🟨 وانت بتعمل ميزانية..حدد نسب مش أرقام 🟡يعني مثلا لو قلنا فرد دخله 10000ج وعليه ديون بيسد منها جزء شهريًا ففي ناس بتعمل خطأ بسيط وهي وضع أرقام في الميزانية فيقول مثلا أنا هدفع 2000ج كل شهر.. 🔴 وفجأة لاقدر الله يحصل لك ظروف ودخلك ده يقل أو المصاريف تزيد عليك زي مثلا عندك ولد كمان دخل مدرسة.. هنا الرقم ده هيكون يبقى عبء عليك وممكن تيجي شهور وتعجز عن السداد.. 🟢 طب والحل؟ خليك في النسب يعني مثلا بدل ما تقول 2000ج قول هحط 20% أو 15% لسداد الديون مثلا.. ده معناه إنك بتتكيف مع التغيرات… لو دخلك قل. 🟡 ببساطة اللي بيشتغل بالنِّسَب، بيعيش بمرونة.. وبيستمر واللي بيشتغل بالأرقام الثابتة، بيقع أول ما الدنيا تهتز. 🟢 نفس الكلام ده ممكن نقوله على: الادخار نِسبة 10% ادخار… أحسن من محاولة توفير رقم ثابت ممكن ما تقدرش عليه.. 👈 فاللي بنصحك به #خليك_مرن