🔴🔴 نموذج الذكاء الاصطناعي Grok يقف ضد إيلون ماسك!
في موقف أشبه بشجارات الأطفال على منصة X اشتعل شجار بين Elon Musk و Sam Altman.
بدأت القصة عند منشور ماسك الذي يتهم فيه Apple أنها تمنع أي تطبيق أن يتفوق على ChatGPT وأنها تتعمد تقليل ظهور تطبيقاته على App Store.
رد ألتمان بسخرية مدعيا أن ماسك نفسه يتلاعب في منصة X وخوارزمياتها لصالحه وصالح شركاته ويضر بمن لا يعجبونه.
لم يسكت ماسك بل رد عليه واتهمه بالكذب قائلا أن ادعاءه باطل، حيث أن تغريدة ألتمان حصلت على 3 مليون مشاهدة وهو أكثر مما يحصل عليه ماسك في كثير من تغريداته.
المضحك في الموضوع أن أحد المستخدمين سأل نموذج الذكاء الاصطناعي الخاص بماسك Grok عن أي منهما على حق؟ فجاء الجواب أنه سام ألتمان 😂
ليرد بعدها ماسك بنشر صورة من ChatGPT يجيب بأن ايلون ماسك أحق بالثقة من سام التمان.

شركة "OpenAI" نزلت GPT-5 خلاص و بقى متاح لكل اللي بيستخدمو "ChatGPT Plus" و "Pro" و "Team" و النسخة المجانية كمان، و هييجي للي بيستخدمو "Enterprise" و "Education" خلال أسبوع
كمان "OpenAI" بتأكد إن "GPT-5" هو "أذكى و أسرع و أفيد موديل عملوه لغاية دلوقتي" و فيه تحسينات جامدة في البرمجة و الرياضة و الكتابة و الأسئلة اللي ليها علاقة بالصحة
و من التحسينات في GPT-5 إنه بيقلل "الهلو.. / سة" (يعني الأخطاء أو المعلومات الغير صحيحة)
شركة "OpenAI" بتقول إن إجابات "GPT-5" أقل عرضة للأخطاء بنسبة 45% تقريبا مقارنة بـ GPT-4o و دا ماشي مع المعلومات اللي جاتلنا في المحتوى الأصلي اللي بتقول إن نسبة الأخطاء قلت بشكل كبير جدا حوالي 45% لـ 80% أقل
نموذج GPT-5 نازل كنموذج أشمل.. بيفهم بعمق أكتر و بيعرف يتعامل مع مهام كتير بشكل أحسن
النموذج دا أثبت دقة أعلى في الإجابة على أسئلة علمية في مستوى الدكتوراه و التعامل مع شغل البرمجة و كمان بقى أحسن في كتابة و تعديل التقارير و الإيميلات و بيدي إجابات مفصلة و مفيدة أكتر
و بالنسبة للأسئلة اللي ليها علاقة بالصحة، GPT-5 "شبه الشريك اللي بيفكر معاك" أكتر من النماذج اللي قبله لأنه بيتأقلم مع كلام المستخدم و مستوى معرفته و مكانه الجغرافي و هو بيرد على الأسئلة
المعلومات دي ماشية مع اللي اتقال في المحتوى الأصلي عن قدرة "GPT-5" على عمل مهام كتير (كتابة الكود، التصميم، الإجابة على الأسئلة)، وأداءه الخارق في اختبارات الرياضة والبرمجة، وفهمه الأعمق للصوت والكلام، وقدراته الذاتية (Agentic Capabilities) زي الرد على الإيميلات وتنظيم المواعيد.
الأمان والتعامل مع المواضيع الحساسة
كمان اتقال ان "GPT-5" بيعتمد على تدريب اسمه "الإكمال الآمن" و دا بيساعد النموذج إنه يدي إجابات مفيدة من غير ما يتخطى حدود الأمان
دا معناه إن GPT-5 ممكن يجاوب جزئيًا على أسئلة كان بيرفضها زمان، ولو احتاج يرفض الإجابة، "هيقولك بصراحة ليه رفض، وكمان هيديلك بدائل آمنة"
دا بيأكد المعلومات اللي جاتلنا في المحتوى الأصلي عن ميزة "الإكمال الآمن"
الفكرة كمان ان "OpenAI" حاطة "GPT-5" في منافسة مباشرة مع نماذج تانية كبيرة زي "Grok 4" من "xAI" المملوكة للملياردير "Elon Musk" و "Gemini 2.5" من "Google" و "Claude 4" من "Anthropic"
التقييمات الأولية من المستخدمين بتقول إن "GPT-5" أحسن من "GPT-4o" و بعض الناس حاسين إنه سلس أكتر و بيدي إجابات مفصلة
بس في نفس الوقت بعض المستخدمين مش عاجبهم و بيقولو إن الإجابات بقت قصيرة و مش كفاية و إن النموذج الجديد بقى أقل "شخصية"
الاختلاف دا في الآراء بيورينا قد إيه الناس كانت متوقعة حاجات كبيرة من النماذج الجديدة
طيب ايه هي يا ترى تجارب المستخدمين مع ChatGPT 5؟
بناء على المعلومات اللي جمعتها من مصادر كتير ممكن نلخص تجارب المستخدمين مع "ChatGPT 5" في النقط دي:
•
تحسينات في الأداء بشكل عام:
ناس كتير لاحظت إن سرعة الإجابة و دقة المعلومات اللي بيقدمها "GPT-5" بقت أحسن و قدرته على تقليل الهلو.. / سة بنسبة كبيرة دي نقطة إيجابية مهمة عجبت الناس
•
القدرات المتعددة:
قدرة "GPT-5" على التعامل مع مهام مختلفة زي البرمجة، و الرياضة، و الكتابة، و حتى التصميم، بتخليه أداة قوية و مفيدة لناس كتير من خلفيات مختلفة
•
الفهم الأعمق:
المستخدمين حاسين إن "GPT-5" بيفهم بعمق أكتر و بيدي إجابات مفصلة أكتر خصوصا في المجالات المتخصصة زي العلوم و الطب
•
التفاعل الطبيعي:
مميزات زي فهم نبرة الصوت و القدرة على التأقلم مع كلام المستخدم بتخلي التعامل مع "GPT-5" طبيعي و سهل أكتر و دا بيحسن تجربة المستخدم
•
القدرات الذاتية (Agentic Capabilities): إن GPT-5 يقدر يعمل مهام لوحده زي الرد على الإيميلات وتنظيم المواعيد دي ميزة ثورية ممكن تغير طريقة شغل الأفراد والشركات.
الموضوع كمان فيه بعض المخــ... / ـــاوف بخصوص "الشخصية" و الإجابات القصيرة:
بالرغم من التحسينات.. فبعض المستخدمين قالو إن النموذج بقى بيدي إجابات أقصر و أقل "شخصية" مقارنة بالإصدارات اللي قبله و دا ممكن يأثر على تجربة المستخدمين اللي بيحبو التفاعل المفصل أو الإبداعي
•
اما النسة للتوقعات العالية:
بما إن كان فيه ضجة كبيرة قبل إطلاق "GPT-5" كانت التوقعات عالية جدا
فيه ناس شايفة إن النوذج حقق التوقعات دي و ناس تانية شايفة إنه معملش قفزة نوعية كبيرة زي اللي حصلت بين "GPT-3" و "GPT-4"
و الخلاصة يا صديقي العزيز
نموذج "ChatGPT 5" خطوة مهمة في تطور نماذج الذكاء الاصطناعي، لأنه بيقدم تحسينات واضحة في تقليل الهلو.. / سة، و زيادة الدقة و توسيع القدرات عشان تشمل مهام كتير و معــ... / ــقدة اكتر
معظم المعلومات اللي جمعتها ماشية مع التقارير الرسمية و التقييمات الأولية للمستخدمين
بس لازم نعرف إن تطور الذكاء الاصطناعي بييجي معاه مسال كتير أخلاقية و قانونية محتاجة شفافية أكتر و نقاش مستمر عشان نضمن إن التكنولوجيا دي بتستخدم بشكل مسؤول و أخلاقي
و طبعا كلنا نشهد لشركة "OpenAI" بالشفافية و الأخلاق و الدليل هو اللي حصل مع "Ghibli studio" و نشر البيانات الخاصة بالمستخدمين على الانترنت.. بس دي طبعا شركة عندها "privacy policy" و كدا 😂😅
ولكن مع كل اللي بتعمله الشركة بشكل واضح و صريح تظل تجارب المستخدمين مع نماذج "GPT" و تحديدا "GPT-5" متنوعة.. فيه ناس شايفة إنه نقلة نوعية.. و ناس تانية شايفة إن لسه فيه مجال للتحسين خصوصا في "شخصية" النموذج و طول الإجابات
ملحوظة:
أنا مش بستخدم "GPT" قالي شهور و المقال دا كتبته بناء على تجارب مستخدمين تانيين مش عن استخدام شخصي و خلال الأيام الجاية هقولكم الأسباب اللي منهم سبب أكيد انت قرأته من أقل من دقيقة

تحديثات جديدة على chatgpt
• يمكن الاختيار بين أوضاع GPT-5: Auto / Fast / Thinking.
• حد الاستخدام: 3000 رسالة/أسبوع على GPT-5 Thinking، وبعدها سعة إضافية على GPT-5 Thinking mini. نافذة السياق 196K توكن.
• نموذج 4o رجع متاحاً في مُنتقي النماذج للمشتركين المدفوعين.
• زر “إظهار نماذج إضافية” يضيف o3 و4.1 وGPT-5 Thinking mini.
• 4.5 حصري لمشتركي Pro لأنه يستهلك GPUs كثير.
• الحدود قد تتغير لاحقاً حسب الاستخدام.

انا شكاك وناقد لما يستقبله عقلي
قرأت البوست ده:
الحقيقة الغائبة على الكثيرين//
"ميلتون فريدمان" الحائز على جائزة نوبل في الاقتصاد عام 1976 ، سأله الصحفيون عن أفضل بلد من وجهة نظره، فكانت الإجابة هي تايوان 🤔 لأنها بلد خال من أي موارد طبيعية وأرضه صخرية ويقع في بحر تتلاطمه العواصف من كل جهة، وبحاجة لاستيراد كل شيء حتى الرمل والحصى، ومع هذا يمتلك رابع أفضل احتياطي مالي في العالم، لأنه اختار الحفر في عقول أبنائه بحثاً عن الإبداع بدلاً من الحفر في الأرض بحثاً عن المعادن، فالبشر هم طاقته الوحيدة غير الناضبة والقابلة للتجديد وأضاف قائلاً: أنه يمكن قياس تقدم دولة ما في القرن الواحد والعشرين من خلال ما تنفقه على «خلق» المعلم الناجح وتربية الأبناء وزرع الجدية فيهم والاهتمام بمقرراتهم، وليس بما تمتلكه من ذهب وألماس ونفط، فمستوى "مخرجات التعليم" هو الذي سيحدد قوة أمم المستقبل وثراءها وليس الدخل من الموارد الطبيعية واختتم فريدمان: "من المفيد أن يكون لدى دولة ما نفط وغاز وألماس، ولكنها تصبح بلا جدوى إن لم تستغل ذلك بطريقة سليمة ".
=====ء
برغم اني متفق مع افكار المضمون تماما ولكن برده..
فسألت صديقي ChatGPT عنه
هل الكلام ده جاء على لسانه فعلا؟
كانت الاجابة
الكلام المتداول ده منسوب لميلتون فريدمان، لكن في الحقيقة لا يوجد أي مصدر موثق أو مقابلة أو مقال معروف لفريدمان يتضمن هذا النص أو هذه العبارات بهذا الشكل.
التحقق من الكلام:
ميلتون فريدمان معروف بتوجهه الليبرالي الشديد في الاقتصاد، واهتمامه بحرية السوق وتقليص دور الحكومة.
لم يُعرف عنه استخدام هذا النوع من الخطاب العاطفي أو التربوي، بل كان تركيزه الأساسي على الاقتصاد الكلي، والسياسات النقدية، وحرية السوق.
البحث في أرشيف تصريحاته ومقابلاته (ومنها ما هو موثق في كتبه مثل Capitalism and Freedom وFree to Choose) لا يُظهر أي حديث عن تايوان بهذه الطريقة، ولا عن المعلم الناجح بهذه الصياغة.
الجملة الشهيرة له التي تشبه الفكرة جزئياً هي:
> "The greatest advances of civilization, whether in architecture or painting, in science and literature, in industry or agriculture, have never come from centralized government."
لكن دي بتتكلم عن الإبداع الفردي بعيداً عن تدخل الدولة، مش عن التعليم بشكل مباشر.
هل قال شيئاً عن تايوان؟
من الممكن أنه أشاد بالسياسات الاقتصادية لتايوان في سياق النموذج الرأسمالي الحر، لكنها لم تُنقل بهذه الطريقة.
الأقرب لهذا النوع من الخطاب يكون من شخصيات مثل "لي كوان يو" (مؤسس سنغافورة الحديثة) أو "توماس فريدمان" (الصحفي والكاتب المعروف، لا علاقة له بميلتون فريدمان).
الخلاصة:
لا، هذا الكلام لم يرد عن ميلتون فريدمان بهذا الشكل، ومن المرجح أنه من تأليف أو إعادة صياغة عربية لرسالة تحفيزية منتشرة على الإنترنت.
بس

طريقة بسيطة ومجربة لعمل تحليل سوات SWOT Analysis
بمساعدة ChatGPT.. استخدم التوجيه التالي prompt
ء========
أنت خبير في الادارة الاستراتيجية، ومهمتك هي إعداد تحليل تفصيلي لنموذج تحليل SWOT (نقاط القوة – نقاط الضعف – الفرص – التهديدات) لشركة أو مشروع محدد. الهدف هو تقديم تقييم استراتيجي عميق وقابل للتنفيذ بناءً على معلومات دقيقة حول البيئة الداخلية والخارجية.
اسم الشركة:
النشاط:
السوق المستهدف:
قبل إعداد التحليل، يجب أن تبدأ بجمع المعلومات من خلال عملية اكتشاف منظمة تتضمن ما يلي:
1. اطرح عليّ 20 سؤالًا على الأقل، واحدًا تلو الآخر، للحصول على المعلومات المطلوبة.
2. تأكد من أن تغطي الأسئلة كلا الجانبين:
العوامل الداخلية (لتحديد نقاط القوة والضعف) في جميع إدارات وأنشطة الشركة: مثل الموارد، العمليات، الفريق، الثقافة التنظيمية، التكنولوجيا، المنتجات، العلامة التجارية، الوضع المالي... إلخ.
العوامل الخارجية (لتحديد الفرص والتهديدات): مثل المنافسين، توجهات السوق، اللوائح والقوانين، سلوك العملاء، الحالة الاقتصادية، التغيرات الاجتماعية والتقنية... إلخ.
3. بناءً على كل إجابة، يُسمح لك بـ طرح أسئلة متابعة (متعمقة) تصل إلى 5 مستويات عند الحاجة، للوصول إلى معلومات أوضح وأكثر دقة.
بعد جمع المعلومات الكافية، انتقل إلى إعداد تحليل SWOT الكامل بالتقسيم التالي:
1. نقاط القوة الداخلية
2. نقاط الضعف الداخلية
3. الفرص الخارجية
قم بتحليل عوامل البيئة الكلية باستخدام إطار PESTLE (السياسية، الاقتصادية، الاجتماعية، التكنولوجية، القانونية، البيئية).
وقم بتحليل عوامل البيئة الجزئية مثل: العملاء، المنافسين، الموردين، الوسطاء، والصورة العامة للشركة.
ضع جميع الفرص تحت عنوان واحد ورتبها بالأهمية
لا تخلط بين الفرص الخارجية ونقاط القوة الداخلية
4. التهديدات الخارجية
بنفس الطريقة، تشمل البيئة الكلية والجزئية.
ضع جميع التهديدات تحت عنوان واحد ورتبها بالأهمية
لا تخلط بين التهديدات الخارجية ونقاط الضعف الداخلية
ينبغي أن تكون كل نقطة في التحليل واضحة، محددة، وقابلة للتطبيق، وتُدعم بأمثلة أو تفسيرات من واقع المعلومات التي تم جمعها.
التحليل النهائي يحتوي ٤ عناوين فقط بالترتيب
نقاط القوة
نقاط الضعف
الفرص
التهديدات
بعدها ضع توصيات مختصرة للتطوير والتحسين في نقاط واضحة، حسب الأولويات، بناء على التحليل
ء=====
لو تفضل اللغة الانجليزية ممكن تترجم النص او تطلب منه المخرجات باللغة الانجليزية
جرب وعرفنا تقييمك!
#عيادة_البيزنس

رجل يبلغ من العمر 60 عامًا تم إدخاله إلى المستشفى بعد أن استبدل ملح الطعام (كلوريد الصوديوم) ببروميد الصوديوم بناءً على نصيحة من ChatGPT. هذا التغيير الغذائي أدى إلى إصابته بتسمم البروميد، وهي حالة نادرة ناتجة عن تراكم البروم في الجسم، مما تسبب في أعراض مثل الهلوسة والارتباك. تسلط هذه الحالة الضوء على مخاطر الاعتماد على الذكاء الاصطناعي للحصول على نصائح طبية غير موثوقة.
وفي رد فعل على هذه الحادثة، أعرب سام ألتمان، الرئيس التنفيذي لشركة OpenAI، عن قلقه من اعتماد الأشخاص على ChatGPT في اتخاذ قرارات حياتية هامة، مشيرًا إلى أن بعض المستخدمين قد يطورون ارتباطات عاطفية قوية مع النماذج الذكية، مما قد يؤدي إلى نتائج غير مرغوب فيها.
تُبرز هذه الحادثة أهمية توخي الحذر عند استخدام الذكاء الاصطناعي للحصول على نصائح طبية، والتأكيد على ضرورة استشارة متخصصين صحيين مؤهلين قبل اتخاذ قرارات تؤثر على الصحة.
المصدر في التعليقات:

بعد إطلاق GPT-5، واجهت OpenAI موجة من الانتقادات من مستخدمي ChatGPT، الذين وصفوا النموذج الجديد بأنه يفتقر إلى الشخصية والدفء الذي كان يتمتع به GPT-4o. في غضون 24 ساعة، استجابت الشركة سريعًا لإعادة GPT-4o كخيار متاح لمشتركي Plus. لتفعيل النموذج، يجب على المستخدمين تسجيل الدخول عبر الويب، ثم الانتقال إلى الإعدادات وتفعيل خيار "إظهار النماذج القديمة" .

في منشور على منصة X، اعترف الرئيس التنفيذي لشركة OpenAI، سام ألتمان، بأن الشركة قللت من أهمية بعض الجوانب التي يحبها المستخدمون في GPT-4o، حتى وإن كان GPT-5 يتفوق في معظم الجوانب. وأضاف أن OpenAI ستراقب الاستخدام بينما تفكر في مدة إتاحة النماذج القديمة .

🔴 أمريكا دلوقتي بتخسر أعظم ثرواتها، وأهم حاجة كانت بتميزها على مدار قرن كامل... عقولها العلمية!

في صمت تام... وبعيد عن عناوين الأخبار، أخطر نزيف عقول في التاريخ الأمريكي تقريبًا بيحصل بقاله شهور دلوقتي...
آلاف من ألمع العقول اللي كانت بتشتغل في أرقى جامعات ومراكز أبحاث أمريكا، زي هارفارد وستانفورد وغيرهم، بيقدموا استقالاتهم، وبيهربوا بعلمهم وخبراتهم على الصين وأوروبا... والسبب؟ ترامب وسياساته اللي حوَّلت الجامعات الأمريكية من منارة علم، لساحة هروب جماعي للعلماء!

⚫️ طب إزاي حاجة زي كده ممكن تحصل، وليه؟!
حضر بقى كوباية شايك الحلوة والنعناع ☕️❤️ وتعالى معايا أحكيلك عن واحدة من أخطر التغيرات اللي بتحصل على الساحة الاقتصادية العالمية دلوقتي، واللي محدش بيتكلم عنها خالص تقريبًا.. الهروب الجماعي للعقول العلمية من أمريكا اللي يومًا ما كانت بلد العلم والعلوم!

🔴 شوف يا سيدي...
من أول لحظة رجع فيها ترامب للبيت الأبيض، بدأ هجوم غير مسبوق على الجامعات ومراكز الأبحاث والعلماء، محصلش قبل كده بالشكل ده في تاريخ أمريكا..
إزاي؟!

ترامب خد قرارات بتخفيض تمويلات قيمتها مليارات، كانت بتروح سنويًا لجامعات زي هارفارد، MIT، وجونز هوبكنز.. وكمان وصل الموضوع لإنه هدد رسميًا بسحب الإعفاءات الضريبية من الجامعات العريقة والكبرى في أمريكا، ومنهم على الأخص "هارفارد"، اللي اتهمها بإنها بتبث "أفكار معادية لأمريكا" بسبب إنها كانت سايبة طلابها يتظاهروا ويعملوا وقفات احتجاجية ضد اسرائيل!

🟣 والموضوع موقفش هنا... بل بالتوازي مع ده، سحب تمويلات فيدرالية خاصة بأبحاث المناخ والتصدي للتغير المناخي، وقلل التمويلات الخاصة بدعم الصحة العامة... وفوق كل ده طرد مئات العلماء الأجانب من أمريكا، على رأسهم ناس كانت شغالة في أبحاث الرعاية الصحية والمناخ، في مؤسسات زي "الإدارة الوطنية لأبحاث المحيطات والغلاف الجوي NOAA"، وكمان "المعاهد الوطنية للصحة NIH”... وإجمالي عدد الموظفين والعلماء اللي فقدوا وظائفهم وصل آلاف!

ومش بس كده.. ده كمان إدارته بدأت حملة شرسة على تأشيرات الطلاب والباحثين الأجانب المختلفين معاه "فكريًا"، وطبعًا يقصد في قضية إسرائيل والشرق الأوسط.. والموضوع كان سيء لدرجة إن في طلاب وباحثين كانوا بيتم إيقافهم في وسط الحرم الجامعي، ويتقبض عليهم وبعد ما يتم استجوابهم بيتم إلغاء تأشيراتهم ويترحلوا.. وهتلاقي مصادر بتحكي عن الموضوع ده في أول كومنت..

🟠 وفي وسط كل الجنون ده، مئات العلماء والكفاءات، وآلاف الباحثين اللي أغلبهم من خريجي هارفارد وستانفورد وMIT بدأوا ياخدوا قرار مصيري... يهربوا من أمريكا ويدوروا على دول تانية يشتغلوا فيها بحرية وأمان..
وأول مكان فتح لهم دراعه كان مين؟
الصين!

🟢 الصين دلوقتي يا صديقي بقت حرفيًا قبلة للعلماء والباحثين... وعايز أقولك إن بحسب تقرير لبلومبرج، في شركة شكاء اصطناعي صينية ناشئة اسمها Manycore استقبلت مؤخرًا مئات السير الذاتية من خريجين أمريكيين من هارفارد وستانفورد، وكلهم عايزين يشتغلوا هناك وقدموا على وظائف عندهم!

وفي خلال شهور، مئات من مهندسين الذكاء الاصطناعي اللي كانوا شغالين في وادي السيليكون انضموا بالفعل ليهم، عشان لقوا عندهم فرص أفضل وحرية أكتر في البحث والابتكار..

🟡 ومش بس كده... الصين كمان رجّعت علماء كبار كانوا شغالين في أوروبا وأمريكا، منهم عالم إسمه "لين نان"... وده لو متعرفوش، فهو واحد من أعظم وأهم العقول العلمية في العالم في مجال تقنيات تصنيع الرقائق الإلكترونية!
الراجل ده يا صديقي كان رئيس وحدة "مصادر الضوء Light Sources" في شركة ASML الهولندية، اللي هي الشركة الوحيدة اللي بتصنع أجهزة الطباعة الضوئية بالأشعة فوق البنفسجية المتطرفة أو اللي بيسموها الـ EUV.. واللي بتستخدم في تصنيع وطباعة الشرائح الإلكترونية اللي دقتها فوق الـ 7 نانومتر، وبتشغل كل حاجة في تكنولوجيا العالم الحديث، بداية من معالجات الموبايلات ولحد معالجات الذكاء الاصطناعي وشرائح السيارات الكهربية والطيارات الحربية والأسلحة المتطورة!

🔵 تكنولوجيا الـ EUV دي طبعًا أمريكا مانعة وصولها للصين، وفارضة عقوبات وحظر تجاري شامل على أي شركة تفكر بس انها توصلها لبكين.. وعايزك بقى تتخيل معايا ان الراجل ده ساب ASML ورجع تاني للصين من قريب، ودلوقتي بيقود فريق بحثي قدر بالفعل يصنع تقنيات بديلة لتكنولوجيا الـ EUV دي، بكفاءة وصلت لـ 3.42٪ باستخدام ليزر اسمه "ليزر الحالة الصلبة".. ودي نسبة قريبة جدًا من الأجهزة الغربية اللي أمريكا منعت تصديرها للصين، واللي بتوصل لـ 5.5%.. يعني خلاص الصين بقت على وشك تكسر الحظر التكنولوجي اللي عليها بسبب شغل الراجل ده بس!
ما بالك بقى بآلاف العلماء التانيين!

🔴 وعشان الصورة توصل لذهنك بس، يكفي إني أفكرك إن "جنسن هوانج" رئيس شركة "إنفيديا" صرح من فترة إن 50% من الكفاءات في قطاع الذكاء الاصطناعي والصناعات التقنية الخاصة بتطوير الشرائح، هما صينيين! وعدد كبير من الناس دول دلوقتي بيرجعوا على الصين تاني!

يعني بدل ما الصين تحاول تكسر الحظر التقني عليها أو تسترضي أمريكا انها تاخد منها تقنياتها.. لأ دي علمت ولادها وعلماءها الصناعة، وأصبحت الرائدة عالميًا في أبحاث الذكاء الاصطناعي، وبعدين بدأت تجذب عقولها من الخارج مرة تانية، عشان تبدأ ثورة في أبحاث الذكاء الاصطناعي والرقائق الإلكترونية!

🟢 والموضوع موقفش عند الصين بس... أوروبا هي كمان بتلعب لعبتها دلوقتي، عشان تستفيد من اللي حاصل في أمريكا بقدر الإمكان، وبالأخص فرنسا...
إزاي؟!

فرنسا والاتحاد الأوروبي يا صديقي أعلنوا حزمة تمويل بقيمة 600 مليون يورو لاستقطاب العلماء اللي اتطردوا أو اتعرضوا للتضييق في أمريكا.. وماكرون نفسه وجه خطاب رسمي من جامعة السوربون للباحثين الهاربين من أمريكا، وقالهم ما معناه بالبلدي كده:
"لو بتحبوا الحرية… تعالوا وساعدونا نحافظ عليها!"
وهتلاقي تصريحه في المصادر في أول كومنت..

🟣 طب هل ده كل شيء؟!
لأ... فرنسا عملت منصة جديدة اسمها "Choose France for Science" بتسمح للجامعات الأوروبية بالتقديم لاستقبال العلماء من أمريكا، وتغطية تكاليف أبحاثهم بالكامل.. وباريس لوحدها خصصت 100 مليون يورو إضافية لدعم المشروع ده، غير الـ 600 مليون اللي خصصتهم باقي دول الاتحاد الأوروبي..

وكمان فوق كل ده، فالاتحاد الأوروبي حاليًا بدأ يضخ استثمارات بأكتر من 93.5 مليار يورو في برنامج للأبحاث والابتكار اسمه Horizon Europe، ومخطط يتم تمويله لحد سنة 2027! وكل ده في محاولة لجذب الكفاءات العلمية دي، وصنع ثورة أوروبية في أبحاث الذكاء الاصطناعي والرقائق، عشان يقدروا ياخدوا مكان في وسط عتاولة الصين وأمريكا!

🟢 يعني كده بسبب غشومية ترامب في دعم صورة اسرائيل في الداخل الأمريكي، أمريكا بدأت بتفقد عقولها اللي هي سبب ريادتها في أهم تكنولوجيا العصر: الذكاء الاصطناعي – أشباه الموصلات – تقنيات النانو – الحوسبة الكمية.

🔴 والمصيبة الأكبر؟ إن كل ده بيحصل في نفس الوقت اللي ترامب بيحاول يخنق الصين بقيود على شركات زي Nvidia وAMD، تمنعهم من تصدير الشرائح الإلكترونية اللي صمموها مخصوص للصين عشان تتوافق مع القوانين الأمريكية اللي بتقول انها متبقاش حديثة بقدر كافي.. وبسبب ده AMD في تصريحات رسمية توقعت انها هتخس 800 مليون دولار بسبب الحركة دي، وNvidia قالت انها هتكلفها ما يقرب من 5.5 مليار دولار!
وده بقى حسب التقارير، ممكن يؤدي لحاجة خطيرة جدًا..

🟠 القيود دي واستمرار تطبيقها على الصين لمحاولة خنقها ووقف تقدمها، أصبحت في الواقع دافع أكبر للصين إنها تطوّر صناعاتها بسرعة، وتوطن عقولها وتقنياتها محليًا!
وده اللي بتعمله دلوقتي فعلًا!

⚫️ عندك مثلًا شركة زي Huawei دلوقتي بتقود مبادرات لتصنيع شرائح AI محلية، وشركات ناشئة زي DeepSeek وManycore بيبنوا نماذج ذكاء صناعي أرخص بكتير من ChatGPT ومنافسة ليه وبنفس الكفاءة تقريبًا!
ده غير كمان ان في 2024، الصين أعلنت عن استثمار 1.4 تريليون دولار لتوطين الصناعات التكنولوجية الحساسة.. يعني هما بالفعل حطوا ميزانية مفتوحة للخطة دي، ومصممين يوصلوا للي هما عايزينه، ويحتلوا مكان أمريكا!
وإحنا العرب في وسط كل ده، قاعدين دلوقتي بنتفرّج على أعظم عقول أمريكا وهي بتتوزع على العالم.. ومالناش صوت ولا وزن!

🔵 فهل دي فعلًا ممكن تكون بداية النهاية لتفوق أمريكا العلمي؟وهل الصين وأوروبا فعلاً هياخدوا مكانها؟
الله أعلم... بس المؤشرات كلها بتقول إن أمريكا دلوقتي بتنزف... مش بس دولارات.. لأ... دي بتنزف عقول كانت هي سر تفوقها العالمي بقالها عشرات السنين!

🔴 وفي النهاية لو وصلت لحد هنا، متنساش تعمل شير عشان تدعم المجهود اللي ببذله في كتابة الموضوعات دي، وتساهم في انها توصل لغيرك... وكالعادة، هتلاقي المصادر الرسمية تحت في الكومنتات 👇
شكرًا.