطة دي، وشايفينها كارثة على الكيان نفسه...
رئيس الأركان "إيال زامير" حذّر نتنياهو قدام الكل، وقاله إن احتلال غزة بالكامل ممكن ياخد سنتين، وهيعرّض حياة الرهائن والجنود لخطر كبير، ومفيش أي فائدة استراتيجية حقيقية من المغامرة دي...
🟣 ومش بس كده... ده في رفض كامل على مستوى عالمي للخطة دي، من كل دول العالم تقريبًا ما عدا أمريكا اللي مدية الضوء الأخضر لنتنياهو، و"ترامب" قال من يومين لما اتسأل عن الخطة بعد ما اتسربت إن الموضوع يتوقف على نتنياهو وهو مش هيتدخل!
على الناحية التانية؛ ألمانيا من شوية وقفت صادرات السلاح لإسرائيل، وفرنسا وبريطانيا وكندا وأستراليا، والاتحاد الأوروبي كله تقريبًا، بالإضافة لـ مصر والأردن وتركيا، كلهم أدانوا الخطة ووصفوها بإنها "جريمة حرب" بيتم الإعلان عنها أمام العالم كله...
🟡 وكمان الأمم المتحدة قالت إن القرار ده هيسبب مجازر غير مسبوقة في تاريخ الصراع، وأعنف من أي شيء حصل من بدايته، بالإضافة لبداية تنفيذ تهجير قسري مباشر، وإنه هيأدي لمجاعات كارثية أضخم من اللي بتحصل دلوقتي...
وبرغم كل ده، نتنياهو ما زال مصر على الخطوة دي، وأعلن صراحةً في تصريحات له من شوية نقلها التلفيزيون العبري إنه مش هيسيب غزة إلا لما "يمحي حـ.ـ.ـمــ.ــ.ـــا.س"، ويسلم المدينة لحكم مدني تحت "السيطرة الأمنية الإسرائيلية"...
ووزير المالية الإسرائيلي بتسلئيل سموتريتش قال في تصريح رسمي للعالم كلهم إنهم: "سيمحوا أي وجود للدولة الفلسطينية مستقبلًا..."
🟠 وبسبب ده، فأهالي الأسرى الإسرائيليين دلوقتي بيتظاهروا بشكل عنيف جدًا في قلب تل أبيب، والشرطة بتتعامل معاهم بطرق عنيفة وبتضرب عليهم قنابل غاز وبتستخدم خراطيم المية لتفريقهم، وبعضهم قالوا في تصريحات للتلفيزيون شيء خطير جدًا محدش واخد باله منه، برغم إنه هيبينلك خطورة اللي على وشك الحدوث...
🟢 قالو ان نتنياهو خلاص قرر يضحي بالأسرى اللي باقيين كلهم... الـ 20 واحد اللي باقيين لسه على قيد الحياة، نتنياهو عايزهم كلهم يموتوا، وعايز يورّط الداخل الإسرائيلي في احتلال غزة للهروب من مسؤولية الأسرى، وعشان يبقى مبرر كامل ونهائي له إنه يدمر القطاع بالكامل وينفذ كل الأهداف السياسية اللي في دماغه، ويأجل قرار محاكمته اللي شغالة في القضاء الصهيوني دلوقتي...
🔹️ طيب لما الهجوم يحصل، أيه المتوقع؟
حــ.ــ.ــ.ــمـــ.ـــ.ــــا.س قالت إنها مش هتسلم سلاحها وهتدافع عن القطاع لآخر نفس، وفصائل المقاومة كلها رفعت حالة التأهب القصوى... ولو إسرائيل اقتحمت فعلاً، وارد جدًا نشوف هجمات من الجنوب اللبناني، أو من الحوثيين في البحر الأحمر، أو حتى تصعيد من إيران أو العراق...
🟡🟠 يعني الخلاصة: الخطة اللي متوقع يبدأ تنفيذها خلال أيام أو ساعات هتكون الأخطر من بداية الحرب كلها، وهتكون تصعيد أخير لمرحلة هتعدي سقف ما هو مسموح، وهتتجاوز كل الخطوط الحمراء...
إحنا دلوقتي في الساعات الأخيرة قبل الانفجار الكبير...
يا إما العالم يتحرك ويوقف المجزرة اللي جاية، يا إما هنشوف غزة بتتمسح من على الخريطة حرفيًا... على الهواء مباشرة...
🔴 هسيبلك المصادر في أول كومنت كالعادة 👇 ولو وصلت لهنا، متنساش تشارك المقال مع الناس من خلال الشير، عشان الكل يعرف اللي حصل الساعات اللي ساعات الماضية، واللي على وشك الحدوث...

🔴 في 3 أخبار مهمين لازم تعرفهم... إيران دلوقتي بتمر بأسوأ جفاف شافته من 100 سنة، وإسرائيل بتحاول تستغل ده لإسقاط النظام من جوّه… وفي خبر (لسه مش مؤكد) ان السودان لأول مرة بيعترف رسميًا إن حلايب وشلاتين أرض مصرية!
وفي غزة، المقاومة النهارده الفجر نفذت واحدة من أكبر العمليات ضد الاحتلال من بداية الحرب!
⚫️ لو انت مش متابع اللي حصل في الشرق الأوسط خلال الـ 48 ساعة اللي فاتوا، فخليني أقولك ان ال 3 أحداث اللي حصلوا دول ممكن يقلبوا الموازين في المنطقة...
تعالى بقى معايا أحكيلك التفاصيل كلها باختصار، لإن كل حدث من الـ 3 اللي انت هتقرأهم في السطور الجاية دي، هو حدث تاريخي يستاهل بوست كامل لوحده... 👇
1️⃣ نبدأ بإيران…
🔴 تخيل بلد بحجم ومساحة إيران، فيها 90 مليون إنسان، بقالها 5 سنين مش عارفة تشرب ميه!
حسب تقارير صحفية بقالها فترة منتشرة على شبكات زي بلومبرج وسي إن إن، فـ البلد حاليًا بتمر بأسوأ موجة جفاف شافتها بقالها أكتر من 100 سنة... والسبب في ده هو التغير المناخي الرهيب اللي اتسبب في زيادة الحر وجفاف الجو، وتراجع معدلات المطر لأدنى مستوى ليها تاريخيًا، لدرجة ان درجات الحرارة في البلد دلوقتي بقت بتوصل لـ50 درجة بشكل مستمر، وخزانات المية أصبحت فاضية، وحسب بعض شهادات السكان، في مناطق في طهران الحنفية بتنزل تراب!
🔵 المسؤولين حسب التقارير بيفكروا دلوقتي انهم يقفلوا العاصمة كلها أسبوع ويرجعوا الناس كلها تشتغل من البيوت عشان يوفّروا كهربا وميه... وحاليًا في بعض المحافظات بتستلم الميه بـعربيات "التانكر" في الشوارع، والسلطات بدأت تقطع الميه عن البيوت اللي بتستهلك كتير...
الرئيس الإيراني بزشكيان قال في تصريح رسمي الأسبوع اللي فات إنهم قد يضطروا إلى "نقل العاصمة الإيرانية لمكان آخر بسبب الجفاف"! والحكومة الإيرانية قالت إن العطش والجفاف فالعاصمة قد يجبر 15 مليون نسمة من سكانها على النزوح داخليًا لمدن أخرى!
🟢 وفي وسط ده كله، بقى حصلت مفاجأة...
من شوية، طلع نتنياهو على شاشة الإعلام الإسرائيلي في خطاب ناري وغريب... والخطاب ده مكانش بيكلم فيه شعبه ولا بيحكي عن حرب غزة... لأ ده كان بيتكلم عن إيران.. وكلامه مكانش موجه للقيادة الإيرانية، بل موجه لشعب إيران نفسه!
🟣 نتنياهو في الخطاب بتاعه تباهي بالتكنولوجيا اللي وصلها علماء الإحتلال في مشاريع تحلية مياه البحر وتوفير المياه العذبة، وقال لهم بالحرف:
"إحنا أكتر (دولة) في العالم بنعرف نوفّر ميه… وساعدنا شعوب كتير قبل كده، ولو انتوا عايزين مساعدتنا، يبقى لازم تعملوا ثورة على النظام بتاعكم وتسقطوه... وأول ما تتحرروا من نظامكم، خبرائنا هينزلوا إيران كلها يساعدوكم ترجعوا تشربوا وتعيشوا!"
يعني… بالعربي كده… إسرائيل عايزة الشعب الإيراني يعمل ثورة على نظامه، عشان يساعدوهم يفكوا العطش والجفاف اللي عندهم!
🟠 انت متخيل البجاحة وصلت لفين؟
حاليًا الخطاب بتاع نتنياهو ده منتشر بشكل كبير في الإعلام الإسرائيلي ونقلته اكتر من شبكة أخبار عالمية، وهسيبلك اللينك بتاعه في الكومنتات، عشان تشوف بنفسك الحرب وصلت لفين... الحرب مبقتش مجرد صواريخ وطيران، لأ دول بدأوا يستعملوا العطش نفسه ضد الإيرانيين!
2️⃣ وعلى الناحية التانية من البحر بقى، في مصر، حصل خبر تاني بقاله كام ساعة منتشر على السوشيال ميديا كلها، بيتكلم عن حدث تاريخي بقاله سنين طويلة متعلق وعليه نزاع، وتم انهاءه أخيرًا بعد اكتر من ربع قرن من الشد والجذب...
🔴 السودان (يقال لسه وغير مؤكد) انها اعترفت بإن حلايب وشلاتين أرض مصرية!
شوف يا سيدي.. عشان تبقى فاهم بس، فالمثلث الحدودي على البحر الأحمر اللي بيضم منطقة حلايب وشلاتين، كان دايمًا ملف نزاع حساس بين مصر والسودان... ولسنين طويلة جدًا كان في صراع سياسي ودبلوماسي على مين صاحب المنطقة الحقيقي، مستمر تقريبًا من أيام الاستعمار البريطاني، من بدايات القرن العشرين!
وطول السنين دي، النزاع كان بيتم تغذيته من أطراف خارجية زي بريطانيا ولاحقًا إسرائيل، عشان يزرعوا الفتن والوقيعة بين الشعب المصري والسوداني، اللي هما المفروض تاريخيًا كانوا شعب واحد وبلد واحدة قبل تدخلات وفتن الغرب...
🟡 كل الأطراف الدولية اللي مكانتش عايزة استقرار للمنطقة كانت بتستخدم الملف ده كورقة تأجج نار الفتنة بين الشعبين، وآخر حاجة كانت حاصلة في الموضوع، كانت إن مصر أمرت بطرد القوات السودانية تمامًا من المثلث والسيطرة عليه بالكامل والسيطرة الكاملة على المنطقة بعد ما اتعرض الرئيس مبارك لحادثة اغتيال في أديس أبابا اتهم فيها عناصر من الخرطوم بالتورط فيها سنة 1995...
بس النهارده أخيرًا، وبحسب تقارير فرنسية نقلتها شبكات الأخبار المصرية والسودانية، الرئيس المصري عبد الفتاح السيسي اتفق مع رئيس مجلس السيادة السوداني عبد الفتاح البرهان، وتوصلوا لتوافق رسمي بين البلدين على اعتبار المثلث جزء من الأراضي المصرية...
🟣 وده بالفعل أنعكس على المفاوضات الجارية دلوقتي ما بين السعودية والسودان لترسيم الحدود البحرية بينهم، واللي -تمهيدًا لها- البرهان طلب من لجنة المفوضية القومية للحدود انهم يرسموا خريطة رسمية بتظهر حلايب وشلاتين داخل الحدود المصرية، عشان يقدروا يخلصوا الملف ده للأبد، ويرسموا الحدود البحرية مع الرياض!
طبعًا زي ما انت عارف، المثلث ده له أهمية استراتيجية قصوى لمصر، بدايةً من الموارد الطبيعية الكبيرة ولحد موقعه الجغرافي المطل على البحر الأحمر، واللي يعتبر واحد من أهم المواقع الاستراتيجية المرتبطة بالأمن القومي المصري وعمق مصر الاستراتيجي في إفريقيا والبحر الأحمر...
🟢 القرار بالشكل ده بيشيل ورقة ضغط من إيد أي طرف خارجي كان بيحاول يلعب على وتر الفرقة بين البلدين خلال الشهور اللي فاتت، وبيفرغ التهديدات الحدودية اللي كانت بتترسم على حدود مصر الجنوبية من مضمونها... وهو فعليًا قرار تاريخي لو تم تطبيقه فعلًا (لإن لسه لحد دلوقتي مفيش إعلان رسمي من السودان ومصر، خلي بالك من النقطة دي)... وربنا يحفظ البلدين...
3️⃣ بس الخبر التالت بقى، واللي حصل في غزة النهارده الفجر، كان مذهل وغير متوقع...
🔴 رتل من القوات الإسرائيلية متجه لحي الشجاعية في غزة، متكون من جنود ومدرعات ودبابات ميركافا، كانوا داخلين بأريحية بعد انسحاب جزئي تم من كام يو، وفاكرين إن الأرض مؤمنة... بالظبط نفس إحساس الثقة الكاذب اللي كان عندهم في كل الكماين السابقة...
بس المرة دي الكمين كان مختلف، عشان اللي ما كانوش عارفينه هو إن المقاومة كانت مفخخة الأرض كلها بألغام وعبوات ناسفة مرتبطة بنظم تفجير متسلسلة... وبالفعل مع أول تقدم للقوات، العبوات دي انفجرت عشان تدمر عشرات الآليات العسكرية وتتسبب في مصرع عدد كبير من الجنود، لحد دلوقتي لسه الاحتلال مأعلنش عنه بشكل مباشر...
🟠 حسب التفاصيل اللي أعلنت عنها كـ.تــ.ائـ.ـب المقاومة، فبعد ما القوات الإسرائيلية انسحبت من مناطق شرق غزة اللي كانت متلغمة، قدرت الفصائل تعد خسائر الاحتلال الفعلية على الأرض... وحسب ما نقلت شبكة الجزيرة، فالكمين ده هو واللي تم تنفيذهم خلال الكام اللي فاتوا، اتسببوا في تدمير52 آلية إسرائيلية، منهم 21 دبابة و18 ناقلة جند، والباقي جرافات وعربيات إمداد... ونتج عنه عشرات القتلى والمصابين...
فـ تخيل انت لما جيش الإحتلال يكون اتعرض لكمية الخسائر دي، ولحد دلوقتي لسه بيواجهوا مشاكل في تعبئة الجنود المطلوبين لخطة اجتياح غزة اللي وافق عليها الكنيست من يومين... يبقى يا ترى هيعملوا أيه لو قرروا يدخلوا فعلًا؟
🔵 يكفي إني أقولك ان في كلام منتشر حاليًا ونقلته وكالة الأخبار الفلسطينية "معا"، بيقول ان خطة الاجتياح دي مش هتتنفذ، وان جيش الاحتلال هينسحب مقابل دخول لجنة من الدول العربية لإدارة القطاع بدلًا منها..
وأكيد الخبر ده لو صحيح فعلًا، فهو هيكون بسبب ان الجيش مش قادر ينفذ الخطة دي بسبب كمية الخسائر، وكمان بسبب الرأي العام العالمي اللي أصبح بيدينهم بشكل مباشر وسافر لأول مرة في التاريخ... لدرجة ان صندوق الثروة السيادي النرويجي نفسه، (أكبر صندوق ثروة سيادي في العالم)، سحب استثماراته من الكيان بسبب الإبادة!
🔴 كالعادة هسيبلك مصادر كل الأخبار دي في الكومنتات تحت، ولو وصلت لهنا متنساش تعمل شير عشان البوست يوصل لغيرك والناس كلها تعرف آخر التطورات أيه، وأيه اللي حصل في المنطقة خلال الساعات اللي فاتت..

اكتشاف لقاح لعلاج سرطان الرئه 😳

💉🌍 لقاح جديد للوقاية من سرطان الرئة دخل أول تجارب عالمية!
ولو نجح، ممكن يغيّر كل حاجة 🧡

🌟 في إنجاز طبي كبير، العلماء بدأوا أول تجارب سريرية للقاح سرطان الرئة في 7 دول: بريطانيا، أمريكا، كندا، فرنسا، ألمانيا، إسبانيا، وأستراليا 🇬🇧🇺🇸🇨🇦🇫🇷🇩🇪🇪🇸🇦🇺

🚭 اللقاح معمول للناس اللي عندهم خطر عالي للإصابة، زي المدخنين الحاليين أو السابقين، أو اللي اتعرضوا لمواد خطيرة زي الأسبستوس 🧪

🛡️ هدفه إنه يجهّز جهاز المناعة عشان يتعرف على الخلايا السرطانية ويدمرها قبل ما تكبر أو تنتشر ✊

🔄 ده ممكن يغيّر أسلوب التعامل مع السرطان من علاج لوقاية، خصوصًا مع واحد من أخطر أنواع السرطان في العالم 💔

📊 التجارب بدعم من منظمة الصحة العالمية والمعهد الوطني للسرطان، وهتستمر كذا سنة علشان يراقبوا النتائج بدقة 👨‍⚕️📅

💬 د. سارة جونز قالت إن اللقاح ده ممكن ينقذ أرواح كتير، ويفتح باب أمل جديد للملايين 💫

لو نظرتك عن الهندوس في الهند انهم شوية بقر بيعبدوا البقر ومافي معلوم بابا وعربيات الاكل المقرفة وبوليوود وخلاص فانا حابب اصححلك النظرة دي لان الواقع هناك اسوأ من كدة بكتير شويتين.
- نظام الطبقات الهندوسي!!

في المعتقد الهندوسي فيه كام اله كدة بيعبدوهم، على راسهم واحد اسمه "براهما" واتنين كمان هما "شيفا وفيشنو"، بس براهما كبيرهم عشان هوا اللي صنع كل حاجة على رأسها البشر حلو؟ بس هوا لما عمل البشر - وفق لمعتقداتهم - عملهم طبقات يعني ناس فوق وناس تحت.

النظام الطبقي الهندوسي ده بيصنف الناس هناك طبقات هرمية على اساس حاجتين، حاجة اسمها الكارما اللي هيا العمل، وحاجة اسمها الدارما اللي هيا الواجب، واللي حط النظام ده حكام مدعومين من الآلهة اللي لقبهم "مانو" ومانو ده زي لقب قيصر او فرعون مثلا، ما علينا.

المهم ان التقسيمة البشرية دي قسمت الناس لاربع طبقات كبار، الطبقة العليا هيا "البراهمة" اللي هما الكهنة ورجال الدين ودول اتعملوا من راس براهما، بعدها على طول طبقة "كشاتريا" اللي هما الحكام والجيش واتعملوا من دراعاته، وبعدها "فايشيا" اللي هما التجار واتعملوا من فخاده، وفي اخر الهرم طبقة اسمها "الشودرا" اللي هما الخدم ودول اتعملوا من وش رجل براهما.
الفكرة ان كل طبقة فوق بتستحقر الطبقة اللي بعدها، وبيحصل تمييز طبقي في الوظايف والحياة وكل حاجة كل ما طبقتك تبقا اقل، وفيه منع اختلاط بين الطبقات دي، لكن عندك فرصة انك ترتقي لطبقة اعلى بطريقة سهلة جدا وبسيطة.

- انك تموت ويحصل تناسخ ارواح وترجع في طبقة اعلى!
فيه بقا طبقة خامسة تحت الهرم ده اسمها "الداليت" او المنبوذين، ودي طبقة غير مصنفة من كتر ما بيحتقروهم، براهما نفسه نبذهم في الكتب عندهم، ليه بقا؟ عشان دول اللي ماتوا وهما عاملين حاجات غلط وجايين تاني عشان يتعاقبوا ويشتغلوا في المهن الدونية، ينضفوا حمامات مثلا او يلموا زبالة بإيديهم.

طبقة الداليت دي عددها في الهند فوق ال٢٥٠ مليون نفر، ومستباحين بطريقة فجة وممنوع عنهم الاختلاط او الجواز من طبقة تانية، ممنوع ان طبقة عليا تلمسهم او تلمس اكل من ايديهم، الجرايم بتحصل فيهم من الطبقات الاعلى ومحدش بيتحاسب، لو حد فيهم اتعلم وعايز يتوظف فالدستور بتاعهم مخصصلهم كوتة بعدد معين، ومش هياخدها بردو عشان حتى الوظايف هناك بالوراثة.

- كل ذنبك انك اتولدت في الطبقة دي!!
انتا بتتكلم في ناس ممنوع تشتري حتى نفس الاكل اللي بياكلوه الطبقات التانية لدرجة انهم بيصطادوا فئران ويتغذوا عليها وده حاصل حرفيا في مجتمع اسمه "موساهارز" في ولاية بيهار على سبيل المثال.

- ودول مش شوية دول قد تعداد مصر مرتين ونص!!
لما استقلت الهند عن بريطانيا، وعلى الرغم من ان بريطانيا اشتغلت على النظام ده وكبرته عشان تفضل الهند مفصصة طول عمرها، الا انه لما الهنود جم يكتبوا الدستور استعانوا ب"باباساهب أمبيدكار" وده كان احد ابناء الداليت، ولغى التمييز ده في الدستور، لكن عشان تغير حاجة مزروعة في نفوس المجتمع من الاف السنين دا شيء صعب، ففضلوا زي ماهما كدة خصوصا في الريف، والراجل ده نفسه بقا بوذي من كتر ما فشل في تغيير ثقافة الطبقية دي.

- طب نهاجر ولا نعمل ايه؟
اصل نسيت اقولك ان المدن بيسكنها الطبقات العليا بس، وحوالين المدن هتلاقي مجتمعات الداليت دي، فقراء معدومين معرضين لكل انواع الضغط، وكل شوية تيجي مجموعة من طبقة اعلى تستبيحهم هما وبناتهم وتمشي، حتى لما بيتعلموا في المدارس فممنوع على العيال انها تلمس الكتب او السبورة عشان متدنسهاش، يعني كانوا بيقعدوا برة الفصل ويكتبوا على الطين انتا فاهم المعاناة؟
دا حتى لو واحد منهم اتجوز وركب حصان ابيض يتزف بيه، تلاقي اهل القرى من الطبقات الاعلى اعتدت عليهم وزقلتهم بالطوب، واللي بيعمل كدة مش هيبات يوم واحد في القسم، محدش هيحاسبه.

- تخيل بقا النظام ده بيبص لكل ماهو غير هندوسي ازاي؟
"ناريندرا مودي" رئيس وزراء الهند يبقا من طبقة الشودرا، بينتمي لفرع اسمه الجانشي او بائعين الشاي في الهند، وكانوا بيأكدوا على انتمائهم لطبقة اعلى اللي هيا التجار "فايشيا" بس عشان مش تجار اوي فقالك دول في الطبقة الاقل، فهو لعب على القصة دي وانه ابن الشعب ومش عارف ايه والقومية وشاروخان وبتاع لحد ما انظم لحزب "بهارتيا جاناتا" القومي.

المسلمين جوا الهند اللي هما اكبر اقلية في العالم كله، عددهم فوق ال٢٠٠ مليون في الهند لوحدها لكن كنظام طبقي هندوسي مسيطر على الحكم شايف انهم دخلاء على الهند اصلا عشان مؤمنين بحاجة من برة الهند، ووجودهم تهديد للهوية الهندوسية اللي وصلت للحكم بعد بريطانيا، دا بالنسبة للي جوا.

اما وجودهم جوا بعد انفصال باكستان سنة ١٩٤٧م لان باكستان اختارت الانفصال وقتها، مخليهم في نظر الحكام "عمالة مشكوك فيها" او خطر داخلي محتمل، بجانب الخلاف الايدولوجي بتاع اللحمة الكندوز، فجزء من خطاب القومية الهندية قائم على العداء ضد كل ما هو غير هندوسي لان ده طبعهم اصلا، يعني تخيل الهندوس نفسهم مش طايقين بعض ومقسمين بعض طبقات وهما ٨٠٪ من شعب الهند اصلا، هيعاملوا المختلف معاهم بطريقة مختلفة؟

- يعني دي نظرتهم المجتمعية لنفسهم اصلا!!

فما بالك بقا بنظرتهم للمختلف عنهم سواء بهرة او سيخ او بوذيين، وخصوصا للمسلمين اللي هما - في نظرهم - اعداء فطريين ليهم ومنفصلين عنهم وطمعانين في الهند - بردو من وجهة نظرهم - واللي كانوا في يوم من الايام بيحكموا الهند وهما كانوا اقلية ساعتها، وشايفين ان الخلاف هو خلاف ديني مش سياسي؟ فاهم حاجة؟

‏من 3 سنوات بمناسبة 100 عام على العلاقات المصرية الأمريكية أنتوني بلينكن يهدي سامح شكري وثيقتين مهمتين تتضمنان تهنئة رئيس الولايات المتحدة ال29 آنذاك وارن هاردنغ لكل من جلالة الملك أحمد فؤاد ملك مصر وعبدالخالق باشا ثروت رئيس الوزراء ومهندس الاستقلال بمناسبة استقلال مصر عن بريطانيا

لعب الشريف حسين بن علي، أمير مكة وزعيم الثورة العربية الكبرى عام 1916،
*****
دورًا محوريًا في الأحداث السياسية التي رسمت مستقبل المشرق العربي خلال الحرب العالمية الأولى. كانت علاقته ببريطانيا قائمة على المصالح المتبادلة، حيث اعتمد عليها لتحقيق حلمه بإقامة دولة عربية مستقلة، لكنها انتهت بخيبة أمل عميقة بعد أن تخلى البريطانيون عنه، مفضلين تقسيم المنطقة وفقًا لمصالحهم الاستعمارية.

بدأت هذه العلاقة عبر سلسلة من المراسلات بين الشريف حسين والسير هنري مكماهون، المندوب السامي البريطاني في مصر، خلال عامي 1915 و1916. في هذه المراسلات، وعدت بريطانيا بدعم استقلال دولة عربية تضم معظم أراضي الجزيرة العربية وبلاد الشام والعراق، مقابل إعلان العرب ثورتهم ضد الدولة العثمانية والانضمام إلى الحلفاء في الحرب العالمية الأولى. وبناءً على هذه الوعود، أعلن الشريف حسين الثورة العربية الكبرى في يونيو 1916، حيث تمكن العرب، بدعم بريطاني وتحت قيادة ابنه فيصل بن الحسين، من طرد العثمانيين من الحجاز وأجزاء واسعة من بلاد الشام، بمساعدة الضابط البريطاني توماس إدوارد لورنس، المعروف بـ"لورنس العرب".

لكن بينما كان الشريف حسين يحارب العثمانيين، كانت بريطانيا وفرنسا قد أبرمتا اتفاقية سرية عام 1916 تُعرف بـ"سايكس - بيكو"، التي نصت على تقاسم المشرق العربي بين القوتين الاستعماريتين، متجاهلةً وعودها للعرب. وفي عام 1917، جاء وعد بلفور ليضيف صدمة أخرى، حيث تعهدت بريطانيا بدعم إقامة وطن قومي لليهود في فلسطين، وهو ما كان يتعارض مع تطلعات العرب التي كان الشريف حسين يتوقع تحقيقها.

بعد نهاية الحرب العالمية الأولى، وجدت بريطانيا نفسها في موقف المتحكم بمصير المنطقة، فتنصلت من تعهداتها للشريف حسين. سقطت سوريا في يد فرنسا عام 1920، وتم طرد ابنه فيصل من دمشق، بينما تولى البريطانيون إدارة فلسطين والعراق وشرق الأردن بموجب نظام الانتداب الذي فرضته عصبة الأمم. رفض الشريف حسين الاعتراف بالانتداب البريطاني والفرنسي، مما أدى إلى تدهور علاقته ببريطانيا التي كانت قد بدأت بدعم عبد العزيز آل سعود، زعيم الدولة السعودية الناشئة، في طموحاته التوسعية في شبه الجزيرة العربية.

في عام 1924، أعلن الشريف حسين نفسه ملكًا للحجاز والخليفة على المسلمين بعد إلغاء الخلافة العثمانية، لكن بريطانيا لم تقدم له أي دعم، مما أدى إلى اندلاع الحرب بينه وبين عبد العزيز آل سعود. وبحلول عام 1925، تمكن السعوديون من السيطرة على الحجاز، مما أجبر الشريف حسين على التنازل عن العرش لصالح ابنه علي بن الحسين، قبل أن يُنفى إلى قبرص، ثم يقضي سنواته الأخيرة في الأردن تحت رعاية ابنه الملك عبدالله الأول، حتى وفاته عام 1931.