🔴 الاحتلال بدأ بالفعل تنفيذ خطته لاحتلال غزة وتدميرها وتهجير سكانها… ودلوقتي بيمحوا حي الزيتون من على الخريطة!
في اللحظة اللي العالم كله مركز فيها على قمة ألاسكا بين أمريكا وروسيا، والكل مشغول بالتريندات اللي بتحصل على السوشيال ميديا، جيش الاحتلال دلوقتي بينفذ في صمت خطته اللي أعلن عنها من أسبوع تقريبًا، وبدون ما ناخد بالنا لإنهم بيقضوا حتى على الصحفيين...
طب أيه اللي بيحصل؟! 👇
🟢️ حي الزيتون، أكبر أحياء غزة وأكثرها كثافة سكانية، واللي بيتوصف دايمًا بإنه البوابة الجنوبية الشرقية للمدينة، بيتعرض دلوقتي لواحدة من أعنف عمليات القصف والتدمير الممنهج من ساعة ما بدأت الحرب...
البيوت بتتفجر فوق أصحابها، والمساجد بتتضرب وتتهدم، والمدارس بتتدمر، والسكان كلهم تقريبًا هربوا تحت تأثير القصف...
🟠 حسب تقديرات المركز الأورومتوسطي لحقوق الإنسان وشبكات صحفية، ف لحد دلوقتي، وفي خلال اليومين اللي فاتوا بس، في أكتر من 400 بيت اتساووا بالأرض واتمسحوا من على الخريطة، واكتر من 90 ألف إنسان اتهجروا من بيوتهم وخرجوا من المكان كله، في مشهد بيشبه مشاهد النكبة الأولى... بس المرة دي على الهواء مباشرة...
الاحتلال كمان المرة دي ما اكتفاش بالقصف التقليدي، لكن جاب تكنولوجيا جديدة للتدمير...
🔵 روبوتات متفجرة بتدخل تفجر البيوت بعد ما يطردوا أهلها تحت تهديد السلاح، وطيارات مسيرة كوادكوبتر Quad-copter صغيرة بتحاصر الناس في المربعات السكنية وتطلق النار بشكل عشوائي عشان تجبرهم على النزوح وترك بيوتهم للجنود عشان ينسفوها واحد ورا التاني..
يعني العملية مش حرب ضد مقاتلين، ولا حتى عملية عسكرية لها هدف عسكري واضح، الهدف هو تفريغ الحي من سكانه وتدميره بالكامل، عشان يدخلوا على اللي بعده لحد ما يخلصوا على اللي باقي كله...
🟣 المرصد الأورومتوسطي وصف اللي بيحصل بإنه جزء من عملية إ.با.دة منظمة، هدفها محو المدينة من الوجود... والدفاع المدني في غزة بيقول ان اللي بيحصل عبارة عن "إ.با.د.ة جما..عية ممنهجة"، وان خلاص مبقاش في مكان للنزوح، والجثث مرمية في الشوارع ومش قادرين يوصلولها من شدة القصف..
الناس متحاصرة ومبقوش عارفين يروحوا فين، وده انذار شديد الخطورة بإن الأيام والساعات اللي جاية هيكون فيها مجا.ز.ر أسوأ من أي حاجة حصلت قبل كده...
🟡 كمان اللافت إن ده كله بيحصل في نفس التوقيت اللي العالم كله فيه مشغول بقمة ألاسكا والاتفاق بين ترامب وبوتين.. أنا نفسي كنت هكتب عن القمة دي النهارده، ومكنتش مركز مع اللي بيحصل في القطاع من كتر ما هو التغطية الإعلامية عليه ضعيفة...
🔹️ يعني إسرائيل بتلعب على تشتيت الأنظار... وفي خضم ما احنا مركزين في المشهد الدولي، شغالة هي بتمحي أكبر حي باقي في غزة من الوجود تمهيدًا لاحتلال كامل للمدينة...
🟠 تاني هكررها..
المدينة اللي بقالنا سنتين عمالين نقول انها صامدة، وانها بتضرب مثل مشرف في الشجاعة والصمود في وجه القوة الغاشمة، الاحتلال خلاص بيقضي على ما تبقى منها... مسح كامل للبيوت، بالضبط زي ما حصل في شمال القطاع ورفح.. وتهجير للسكان... ولو انتهوا من مهمتهم، ف خلاص كده كل سنة وانت طيب مبقاش في اصلا مدينة اسمها غزة، كإنها اتمحت من الوجود...
🔴 وللأسف مش بس كده...
حكومة الاحتلال كمان بتحضر دلوقتي لمنح الموافقة النهائية على مشروع خطة هدفها بناء 3412 وحدة سكنية استيطانية ما بين مناطق القدس الشرقية ومستوطنة "معالي أدوميم"... ودي تعتبر آخر منطقة حيوية في الضفة الغربية، ولو اتبنت الوحدات دي ف هي هتفصل ما بين القدس الشرقية وباقي المدن المحتلة، وهتقضي نهائيًا على أي محاولة للاعتراف بدولة فلسطينية متصلة جغرافيًا..
طب يعني أيه؟!
🟢 يعني المستوطنات دي هتعزل المدن والأحياء نفسها عن بعضها، وتخلي الاحتلال موجود في وسطهم... وبكده مش هيكون في بينهم حدود جغرافية متصلة... يعني بالشكل ده؛ هيكون اصلا مفيش دولة متصلة جغرافيًا ينفع تتبني ولا يعترف بيها...
وكل ده بيحصل دلوقتي وبسرعة عشان يقطعوا الطريق على خطط دول أوروبا للاعتراف بالدولة الفلسطينية الشهر اللي جاي... والأبجح هو انهم مش بيخبوا.. لأ ده بن غفير وسموتريتش صرحوا بشكل مباشر ووش كده ان مفيش حاجة اسمها دولة فلسطينية أصلا وانهم مش هيسمحوا باقامتها تحت أي ثمن...
🟣 اللي بيحصل دلوقتي مش مجرد "خطر محتمل"... ده نهاية اللعبة أو End Game زي ما بيقولوا... حي الزيتون هو البوابة، والسيطرة عليه وتدميره هي أول خطوة لمحو مدينة غزة كلها، وتحويل سكانها لشعب مطرود للمرة التانية...
🔴 غزة دلوقتي مش لسه مستنية خطر وجودي قادم قريب… الخطر بدأ خلاص... غزة دلوقتي بتتدمر لحظة بلحظة قدام عيون العالم...

🔴 نتنياهو امبارح كشف قدام كاميرات الإعلام إنه عايز يحتل فلسطين كلها، وكمان ياخد أراضي من مصر والأردن وسوريا والسعودية!
وكل ده في سبيل إقامة دولة "إسرائيل الكبرى"، اللي المفروض في عقيدتهم هتكون قائدة المنطقة كلها قبل قدوم المسيح المنتظر، وحرب نهاية الزمان!
⚫️لو انت متابعتش اللي حصل امبارح، فخليني أقولك ان نتنياهو كان في مقابلة حصرية مع قناة i24 الإسرائيلية... وخلال اللقاء ده اتقالت حاجات وتصريحات من أخطر ما يكون...
خليني بقى أحكيلك عليها وأشرحلك الموضوع من بدايته، عشان تفهم أبعاد القصة الحقيقية جت منين ورايحة على فين... 👇
🔴 شوف يا سيدي... أثناء اللقاء، المذيع شارون جال (اللي هو كان عضو كنيست يميني سابق) قدم لنتنياهو فجأة في وسط الكلام تميمة أو سلسلة كده صغيرة، معمولة على شكل سلسلة بتمثل خريطة "الأرض الموعودة" حسب المعتقدات الصهيونية..
والخريطة دي كان باين فيها انها بتضم جواها كامل أرض فلسطين التاريخية، ومعاها أجزاء من السعودية والأردن وسوريا، ونص مساحة مصر الشرقية تقريبًا من أول سيناء ولحد النيل...
وبعد ما المذيع إدالة التميمة، سأله سؤال غريب... "هل أنت مرتبط برؤية إسرائيل الكبرى دي؟"
🟢رد نتنياهو بقى مكانش دبلوماسي ولا حاول يلف ويدور كتير... وقاله بكل وضوح: "أيوه... مرتبط جدًا"... وكمان أضاف بعدها: "أنا شايف نفسي في مهمة أجيال... في أجيال من اليهود حلمت بالمجيء إلى هنا وأجيال تانية لسه هتيجي بعدنا. لو بتسألني إذا كان عندي إحساس بالمهمة دي تاريخيًا وروحيًا، فالإجابة هي أيوه."
طبعًا زي ما انت متخيل، الكلام ده معداش بالساهل كده، وأثار جدل وقلبان في الصحافة الإسرائيلية والعربية كلها، والسوشيال ميديا كلها من امبارح بتتكلم عنه... وده عشان المرة دي تصريحات نتنياهو مكانتش مجرد كلام...
دي تعتبر إعلان صريح لأول مرة قدام كاميرات الإعلام وبشكل معلن؛ عن مشروع توسعي بيتجاوز حدود فلسطين التاريخية...
🔵 يعني اللي بيحصل في غزة دلوقتي ده هو مش مجرد رد من الاحتلال على أحداث 7 أكتوبر... لأ خالص... ده جزء من حرب دينية تلمودية بتهدف لفرض يهودية المنطقة وتغيير هويتها بالكامل....
والحرب على غزة اللي مستمرة من أكتوبر 2023 ولحد النهارده ماهي إلا الخطوة الأولى في المشروع ده... وكل اللي بيحصل في القطاع من تدمير كامل للبنية التحتية وتهجير للسكان، هو تجربة مصغرة لـ اللي الكيان الصهيوني عايز يطبقه على باقي المنطقة!
🟣 بس القصة الحقيقية ورا فلسفة نتنياهو وخططه اللي عايز ينفذها في المنطقة، هي في الواقع قصة مخيفة ومُقبضة ومش كل الناس تعرفها... ومبدأتش مع التصريحات دي... بل هي بدأت زمان جدًا، من حوالي 40 سنة تقريبًا...
في الوقت ده، نتنياهو مكانش لسه بقى رئيس وزاء اسرائيل... بل كان شغال نائب في السفارة الإسرائيلية في واشنطن، وبعدها بشوية أصبح مندوب دائم في الأمم المتحدة، واللي معظم اليهود المتشددين وقتها كانوا بيسموها "بيت الظلام والأكاذيب"، وشايفين إن في عداء شديد بيواجههم هناك...
🟠 وعشان كده، ف لما نتنياهو دخل الأمم المتحدة أخيرًا، وأصبح مندوب اسرائيل الدائم هناك، الإنجاز ده خلاه يتأهل لمقابلة غيرت حياته للأبد...
المقابلة دي جمعت ما بينه وبين واحد من أهم الشخصيات في التاريخ اليهودي، اللي هو الحاخام "مناحيم شنيرسون"، زعيم حركة “حباد لوبافيتش” اليهودية الحسيدية في بروكلين، واللي بيسموه بلقب "الريبي Rebbi"...
🟡 بس عشان تفهم مين هو الشخص ده بالظبط، لازم الأول تفهم هي أيه منظمة حباد لوبافيتش دي أصلًا...
"حباد" دي هي حركة يهودية أرثوذكسية حسيدية، أسسها حاخام اسمه "شنيور زلمان" في القرن الـ18 في روسيا البيضاء، اللي هي (بيلاروسيا)... ومقرها الرئيسي موجود في الولايات المتحدة الأميركية، وحاليًا ليها أتباع بعشرات الآلاف حوالين العالم...
طيب بتعمل أيه بقى الحركة دي؟
⚫️ الهدف الرئيسي لحركة "حباد" حسب كلامهم، هو انهم بيسعوا لإحياء المفاهيم اليهودية في نفوس أتباعهم، وتقريب اليهود غير المتدينين من عقيدتهم، وكمان عايزين يزرعوا جواهم شعور "التفاني والمحبة تجاه الآخرين"...
ده طبعًا اللي هما بيقولوه للناس... لكن الحقيقة غير كده خالص...
🔵 الحقيقة هتلاقيها في كتاب "هتانيا" اللي ألفه "زلمان" مؤسس الحركة في القرن الـ 18... الكتاب ده موجود فيه أساس التعاليم اللي بتؤمن بيها الحركة، واللي هي قايمة في أساسها على دراسة نصوص القبّالة، اللي هي نوع من سحر (التصوف اليهودي)... وتعاليم الهتانيا دي بتقول عن الشعوب الأخرى غير اليهود وخصوصًا العرب؛ آراء صادمة...
الآراء التي بتروج ليها حركة الحباد هي رفض فكرة "الأرض مقابل السلام"، وكمان بتدعو لترحيل العرب من أرضهم وقتلهم بشكل مباشر كده وش... وحسب تعاليم الكتاب، فـ كل من هم غير يهود هما: "مخلوقات شيطانية مفيش جواها أي شيء كويس أو خير على الإطلاق"... وكمان الكتاب ده بينص على ان اليهود المفروض "يخرجوا من بلاد الأغيار المدنّسة، ويستوطنوا في أرض فلسطين المقدّسة"...
وعايزك تركز ان كل ده مكتوب في القرن الـ 18.. يعني مشروعهم الاستيطاني أقدم من ما انت متصور...
🟢 أهو تخيل بقى ان الحاخام اللي قابله نتنياهو في بروكلين، اللي هو "مناحيم شنيرسون"، ده يعتبر تاني أهم حاخام في تاريخ الحركة دي بعد مؤسسها، ويمكن بيعتبروه حتى أهم من مؤسسها نفسه... ومن ساعة ما مات في يونيو من سنة 1994 ولحد النهارده؛ مفيش ليهم أي قائد روحي غيره...
وده عشان هما شايفين ان الراجل ده هو نفسه المسيح المنتظر وانه هيرجع من الموت قريب عشان يقودهم مرة تانية... يعني الراجل ده بالنسبالهم كان أكبر من مجرد قائد.. ده كان أقرب لنبي، وكانوا بيقدسوه...
🟣 ف تخيل لما نتنياهو يقابل النبي بتاعهم وجهًا لوجه كده، ويقوله الكلام اللي هقولهولك ده...
🔹️ الحاخام لما شاف نتنياهو وقابله لأول مرة، كلفه بمهمة سامية ومقدسة... المهمة دي هي تهيئة إسرائيل لاستقبال "الماشيحا"... اللي هو في عقيدة اليهود المفروض انه المسيح المخلّص اللي هييجي في آخر الزمان عشان يقود الشعب اليهودي ويخلص العالم من الشرور...
🔹️ وعشان يحقق المهمة دي، طلب منه انه يعمل (حاجة كبيرة) عشان يمهد الأمور للمجيء المقدس، من خلال إنه يرجع إسرائيل تاني مملكة كبرى، ويرجع ناسها تاني متدينين متشددين، عشان الأمور تبقى متمهدة بأفضل شكل ممكن للقدوم المنتظر...
🔹️ ومش بس كده... ده قاله نصًا كده انه هينجح في مهمته دي، وانه هيبقى آخر رئيس وزراء لإسرائيل، أو "آخر ملوك إسرائيل" حسب تعبيره، قبل مجيء المسيح... وهسيبلك لينك مباشر للمقابلة دي تقدر تعرف عنها وتشوفها ف الكومنتات تحت 👇
🔴 نتنياهو بقى من ساعة ما اتقالتله النبوءة دي، وهو شايف نفسه فعلًا الملك الأخير لإسرائيل... وكل السياسات اللي هو بيعملها من ساعتها لحد النهارده، هي بهدف تحقيق النبوءة دي، وتنفيذ المهمة اللي تم تكلفه بيها...
ومن هنا بقى يبانلك ان تصريحات نتنياهو اللي اتقالت في البرنامج بتاع امبارح ده، مش مجرد كلام وخلاص... ولا هي مجرد تهويل أو أي هري بيداعب بيه أحلام التيار اليميني في حكومته...
⚫️ لأ دي حقيقة فعلية وهو مؤمن بيها بشكل كامل، كجزء من عقيدته الدينية نفسها!
والأخطر كمان هو إن الحكومة الإسرائيلية الحالية هي الأكثر تطرفًا في تاريخ الكيان، وفيها وزراء زي سموتريتش وبن غفير اللي بيؤمنوا بنفس الأفكار دي، وكلهم بيتحركوا كأنهم في سباق مع الزمن لتنفيذ أكبر قدر ممكن من المخطط قبل ما يتغير الوضع السياسي المفروض حاليًا في المنطقة...
والمشكلة الأكبر هي إن أمريكا بتدعم المشروع ده بشكل كامل، عشان إسرائيل ما هي إلا قاعدة أمريكية غربية كبيرة، وولاية أمريكية تم زرعها في الشرق الأوسط عشان تكبح جماح التوسع العربي والطموحات الإسلامية وتسيطر على مقدراتها وثرواتها...
🟢 وهو ده بالضبط -بالإضافة للضعف العربي العام حاليًا- اللي خلى نتنياهو يتجرأ ويعلن عن حلمه التوسعي قدام العالم كله!
وعلى الناحية التانية... للأسف الدول العربية لحد دلوقتي مش واخدة الموضوع بجدية كافية، ومفيش رد فعل قوي على التصريحات دي، واللي المفروض انها بتهدد الأمن القومي لكل الدول العربية المحيطة...
🟡 نتنياهو حاليًا عايش في فيلم تاريخي شايف نفسه بطله، وشايف كل الحروب والدمار اللي هو بيعمله ده، هي خطوات على طريق تحقيق الحلم الكبير اللي وعده بيه "الريبي" من زمان...
إحنا دلوقتي في لحظة فارقة... يا إما العالم العربي يفوق ويدرك حجم الخطر اللي بيتهدده، يا إما للأسف هنشوف خريطة الشرق الأوسط كلها بتتغير قدام عنينا للأبد...
🔴 هسيبلك المصادر في أول كومنت كالعادة 👇 ولو وصلت لهنا، متنساش تشارك المقال مع الناس من خلال الشير، عشان الكل يعرف بداية القصة وأصل الموضوع جاي منين، والكل يعرف الخطر الحقيقي اللي بيهددنا كلنا، مش بس الفلسطينيين...

عـــاجـــل:
تصريحات نتنياهو منذ قليل بأنه يريد رؤية إىىىرائيل الكبرى التي تضم فلسطين والأردن وجزءاً من مصر..هي تطورٌ خطير وتصعيد مفاجئ وخطاب استعماري فاضح على الهواء مباشرةً وتهديدٌ قبيحٌ لأمنِ مصر وسلامتِها!
إني لأدعو جموع المصريين للالتفاف وراء جيشِهم الباسلِ ودعمِه فيما يراه مناسباً لحماية تراب مصر حفظها الله فالحيادُ في مثلِ هذه اللحظةِ خيانةٌ لله ولرسولِه ثم للوطنِ!
اللهم احفظ مصرنا وجيشنا وأَلْقِ الرُّعبَ في قلوبِ العِدا ورُدَّ عليهم كيدَهم.
أرجوا من الجميع مشاركةَ هذا المنشور على أوسع نطاقٍ ردَّاً على هذا الكائن!
دعوا العالَمَ كلَّه يشهدُ على التحامنا صفاً واحداً على قلبِ رجلٍ واحد.
حفظ الله مصر وفلسطين والأردن يارب اللهم آمين.

«جربت الجوع سنين».. عباس أبوالحسن يهاجم محمد رمضان بعد صورته مع لارا ترامب
كتب عباس أبوالحسن عبر حسابه الرسمي على «فيسبوك»: «رغم انك مفضوح بس تعالى نمشي على المزع بتاعك.. فرحان انك هتغني مع بنت قاتل وقائد مذبحة 200 الف شهيد وجريح بدم بارد من شعب أعزل معظمه أطفال ونساء وعواجيز؟!، وتجويع وإذلال 2 مليون فلسطيني بيموتوا يوميا عطشى وجوعى بالعشرات والمئات برصاص غادر جبان».
وأضاف: «فرحان وبتعلن وفخور، اشحال مكنتش جربت الجوع سنين الهي ينفخ في صورة ولادك ويخلق من الأعوج سليم ويكبروا ويحاولوا يشيلوا العار اللي دنستهم به اللي ميتمحيش ولا بالطبل البلدي».

منذ صباح 11 مايو 2022، عندما اخترقت رصاصة قناص إسرائيلي خوذة الصحفية شيرين أبو عاقلة في مخيم جنين، بات واضحًا أن الصحافة الفلسطينية تدفع ثمنًا دمويًا لنقل الحقيقة. لم يكن استشهاد مراسلة قناة "الجزيرة" حدثًا عابرًا، بل كان مقدمةً لمسار طويل من الاستهداف الممنهج للصحفيين، الذي بلغ ذروته في الحرب الإسرائيلية المستمرة على غزة منذ أكتوبر 2023 وحتى اليوم.

⭕في ذلك اليوم المشؤوم، كانت شيرين ترتدي سترة الصحافة الزرقاء، ووقف العالم مذهولًا أمام مشهد اغتيالها المباشر. التحقيقات المستقلة أكدت أن النيران جاءت من موقع الجيش الإسرائيلي، لكن لم تُحاسب أي جهة. هذا النمط من الإفلات من العقاب صار علامةً مميزة في التعامل مع الصحفيين الفلسطينيين.

◀مع بداية الحرب على غزة، تحولت الكاميرات إلى هدف عسكري. وفقًا للجنة حماية الصحفيين (CPJ)، قُتل منذ أكتوبر 2023 أكثر من 242 صحفيًا وعاملًا في الإعلام وفقا لمكتب الأمم المتحدة لحقوق الإنسان، غالبيتهم من الفلسطينيين. الأرقام التي وثقتها نقابة الصحفيين الفلسطينيين تشير إلى أن النسبة الأعلى من الضحايا قُتلوا في منازلهم أو أثناء تغطية القصف في الميدان.

◀من بين الشهداء البارزين، برزت أسماء مثل حسام شبط الذي قُتل في مارس 2025 أثناء تغطية آثار قصف شمالي غزة، ويحيى صبيح الذي فقد حياته في مايو 2025 بعد ساعات من احتفاله بميلاد طفلته. كما استشهد إسماعيل أبو حتاب في يونيو من العام نفسه خلال قصف استهدف مقهى كان يتجمع فيه صحفيون قرب شاطئ غزة.

◀لكن المشهد الأكثر إيلامًا جاء أمس، 11 أغسطس 2025، حين دوّى انفجار قرب خيمة الصحفيين أمام مستشفى الشفاء بمدينة غزة. كان المراسل البارز أنس الشريف، الذي عُرف بتقاريره الميدانية لصالح شبكة الجزيرة، يوثق آثار القصف والحصار، قبل أن يسقط شهيدًا إلى جانب زميله محمد قريقع وثلاثة آخرين من طاقم الشبكة: إبراهيم زاهر، محمد نوفل، ومؤيد عليوة.

🔴 الكنيست وافق رسميًا على خطة احتلال غزة.. والأقمار الصناعية من شوية رصدت مشهد مخيف بيحصل على حدود القطاع دلوقتي...
صفوف طويلة من الدبابات والعربيات المدرعة والمعدات الثقيلة، ومعاها حدات هندسية وكتائب احتياط... كلها بتتحشد بشكل مرعب على طول الحدود!
⚫️ والصور دي مش مجرد حركات استعراضية ولا مناورات... بل هي استعداد فعلي لاجتياح بري شامل، اتوصف من خبراء عسكريين إنه هيكون أكبر هجوم من إسرائيل على غزة من بداية الحرب في 2023... بل ممكن يكون الأكبر من 2008 أصلًا!
طيب هو إيه اللي حصل خلال الساعات اللي فاتت واحنا مش متابعين؟ 👇
🔴 شوف... النهارده الفجر واحنا نايمين، حكومة الاحتلال الإسرائيلي وافقت رسميًا على خطة نتنياهو باحتلال مدينة غزة بالكامل اللي انا كلمتك عنها في بوست فات من كام يوم، وكنت قلتلك انها اتسربت للصحافة... والموافقة دي جت أخيرًا في جلسة كابينت جوه الكنيست، استمرت لمدة أكتر من 10 ساعات وسط اعتراض شديد من قيادات الجيش ومسئولين أمنيين سابقين!
والمرة دي بقى، الخطة مش بس عسكرية زي كل مرة... بل هي خطة هدفها الأساسي هو التفريغ والتهجير، وبشكل كامل ونهائي وبلا عودة...
🔵 الخطة المرة دي بتتكون من أكتر من مرحلة، والمفروض حسب المصادر العسكرية الإسرائيلية انها هتتنفذ على 5 شهور... أول مرحلة منها هتتضمن وقف شامل للمساعدات عن القطاع لإجبار السكان على الخروج، تمهيدًا لعمليات الاقتحام وعشان تكون أسهل بدون مدنيين.. ده حسب كلامهم طبعًا...
وبحسب مصادر عبرية وأميركية، فالـ Deadline أو الموعد النهائي اللي حدده الاحتلال لإخلاء مدينة غزة بالكامل هو 7 أكتوبر 2025، اللي هو نفس يوم الهجوم اللي بدأ الحرب... وده طبعًا اختيار له رمزية كبيرة عندهم زي ما انت شايف...
🟢 الفكرة بقى ان قيادات الجيش نفسهم خايفين ورافضين الخطة دي، وشايفينها كارثة على الكيان نفسه...
رئيس الأركان "إيال زامير" حذّر نتنياهو قدام الكل، وقاله إن احتلال غزة بالكامل ممكن ياخد سنتين، وهيعرّض حياة الرهائن والجنود لخطر كبير، ومفيش أي فائدة استراتيجية حقيقية من المغامرة دي...
🟣 ومش بس كده... ده في رفض كامل على مستوى عالمي للخطة دي، من كل دول العالم تقريبًا ما عدا أمريكا اللي مدية الضوء الأخضر لنتنياهو، و"ترامب" قال من يومين لما اتسأل عن الخطة بعد ما اتسربت إن الموضوع يتوقف على نتنياهو وهو مش هيتدخل!
على الناحية التانية؛ ألمانيا من شوية وقفت صادرات السلاح لإسرائيل، وفرنسا وبريطانيا وكندا وأستراليا، والاتحاد الأوروبي كله تقريبًا، بالإضافة لـ مصر والأردن وتركيا، كلهم أدانوا الخطة ووصفوها بإنها "جريمة حرب" بيتم الإعلان عنها أمام العالم كله...
🟡 وكمان الأمم المتحدة قالت إن القرار ده هيسبب مجازر غير مسبوقة في تاريخ الصراع، وأعنف من أي شيء حصل من بدايته، بالإضافة لبداية تنفيذ تهجير قسري مباشر، وإنه هيأدي لمجاعات كارثية أضخم من اللي بتحصل دلوقتي...
وبرغم كل ده، نتنياهو ما زال مصر على الخطوة دي، وأعلن صراحةً في تصريحات له من شوية نقلها التلفيزيون العبري إنه مش هيسيب غزة إلا لما "يمحي حـ.ـ.ـمــ.ــ.ـــا.س"، ويسلم المدينة لحكم مدني تحت "السيطرة الأمنية الإسرائيلية"...
ووزير المالية الإسرائيلي بتسلئيل سموتريتش قال في تصريح رسمي للعالم كلهم إنهم: "سيمحوا أي وجود للدولة الفلسطينية مستقبلًا..."
🟠 وبسبب ده، فأهالي الأسرى الإسرائيليين دلوقتي بيتظاهروا بشكل عنيف جدًا في قلب تل أبيب، والشرطة بتتعامل معاهم بطرق عنيفة وبتضرب عليهم قنابل غاز وبتستخدم خراطيم المية لتفريقهم، وبعضهم قالوا في تصريحات للتلفيزيون شيء خطير جدًا محدش واخد باله منه، برغم إنه هيبينلك خطورة اللي على وشك الحدوث...
🟢 قالو ان نتنياهو خلاص قرر يضحي بالأسرى اللي باقيين كلهم... الـ 20 واحد اللي باقيين لسه على قيد الحياة، نتنياهو عايزهم كلهم يموتوا، وعايز يورّط الداخل الإسرائيلي في احتلال غزة للهروب من مسؤولية الأسرى، وعشان يبقى مبرر كامل ونهائي له إنه يدمر القطاع بالكامل وينفذ كل الأهداف السياسية اللي في دماغه، ويأجل قرار محاكمته اللي شغالة في القضاء الصهيوني دلوقتي...
🔹️ طيب لما الهجوم يحصل، أيه المتوقع؟
حــ.ــ.ــ.ــمـــ.ـــ.ــــا.س قالت إنها مش هتسلم سلاحها وهتدافع عن القطاع لآخر نفس، وفصائل المقاومة كلها رفعت حالة التأهب القصوى... ولو إسرائيل اقتحمت فعلاً، وارد جدًا نشوف هجمات من الجنوب اللبناني، أو من الحوثيين في البحر الأحمر، أو حتى تصعيد من إيران أو العراق...
🟡🟠 يعني الخلاصة: الخطة اللي متوقع يبدأ تنفيذها خلال أيام أو ساعات هتكون الأخطر من بداية الحرب كلها، وهتكون تصعيد أخير لمرحلة هتعدي سقف ما هو مسموح، وهتتجاوز كل الخطوط الحمراء...
إحنا دلوقتي في الساعات الأخيرة قبل الانفجار الكبير...
يا إما العالم يتحرك ويوقف المجزرة اللي جاية، يا إما هنشوف غزة بتتمسح من على الخريطة حرفيًا... على الهواء مباشرة...
🔴 هسيبلك المصادر في أول كومنت كالعادة 👇 ولو وصلت لهنا، متنساش تشارك المقال مع الناس من خلال الشير، عشان الكل يعرف اللي حصل الساعات اللي ساعات الماضية، واللي على وشك الحدوث...

🔴 في 3 أخبار مهمين لازم تعرفهم... إيران دلوقتي بتمر بأسوأ جفاف شافته من 100 سنة، وإسرائيل بتحاول تستغل ده لإسقاط النظام من جوّه… وفي خبر (لسه مش مؤكد) ان السودان لأول مرة بيعترف رسميًا إن حلايب وشلاتين أرض مصرية!
وفي غزة، المقاومة النهارده الفجر نفذت واحدة من أكبر العمليات ضد الاحتلال من بداية الحرب!
⚫️ لو انت مش متابع اللي حصل في الشرق الأوسط خلال الـ 48 ساعة اللي فاتوا، فخليني أقولك ان ال 3 أحداث اللي حصلوا دول ممكن يقلبوا الموازين في المنطقة...
تعالى بقى معايا أحكيلك التفاصيل كلها باختصار، لإن كل حدث من الـ 3 اللي انت هتقرأهم في السطور الجاية دي، هو حدث تاريخي يستاهل بوست كامل لوحده... 👇
1️⃣ نبدأ بإيران…
🔴 تخيل بلد بحجم ومساحة إيران، فيها 90 مليون إنسان، بقالها 5 سنين مش عارفة تشرب ميه!
حسب تقارير صحفية بقالها فترة منتشرة على شبكات زي بلومبرج وسي إن إن، فـ البلد حاليًا بتمر بأسوأ موجة جفاف شافتها بقالها أكتر من 100 سنة... والسبب في ده هو التغير المناخي الرهيب اللي اتسبب في زيادة الحر وجفاف الجو، وتراجع معدلات المطر لأدنى مستوى ليها تاريخيًا، لدرجة ان درجات الحرارة في البلد دلوقتي بقت بتوصل لـ50 درجة بشكل مستمر، وخزانات المية أصبحت فاضية، وحسب بعض شهادات السكان، في مناطق في طهران الحنفية بتنزل تراب!
🔵 المسؤولين حسب التقارير بيفكروا دلوقتي انهم يقفلوا العاصمة كلها أسبوع ويرجعوا الناس كلها تشتغل من البيوت عشان يوفّروا كهربا وميه... وحاليًا في بعض المحافظات بتستلم الميه بـعربيات "التانكر" في الشوارع، والسلطات بدأت تقطع الميه عن البيوت اللي بتستهلك كتير...
الرئيس الإيراني بزشكيان قال في تصريح رسمي الأسبوع اللي فات إنهم قد يضطروا إلى "نقل العاصمة الإيرانية لمكان آخر بسبب الجفاف"! والحكومة الإيرانية قالت إن العطش والجفاف فالعاصمة قد يجبر 15 مليون نسمة من سكانها على النزوح داخليًا لمدن أخرى!
🟢 وفي وسط ده كله، بقى حصلت مفاجأة...
من شوية، طلع نتنياهو على شاشة الإعلام الإسرائيلي في خطاب ناري وغريب... والخطاب ده مكانش بيكلم فيه شعبه ولا بيحكي عن حرب غزة... لأ ده كان بيتكلم عن إيران.. وكلامه مكانش موجه للقيادة الإيرانية، بل موجه لشعب إيران نفسه!
🟣 نتنياهو في الخطاب بتاعه تباهي بالتكنولوجيا اللي وصلها علماء الإحتلال في مشاريع تحلية مياه البحر وتوفير المياه العذبة، وقال لهم بالحرف:
"إحنا أكتر (دولة) في العالم بنعرف نوفّر ميه… وساعدنا شعوب كتير قبل كده، ولو انتوا عايزين مساعدتنا، يبقى لازم تعملوا ثورة على النظام بتاعكم وتسقطوه... وأول ما تتحرروا من نظامكم، خبرائنا هينزلوا إيران كلها يساعدوكم ترجعوا تشربوا وتعيشوا!"
يعني… بالعربي كده… إسرائيل عايزة الشعب الإيراني يعمل ثورة على نظامه، عشان يساعدوهم يفكوا العطش والجفاف اللي عندهم!
🟠 انت متخيل البجاحة وصلت لفين؟
حاليًا الخطاب بتاع نتنياهو ده منتشر بشكل كبير في الإعلام الإسرائيلي ونقلته اكتر من شبكة أخبار عالمية، وهسيبلك اللينك بتاعه في الكومنتات، عشان تشوف بنفسك الحرب وصلت لفين... الحرب مبقتش مجرد صواريخ وطيران، لأ دول بدأوا يستعملوا العطش نفسه ضد الإيرانيين!
2️⃣ وعلى الناحية التانية من البحر بقى، في مصر، حصل خبر تاني بقاله كام ساعة منتشر على السوشيال ميديا كلها، بيتكلم عن حدث تاريخي بقاله سنين طويلة متعلق وعليه نزاع، وتم انهاءه أخيرًا بعد اكتر من ربع قرن من الشد والجذب...
🔴 السودان (يقال لسه وغير مؤكد) انها اعترفت بإن حلايب وشلاتين أرض مصرية!
شوف يا سيدي.. عشان تبقى فاهم بس، فالمثلث الحدودي على البحر الأحمر اللي بيضم منطقة حلايب وشلاتين، كان دايمًا ملف نزاع حساس بين مصر والسودان... ولسنين طويلة جدًا كان في صراع سياسي ودبلوماسي على مين صاحب المنطقة الحقيقي، مستمر تقريبًا من أيام الاستعمار البريطاني، من بدايات القرن العشرين!
وطول السنين دي، النزاع كان بيتم تغذيته من أطراف خارجية زي بريطانيا ولاحقًا إسرائيل، عشان يزرعوا الفتن والوقيعة بين الشعب المصري والسوداني، اللي هما المفروض تاريخيًا كانوا شعب واحد وبلد واحدة قبل تدخلات وفتن الغرب...
🟡 كل الأطراف الدولية اللي مكانتش عايزة استقرار للمنطقة كانت بتستخدم الملف ده كورقة تأجج نار الفتنة بين الشعبين، وآخر حاجة كانت حاصلة في الموضوع، كانت إن مصر أمرت بطرد القوات السودانية تمامًا من المثلث والسيطرة عليه بالكامل والسيطرة الكاملة على المنطقة بعد ما اتعرض الرئيس مبارك لحادثة اغتيال في أديس أبابا اتهم فيها عناصر من الخرطوم بالتورط فيها سنة 1995...
بس النهارده أخيرًا، وبحسب تقارير فرنسية نقلتها شبكات الأخبار المصرية والسودانية، الرئيس المصري عبد الفتاح السيسي اتفق مع رئيس مجلس السيادة السوداني عبد الفتاح البرهان، وتوصلوا لتوافق رسمي بين البلدين على اعتبار المثلث جزء من الأراضي المصرية...
🟣 وده بالفعل أنعكس على المفاوضات الجارية دلوقتي ما بين السعودية والسودان لترسيم الحدود البحرية بينهم، واللي -تمهيدًا لها- البرهان طلب من لجنة المفوضية القومية للحدود انهم يرسموا خريطة رسمية بتظهر حلايب وشلاتين داخل الحدود المصرية، عشان يقدروا يخلصوا الملف ده للأبد، ويرسموا الحدود البحرية مع الرياض!
طبعًا زي ما انت عارف، المثلث ده له أهمية استراتيجية قصوى لمصر، بدايةً من الموارد الطبيعية الكبيرة ولحد موقعه الجغرافي المطل على البحر الأحمر، واللي يعتبر واحد من أهم المواقع الاستراتيجية المرتبطة بالأمن القومي المصري وعمق مصر الاستراتيجي في إفريقيا والبحر الأحمر...
🟢 القرار بالشكل ده بيشيل ورقة ضغط من إيد أي طرف خارجي كان بيحاول يلعب على وتر الفرقة بين البلدين خلال الشهور اللي فاتت، وبيفرغ التهديدات الحدودية اللي كانت بتترسم على حدود مصر الجنوبية من مضمونها... وهو فعليًا قرار تاريخي لو تم تطبيقه فعلًا (لإن لسه لحد دلوقتي مفيش إعلان رسمي من السودان ومصر، خلي بالك من النقطة دي)... وربنا يحفظ البلدين...
3️⃣ بس الخبر التالت بقى، واللي حصل في غزة النهارده الفجر، كان مذهل وغير متوقع...
🔴 رتل من القوات الإسرائيلية متجه لحي الشجاعية في غزة، متكون من جنود ومدرعات ودبابات ميركافا، كانوا داخلين بأريحية بعد انسحاب جزئي تم من كام يو، وفاكرين إن الأرض مؤمنة... بالظبط نفس إحساس الثقة الكاذب اللي كان عندهم في كل الكماين السابقة...
بس المرة دي الكمين كان مختلف، عشان اللي ما كانوش عارفينه هو إن المقاومة كانت مفخخة الأرض كلها بألغام وعبوات ناسفة مرتبطة بنظم تفجير متسلسلة... وبالفعل مع أول تقدم للقوات، العبوات دي انفجرت عشان تدمر عشرات الآليات العسكرية وتتسبب في مصرع عدد كبير من الجنود، لحد دلوقتي لسه الاحتلال مأعلنش عنه بشكل مباشر...
🟠 حسب التفاصيل اللي أعلنت عنها كـ.تــ.ائـ.ـب المقاومة، فبعد ما القوات الإسرائيلية انسحبت من مناطق شرق غزة اللي كانت متلغمة، قدرت الفصائل تعد خسائر الاحتلال الفعلية على الأرض... وحسب ما نقلت شبكة الجزيرة، فالكمين ده هو واللي تم تنفيذهم خلال الكام اللي فاتوا، اتسببوا في تدمير52 آلية إسرائيلية، منهم 21 دبابة و18 ناقلة جند، والباقي جرافات وعربيات إمداد... ونتج عنه عشرات القتلى والمصابين...
فـ تخيل انت لما جيش الإحتلال يكون اتعرض لكمية الخسائر دي، ولحد دلوقتي لسه بيواجهوا مشاكل في تعبئة الجنود المطلوبين لخطة اجتياح غزة اللي وافق عليها الكنيست من يومين... يبقى يا ترى هيعملوا أيه لو قرروا يدخلوا فعلًا؟
🔵 يكفي إني أقولك ان في كلام منتشر حاليًا ونقلته وكالة الأخبار الفلسطينية "معا"، بيقول ان خطة الاجتياح دي مش هتتنفذ، وان جيش الاحتلال هينسحب مقابل دخول لجنة من الدول العربية لإدارة القطاع بدلًا منها..
وأكيد الخبر ده لو صحيح فعلًا، فهو هيكون بسبب ان الجيش مش قادر ينفذ الخطة دي بسبب كمية الخسائر، وكمان بسبب الرأي العام العالمي اللي أصبح بيدينهم بشكل مباشر وسافر لأول مرة في التاريخ... لدرجة ان صندوق الثروة السيادي النرويجي نفسه، (أكبر صندوق ثروة سيادي في العالم)، سحب استثماراته من الكيان بسبب الإبادة!
🔴 كالعادة هسيبلك مصادر كل الأخبار دي في الكومنتات تحت، ولو وصلت لهنا متنساش تعمل شير عشان البوست يوصل لغيرك والناس كلها تعرف آخر التطورات أيه، وأيه اللي حصل في المنطقة خلال الساعات اللي فاتت..

نقابة الصحفيين الفلسطينيين: "ندين بأشد العبارات، جريمة الاحتلال الدامية، باغتيال الزميلين الصحفيين انس الشريف ومحمد قريقع".

وصية الصحفي الشهيد أنس الشريف، رحمه الله تعالى:
هذه وصيّتي، ورسالتي الأخيرة.
إن وصلَتكم كلماتي هذه، فاعلموا أن إسرائيل قد نجحت في قتلي وإسكات صوتي.
بداية السلام عليكم ورحمة الله وبركاته
يعلم الله أنني بذلت كل ما أملك من جهدٍ وقوة، لأكون سندًا وصوتًا لأبناء شعبي، مذ فتحت عيني على الحياة في أزقّة وحارات مخيّم جباليا للاجئين، وكان أملي أن يمدّ الله في عمري حتى أعود مع أهلي وأحبّتي إلى بلدتنا الأصلية عسقلان المحتلة "المجدل" لكن مشيئة الله كانت أسبق، وحكمه نافذ.
عشتُ الألم بكل تفاصيله، وذُقت الوجع والفقد مرارًا، ورغم ذلك لم أتوانَ يومًا عن نقل الحقيقة كما هي، بلا تزوير أو تحريف، عسى أن يكون الله شاهدًا على من سكتوا ومن قبلوا بقتلنا، ومن حاصروا أنفاسنا ولم تُحرّك أشلاء أطفالنا ونسائنا في قلوبهم ساكنًا ولم يُوقِفوا المذبحة التي يتعرّض لها شعبنا منذ أكثر من عام ونصف.
أوصيكم بفلسطين، درةَ تاجِ المسلمين، ونبضَ قلبِ كلِّ حرٍّ في هذا العالم.
أوصيكم بأهلها، وبأطفالها المظلومين الصغار، الذين لم يُمهلهم العُمرُ ليحلموا ويعيشوا في أمانٍ وسلام،
فقد سُحِقَت أجسادهم الطاهرة بآلاف الأطنان من القنابل والصواريخ الإسرائيلية، فتمزّقت، وتبعثرت أشلاؤهم على الجدران.
أوصيكم ألّا تُسكتكم القيود، ولا تُقعِدكم الحدود، وكونوا جسورًا نحو تحرير البلاد والعباد، حتى تشرق شمسُ الكرامة والحرية على بلادنا السليبة.
أُوصيكم بأهلي خيرًا،
أوصيكم بقُرّة عيني، ابنتي الحبيبة شام، التي لم تسعفني الأيّام لأراها تكبر كما كنتُ أحلم.
وأوصيكم بابني الغالي صلاح، الذي تمنيت أن أكون له عونًا ورفيق دربٍ حتى يشتدّ عوده، فيحمل عني الهمّ، ويُكمل الرسالة.
أوصيكم بوالدتي الحبيبة، التي ببركة دعائها وصلتُ لما وصلت إليه، وكانت دعواتها حصني، ونورها طريقي.
أدعو الله أن يُربط على قلبها، ويجزيها عنّي خير الجزاء.
وأوصيكم كذلك برفيقة العمر، زوجتي الحبيبة أم صلاح بيان، التي فرّقتنا الحرب لأيامٍ وشهورٍ طويلة، لكنها بقيت على العهد، ثابتة كجذع زيتونة لا ينحني، صابرة محتسبة، حملت الأمانة في غيابي بكلّ قوّة وإيمان.
أوصيكم أن تلتفوا حولهم، وأن تكونوا لهم سندًا بعد الله عز وجل.
إن متُّ، فإنني أموت ثابتًا على المبدأ، وأُشهد الله أني راضٍ بقضائه، مؤمنٌ بلقائه، ومتيقّن أن ما عند الله خيرٌ وأبقى.
اللهم تقبّلني في الشهداء، واغفر لي ما تقدّم من ذنبي وما تأخّر، واجعل دمي نورًا يُضيء درب الحرية لشعبي وأهلي.
سامحوني إن قصّرت، وادعوا لي بالرحمة، فإني مضيتُ على العهد، ولم أُغيّر ولم أُبدّل.
لا تنسوا غزة…
ولا تنسوني من صالح دعائكم بالمغفرة والقبول.
أنس جمال الشريف
06.04.2025
هذا ما أوصى بنشره الحبيب الغالي أنس عند استشهاده.
إدارة الصفحة
منقول من صفحة الشهيد الزميل الصحفي مراسل قناة الجزيرة/ انس الشريف

الحرية لفلسطين

لعب الشريف حسين بن علي، أمير مكة وزعيم الثورة العربية الكبرى عام 1916،
*****
دورًا محوريًا في الأحداث السياسية التي رسمت مستقبل المشرق العربي خلال الحرب العالمية الأولى. كانت علاقته ببريطانيا قائمة على المصالح المتبادلة، حيث اعتمد عليها لتحقيق حلمه بإقامة دولة عربية مستقلة، لكنها انتهت بخيبة أمل عميقة بعد أن تخلى البريطانيون عنه، مفضلين تقسيم المنطقة وفقًا لمصالحهم الاستعمارية.

بدأت هذه العلاقة عبر سلسلة من المراسلات بين الشريف حسين والسير هنري مكماهون، المندوب السامي البريطاني في مصر، خلال عامي 1915 و1916. في هذه المراسلات، وعدت بريطانيا بدعم استقلال دولة عربية تضم معظم أراضي الجزيرة العربية وبلاد الشام والعراق، مقابل إعلان العرب ثورتهم ضد الدولة العثمانية والانضمام إلى الحلفاء في الحرب العالمية الأولى. وبناءً على هذه الوعود، أعلن الشريف حسين الثورة العربية الكبرى في يونيو 1916، حيث تمكن العرب، بدعم بريطاني وتحت قيادة ابنه فيصل بن الحسين، من طرد العثمانيين من الحجاز وأجزاء واسعة من بلاد الشام، بمساعدة الضابط البريطاني توماس إدوارد لورنس، المعروف بـ"لورنس العرب".

لكن بينما كان الشريف حسين يحارب العثمانيين، كانت بريطانيا وفرنسا قد أبرمتا اتفاقية سرية عام 1916 تُعرف بـ"سايكس - بيكو"، التي نصت على تقاسم المشرق العربي بين القوتين الاستعماريتين، متجاهلةً وعودها للعرب. وفي عام 1917، جاء وعد بلفور ليضيف صدمة أخرى، حيث تعهدت بريطانيا بدعم إقامة وطن قومي لليهود في فلسطين، وهو ما كان يتعارض مع تطلعات العرب التي كان الشريف حسين يتوقع تحقيقها.

بعد نهاية الحرب العالمية الأولى، وجدت بريطانيا نفسها في موقف المتحكم بمصير المنطقة، فتنصلت من تعهداتها للشريف حسين. سقطت سوريا في يد فرنسا عام 1920، وتم طرد ابنه فيصل من دمشق، بينما تولى البريطانيون إدارة فلسطين والعراق وشرق الأردن بموجب نظام الانتداب الذي فرضته عصبة الأمم. رفض الشريف حسين الاعتراف بالانتداب البريطاني والفرنسي، مما أدى إلى تدهور علاقته ببريطانيا التي كانت قد بدأت بدعم عبد العزيز آل سعود، زعيم الدولة السعودية الناشئة، في طموحاته التوسعية في شبه الجزيرة العربية.

في عام 1924، أعلن الشريف حسين نفسه ملكًا للحجاز والخليفة على المسلمين بعد إلغاء الخلافة العثمانية، لكن بريطانيا لم تقدم له أي دعم، مما أدى إلى اندلاع الحرب بينه وبين عبد العزيز آل سعود. وبحلول عام 1925، تمكن السعوديون من السيطرة على الحجاز، مما أجبر الشريف حسين على التنازل عن العرش لصالح ابنه علي بن الحسين، قبل أن يُنفى إلى قبرص، ثم يقضي سنواته الأخيرة في الأردن تحت رعاية ابنه الملك عبدالله الأول، حتى وفاته عام 1931.

في سابقة نادرة ظهر عملاء الموساد منفذو عملية البيجر علنًا خلال احتفالات مبكرة في مطلع شهر مايو لـ "يوم الاستقلال الإسرائيلي" — وهو اليوم الذي يعتبر ذكرى نكبة الشعب الفلسطيني وشعوب المنطقة عام 1948.

في مؤتمر نظّمته وكالة JNS الأمريكية-اليهودية، كشف نتنياهو تفاصيل العملية وأعلن أنه أمر بقصف جهاز اختبار كان في طريقه من إيران إلى لبنان لاختبار البيجر المفخخ.

ثم حوّل أداة القتل إلى تذكار سياسي:
نسخة فضيّة أُهديت للسيناتور "جون فيترمان"، ونسخة ذهبيّة قُدّمت للرئيس الأميركي الحالي دونالد ترامب.