مساء الخير يااخواتي♥️
خد شوية الاخبار دى على السريع 👇🏻👇🏻
▪️🚨الاهلي يواصل تدريباته استعدادًا لمواجهة فاركو في الدوري 🦅✅
▪️🚨ياسر إبراهيم اشتكي من آلام في العضلة الخلفية قبل نهاية مران الفريق اليوم وسيخضع لفحص طبي غدًا لحسم موقفه من مباراة فاركو✅
▪️🚨خوسيه بييرو يغير ميعاد مران الفريق غدًا ليكون مساءً، ثم الدخول مباشرة في معسكر مغلق عقب انتهاء المران.
⬅️تغيير ميعاد المران جاء بسبب شكوى عدد من اللاعبين بعدما كان يخوضون التدريب صباحًا ثم يعودون إلى منازلهم قبل أن يتوجهوا مساءً إلى فندق الإقامة للانتظام في المعسكر.✅
▪️🚨غياب إمام عاشور عن المران الجماعي اليوم وبالتالي يقترب من الغياب عن مباراة فاركو يوم الجمعة.✅
▪️🚨رسميًا | الاتحاد الأوروبي لكرة القدم يُعلن عبر بيان رسمي بدء تحرّكه لتقديم الدعم لأطفال غ-زّة، وذلك بعد أيام قليلة من تغريدة النجم المصري محمد صلاح، حيث سيتم توجيه المساعدات من خلال المؤسسة الخيرية التابعة للاتحاد.✅
▪️🚨مصدر مقرب من أحمد عبد القادر : اللاعب لم يشكو الأهلي ولا ينوي ذلك، إما أن يستمر مع الأهلي بكل احترام، أو ينتظر فرصة مناسبة للرحيل✅
▪️🚨زيارة مفاجأة من وزير الشباب والرياضة لـ استاد القاهرة قبل مباراة الأهلي وفاركو يوم الجمعة✅
▪️🚨مصدر بالزمالك للقاهرة 24:شكوى عمار ياسر لعدم حصوله على مستحقاته؟ لا يوجد استقصاد للاعب، كل لاعبي قطاع الناشئين لم يحصلوا على مستحقاتهم منذ فترة طويلة وفريق 2005 الذي يضم عمار لم يحصل على مستحقاته منذ الموسم الماضي الامر غير مقتصر على عمار فقط وسيتم توقيع عقوبة على اللاعب لاستخدام السوشيال ميديا دون اذن✅
▪️🚨جاهزية أحمد رضا وياسين مرعي لمباراة فاركو ومشاركتهم في المران الجماعي اليوم بعد تعرضهما للإصابة أمام مودرن سبورت✅
▪️🚨شوبير : بعد فشل مفاوضات قاسم باشا لضم كوكا ، اللاعب قال أنا تحت أمر النادي في التجديد ومعنديش أي مشكلة والنادي عايز يجدد للاعب لمدة 5 مواسم جاية علشان ديه أخر سنة للاعب✅
▪️🚨وفقاً لـ الصحفي ابو علي: احتمال أن محمد عبدالمنعم يكون موجود في الاهلي في يناير الجاي ، لأن الاهلي بدأ محاولات في ضم اللاعب علشان يكون مع الفرقة في انتقالات الشتاء الجاية✅
▪️🚨وفقاً لـ الصحفي محمد أبو علي : المدرب خوسيه ريفيرو غير مقتنع بالسلوفيني جراديشار مهاجم الفريق ، ويري أنه واخد مكان اجنبي علي الفاضي والاهلي قادر علي التعاقد مع مهاجم أفضل✅
▪️🚨وفقاً لـ الصحفي عمرو فهمي : ماعلمته أن الشناوي يقترب من العودة لحراسة مرمى الأهلي في مباراة فاركو✅
▪️🚨الصحفي محمد أبو علي : فيه لاعب تدخل علي الشناوي تدخل عنـيـ،ـف في تدريبات الاهلي والشناوي صرخ صرخه جامدة بعد التدخل ده وجاله كدمة ولكن اللاعب جاهز لماتش فاركو✅
▪️🚨بطولات:منتخب مصر يوافق علي مواجهة نيجيريا وديًا في ديسمبر، وسيحصل اتحاد الكرة على مبلغ مالي نظير لعب هذه المباراة
⬅️سيتم تحديد البلد المستضيفة للمباراة خلال 48 ساعة حيث ستقام في مصر أو احدى دول الخليج أو في المغرب✅
▪️🚨نادي كولومبوس كرو يُعلن سفر وسام ابو علي للإنضمام للفريق بشكل رسمي✅
▪️🚨امام عاشور يتكفل بمصاريف العملية الجراحية لـ ابنة عم رأفت أقدم عامل في نادي الزمالك ❤✅
▪️🚨عم رأفت عامل نادي الزمالك : زياة امام عاشور لإبنتي كانت زيارة معنوية ولم يتحمل تكاليف علاجها ، لانني لم اوافق على تحمل احد تكاليف علاجها ، ورئيس نادي الزمالك كان قد عرض تحمل تكاليف علاجي ابنتي ولكني وجهت لهم الشكر✅
▪️🚨شـوبير : أليو ديانج كان قريب جدًا مـن التوقيع للنادي الأهلي على عقود التجـديد، ولكنه كان يريد الانتظار لما بعد انطلاق الدوري، ليفاجئ اللاعب بوجوده على مقاعد البدلاء في لقاء مودرن سبـورت..
⬅️ديانج قال لمسئولي الأهلي "كيف سأجدد وعلى أي أساس، كما أن هناك مروان عطية الذي كان يلعب أساسيًا في مونديال الأندية وأصبح قريبًا من العودة، كما أن ريبيرو دفع بـ أحمد رضا ثم كوكـا في اللقاء الأول، فهل أصبحت رقم 3 ؟!".
⬅️تستطيع القول أن الأمر الآن أصبح متوقف بشأن التجديد لـ ديانج
⬅️البعض داخل الجهاز الفني فوجئ بأن أليو ديانج لم يلعب أساسيًا.. لأن القرار في النادي الأهلي يكون لـ المدير الفني.. إلا لو حدث شئ كارثي وقتها يتدخل فقط مجلس الإدارة مثلما حدث مع كولر.✅
🔴 لو مش متابعني ويهمك اخبار الاهلي اعمل متابعة مش هتخسر حاجة 🤝♥️
🔴 استنوا الاخبار العالمية بنفس الطريقة في آخر اليوم
🔴 ربنا يعلم انا بتعب اد ايه في كتابة البوست دا ، فالتفاعل الحلو بتاعك علشان الاخبار توصل لكل الاهلاوية وان شاء الله كل يوم من دا وهيبقي فيه أخبار خاصة عن طريق مصدري الشخصي وهيبقي فيه انفرادات كمان 😉🦅
🔴 والأهم عندى من الشير أنك تصلى على النبى وتقولي ايه رأيك في الاخبار وتدعيلي دعوة حلوة كده من قلبك ♥️

الكاتب الإنجليزي هنري وينتر : تأثير صلاح ؟ .. بعد تغريدة صلاح على منصة X الذي تساءل فيها عن بيان اليويفا المحدود بشأن وفاة اللاعب الفلسطـينـ..ـي، قامت اليويفا بالإعلان عن شراكة مع مؤسسات خيرية تقدم مساعدات إنسانية حيوية لأطفال غزة.

احمد شوبير🗣️:
النادي الأهلي أخطر زيزو بغلق ملف قضية الزمالك والتركيز مع الفريق، والنادي سيتولى المهمة، وهو يعرف كيف يسيرها بالشكل الصحيح، ويعرف كيف يحصل على حقوق نجومه

شوبير: الأهلي يؤجل مفاوضات تمديد عقد إمام عاشور إلى فترة التوقف الدولي، لحين انتهاء المباريات المهمة للفريق خلال الفترة المقبلة ♥️🦅

توج #أهلي_طرابلس بلقب الدوري الليبي للمرة الـ14 في تاريخه، بقيادة المدرب المصري #حسام_البدري عقب الفوز على الهلال بهدفين دون رد في المباراة الختامية لمرحلة سداسي التتويج، التي أُقيمت في مدينة ميلانو الإيطالية.

⭕ وشهدت مرحلة سداسي التتويج مشاركة أندية أهلي طرابلس، أهلي بني غازي، الاتحاد الليبي، الهلال، الأخضر، والسويحلي، ونجح أهلي طرابلس في حسم اللقب بعد تحقيق 4 انتصارات وتعادل وحيد

🚨🚨الاهلي يطلب حكام أجانب لمبارة بيراميدز يوم السبت 30-8 في الجولة الخامسة على استاد القاهرة الدولي 🦅🦅

🚨🚨 في كل مباراة بيغيب عنها امام عاشور بتحس ان في صعوبه في كل حاجه في نص الملعب ودي حقيقة فعلا وجود امام عاشور بيريح الملعب ويرجح كفة الاهلي على اي حد..
⬅️ امام عاشور لاعيب مختلف عن اي حد ومناسب لأي طريقة لعب ..واحد على واحد مهاري باص قصير مظبوط.. باص كاسر للخطوط بيعملها بالمسطرة.. لاعيب يقدر يفكلك ماتش متقفل بتسديدة ويمينه شغال وشماله برضه شغال..
⬅️ قادر يتحكم في ريتم المباراة ويعمل زيادة عددية وبتلاقيه في كل مكان في الملعب لاعيب جوكر.. امبارح الاهلي كان بيعطل كتير في نص الملعب وكل ما حد يتزنق كان بيطلع على بن رمضان اللي كان ممسوك بواحد واتنين فتخيل معايا وجود اتنين زي امام وبن رمضان في نص الملعب..
⬅️ عودة امام مهمة اوي وهتساعد الفريق اوي في الفترة الجاية خصوصا انه اللاعيب الوحيد مع بن رمضان اللي بيعرف يعمل ربط لخطوط الملعب 👌✍🏻

🚨🚨 النهاردة قعدت تابعت ملخص لمسات على معلول مع الصفاقسي قدام الترجي واللي انتهى بفوز الترجي بنتيجة 2-1 ومعلول كان أساسي في الماتش..
⬅️ لاعيب بقاله اكتر من سنه ونص مبيلعبش كورة ولا بيتمرن إلا على فترات لقيته ظاهر بمستوى عالي ومميز عامل اكتر من 7 كروسات بالمقاس دا غير الانطلاقات المعروفة بتاعته وواقف على رجله في الملعب وحرفيا كانت كل الخـ ـطورة كلها من عنده..
⬅️ كنت واثق ان علي لسه عنده وعلى الأقل كان يديك موسم كمان دا غير انه باقل كمان من المستوى دا هو افضل من اي حد موجود دلوقتي.. هتقولي اجنبي وواخد مكان هقولك ان اشرف داري أصلا مبيلعبش ولا بيتم الاعتماد عليه وبالنسبالي لو اتحط في مقارنه وواحد بس اللي يقعد طبعا هيكون معلول..
⬅️ أنا زعلان على الطريقة والشكل وكل حاجه حصل مع معلول لأنه مكنش يستاهل كدا خصوصا ان وهو في عز مجده وأنت محتاجه مسبكش وراح مكان تاني وانت بمجرد ما كبر شويه ولسه عنده قررت بكل سهوله تستغنى عنه.. أنا فعلا حزين على معلول 🤚🏻

🚨🚨في لقطة الهدف الاول لمودرن والي محدش ركز مع كريم فؤاد إلا في اللعبة الأولى اللي الناس أعتقدت ان ممكن يكون فيها فاول كل دا الناس شافتو عادي لكن اللي مكنش عادي بالنسبالي هي عدم وعي كريم فؤاد بعد ما الكورة اتقطعت منه وركز كدا معايا وأنت تعرف ليه..
⬅️ في الصورة رقم واحد الكورة اتلعبت من ياسين مرعي لمصطفي شوبير واللي لعبها على طول لكريم فؤاد اللي اضغط عليه والكورة اتقطعت لكن ركز كدا بعد ما الكورة اتقطعت ياسين مرعي بوعي دفاعي وإحساس عالمي بالمكان خرج لبرا بسرعة عشان الكورة تبقى اوفسايد ودا اللي واضح في الصورة رقم اتنين واللي عليه السهم هو مرعي..
⬅️ وفي الصورة رقم 3 تكمله لكلامي في خروج ياسين مرعي عشان الكورة تكون اوفسايد لكن كريم فؤاد فضل واقف مكانه متحركش خطوة وحده ودا زي ما ظاهر في الصورة رقم 4 اللي هتلاقي فيها السهم على كريم …
⬅️ بالمناسبة كريم هو اللي غطى التسلل في اللعبة لان رضا رغم انه برضه مكنش طالع خطوة لقدام الان انه كان ورا حسام حسن والكورة كانت هتتحسب اوفسايد لولا تغطية كريم فؤاد..
⬅️ تفاصيل صغيرة جدا بس صدقني هي دي اللي اللي بتعمل فارق وبتفرق لاعيب عن التاني وبتكون سبب في أهداف تدخل فيك تخسرك الماتش او حتى التعادل ودا اللي حصل…

🚨🚨 الجزئيات والتفاصيل الصغيرة والبسيطة دي هي اللي بتخلص ماتشات وتجيب بطولة.. يعني لما تبقى الدقيقة الأخيرة في الماتش ومحتاج تكسب باي شكل..
⬅️ والكورة توصل سهله جدا لواحد من كباتن الفرقة محمد هاني وعاوز يستلم الكورة بشياكة على وش رجله والفرقة كلها مستنيه كورة وتستلمها بالشكل دا فتطلع برا !!!!!!!!!
⬅️ محلل اداء الاهلي كان موجود في مقصورة الصحفيين وحرفيا كان عمال يزعق بصوت عالي في أوقات كتير من المباراة لان الأداء باين وواضح ان مفيش حاجه بتتنفذ..
⬅️ لكن لما هاني استلم الكورة بالشكل دا الراجل حرفيا كان هيطلع من هدومه ودا كان حال كل جمهور الاهلي على اللعبة دي تحديدا 👌

🚨🚨 انا حقيقي مش قادر اصدق ان اليو ديانج بيلعب عليه أفشىة وأحمد رضا !!!.. لا والتقيلة لما حد منهم خرج كوكا اللي نزل... هو للدرجادي يعني مستوى اليو ديانج ضايع كدا؟؟؟
⬅️ لا حقيقي محتاج حد يشرحلي ويفهمني يمكن انا غلط او مبفهمش بس احمد رضا مين وكوكا مين اللي يلعبو على ديانج ؟؟ انا ديانج دا يتحط وبعدين اشوف مين هيلعب جنبه غير كدا عبث وعك كروي 👌
⬅️ الفكرة بقا أن ديانج رفض وطلب تأجيل تجديد عقده الفترة اللي فاتت بسبب الموضوع دا لانه خايف يحصل معاه زي ما حصل ايام كولر وميتمش الاعتماد عليه بشكل أساسي !!!