🔴 الاحتلال بدأ بالفعل تنفيذ خطته لاحتلال غزة وتدميرها وتهجير سكانها… ودلوقتي بيمحوا حي الزيتون من على الخريطة!
في اللحظة اللي العالم كله مركز فيها على قمة ألاسكا بين أمريكا وروسيا، والكل مشغول بالتريندات اللي بتحصل على السوشيال ميديا، جيش الاحتلال دلوقتي بينفذ في صمت خطته اللي أعلن عنها من أسبوع تقريبًا، وبدون ما ناخد بالنا لإنهم بيقضوا حتى على الصحفيين...
طب أيه اللي بيحصل؟! 👇
🟢️ حي الزيتون، أكبر أحياء غزة وأكثرها كثافة سكانية، واللي بيتوصف دايمًا بإنه البوابة الجنوبية الشرقية للمدينة، بيتعرض دلوقتي لواحدة من أعنف عمليات القصف والتدمير الممنهج من ساعة ما بدأت الحرب...
البيوت بتتفجر فوق أصحابها، والمساجد بتتضرب وتتهدم، والمدارس بتتدمر، والسكان كلهم تقريبًا هربوا تحت تأثير القصف...
🟠 حسب تقديرات المركز الأورومتوسطي لحقوق الإنسان وشبكات صحفية، ف لحد دلوقتي، وفي خلال اليومين اللي فاتوا بس، في أكتر من 400 بيت اتساووا بالأرض واتمسحوا من على الخريطة، واكتر من 90 ألف إنسان اتهجروا من بيوتهم وخرجوا من المكان كله، في مشهد بيشبه مشاهد النكبة الأولى... بس المرة دي على الهواء مباشرة...
الاحتلال كمان المرة دي ما اكتفاش بالقصف التقليدي، لكن جاب تكنولوجيا جديدة للتدمير...
🔵 روبوتات متفجرة بتدخل تفجر البيوت بعد ما يطردوا أهلها تحت تهديد السلاح، وطيارات مسيرة كوادكوبتر Quad-copter صغيرة بتحاصر الناس في المربعات السكنية وتطلق النار بشكل عشوائي عشان تجبرهم على النزوح وترك بيوتهم للجنود عشان ينسفوها واحد ورا التاني..
يعني العملية مش حرب ضد مقاتلين، ولا حتى عملية عسكرية لها هدف عسكري واضح، الهدف هو تفريغ الحي من سكانه وتدميره بالكامل، عشان يدخلوا على اللي بعده لحد ما يخلصوا على اللي باقي كله...
🟣 المرصد الأورومتوسطي وصف اللي بيحصل بإنه جزء من عملية إ.با.دة منظمة، هدفها محو المدينة من الوجود... والدفاع المدني في غزة بيقول ان اللي بيحصل عبارة عن "إ.با.د.ة جما..عية ممنهجة"، وان خلاص مبقاش في مكان للنزوح، والجثث مرمية في الشوارع ومش قادرين يوصلولها من شدة القصف..
الناس متحاصرة ومبقوش عارفين يروحوا فين، وده انذار شديد الخطورة بإن الأيام والساعات اللي جاية هيكون فيها مجا.ز.ر أسوأ من أي حاجة حصلت قبل كده...
🟡 كمان اللافت إن ده كله بيحصل في نفس التوقيت اللي العالم كله فيه مشغول بقمة ألاسكا والاتفاق بين ترامب وبوتين.. أنا نفسي كنت هكتب عن القمة دي النهارده، ومكنتش مركز مع اللي بيحصل في القطاع من كتر ما هو التغطية الإعلامية عليه ضعيفة...
🔹️ يعني إسرائيل بتلعب على تشتيت الأنظار... وفي خضم ما احنا مركزين في المشهد الدولي، شغالة هي بتمحي أكبر حي باقي في غزة من الوجود تمهيدًا لاحتلال كامل للمدينة...
🟠 تاني هكررها..
المدينة اللي بقالنا سنتين عمالين نقول انها صامدة، وانها بتضرب مثل مشرف في الشجاعة والصمود في وجه القوة الغاشمة، الاحتلال خلاص بيقضي على ما تبقى منها... مسح كامل للبيوت، بالضبط زي ما حصل في شمال القطاع ورفح.. وتهجير للسكان... ولو انتهوا من مهمتهم، ف خلاص كده كل سنة وانت طيب مبقاش في اصلا مدينة اسمها غزة، كإنها اتمحت من الوجود...
🔴 وللأسف مش بس كده...
حكومة الاحتلال كمان بتحضر دلوقتي لمنح الموافقة النهائية على مشروع خطة هدفها بناء 3412 وحدة سكنية استيطانية ما بين مناطق القدس الشرقية ومستوطنة "معالي أدوميم"... ودي تعتبر آخر منطقة حيوية في الضفة الغربية، ولو اتبنت الوحدات دي ف هي هتفصل ما بين القدس الشرقية وباقي المدن المحتلة، وهتقضي نهائيًا على أي محاولة للاعتراف بدولة فلسطينية متصلة جغرافيًا..
طب يعني أيه؟!
🟢 يعني المستوطنات دي هتعزل المدن والأحياء نفسها عن بعضها، وتخلي الاحتلال موجود في وسطهم... وبكده مش هيكون في بينهم حدود جغرافية متصلة... يعني بالشكل ده؛ هيكون اصلا مفيش دولة متصلة جغرافيًا ينفع تتبني ولا يعترف بيها...
وكل ده بيحصل دلوقتي وبسرعة عشان يقطعوا الطريق على خطط دول أوروبا للاعتراف بالدولة الفلسطينية الشهر اللي جاي... والأبجح هو انهم مش بيخبوا.. لأ ده بن غفير وسموتريتش صرحوا بشكل مباشر ووش كده ان مفيش حاجة اسمها دولة فلسطينية أصلا وانهم مش هيسمحوا باقامتها تحت أي ثمن...
🟣 اللي بيحصل دلوقتي مش مجرد "خطر محتمل"... ده نهاية اللعبة أو End Game زي ما بيقولوا... حي الزيتون هو البوابة، والسيطرة عليه وتدميره هي أول خطوة لمحو مدينة غزة كلها، وتحويل سكانها لشعب مطرود للمرة التانية...
🔴 غزة دلوقتي مش لسه مستنية خطر وجودي قادم قريب… الخطر بدأ خلاص... غزة دلوقتي بتتدمر لحظة بلحظة قدام عيون العالم...

🔴 تطالب الصين الولايات المتحدة بتخفيف ضوابط التصدير على مكوّن أساسي في رقائق الذكاء الاصطناعي، معتبرة ذلك جزءًا من صفقة تجارية محتملة قبل قمة مرتقبة بين الرئيس الأميركي دونالد ترامب ونظيره الصيني شي جين بينغ، وفق ما ذكرت صحيفة فايننشال تايمز البريطانية.
🔴 ونقلت الصحيفة عن مصادر مطلعة أن مسؤولين صينيين أبلغوا خبراء في واشنطن برغبة بكين في تخفيف قيود تصدير رقائق الذاكرة عالية النطاق (HBM).
🔴 وقاد وزير الخزانة الأميركي، سكوت بيسنت، 3 جولات من المفاوضات التجارية مع الصين خلال الأشهر الثلاثة الماضية، وأفاد مصدر بأن الفريق الصيني برئاسة نائب رئيس مجلس الدولة، هي ليفينغ، أثار قضية رقائق HBM في بعض تلك المباحثات.
🔴 وتشعر بكين بالإحباط من ضوابط التصدير الأميركية منذ أن أعلن الرئيس الأميركي السابق جو بايدن عام 2022 تدابير تهدف إلى إضعاف جهود الصين في شراء أو تصنيع رقائق الذكاء الاصطناعي المتقدمة.

📌عجز الموازنة الأميركية في يوليو تموز يرتفع بنسبة تقارب 20% ليصل إلى 291 مليار دولار، وذلك على الرغم من زيادة إيرادات الرسوم الجمركية بنحو 21 مليار دولار نتيجة الرسوم التي فرضها الرئيس دونالد ترامب
📌عجز شهر يوليو تموز ارتفع بمقدار 47 مليار دولار، أو بنسبة 19%، مقارنة بالشهر نفسه من عام 2024
📌الإيرادات الشهرية تسجل نمواً بنسبة 2%، أو ما يعادل 8 مليارات دولار، لتصل إلى 338 مليار دولار، في حين قفزت النفقات بنسبة 10%، أو 56 مليار دولار، لتبلغ 630 مليار دولار، وهو مستوى قياسي للشهر

«جربت الجوع سنين».. عباس أبوالحسن يهاجم محمد رمضان بعد صورته مع لارا ترامب
كتب عباس أبوالحسن عبر حسابه الرسمي على «فيسبوك»: «رغم انك مفضوح بس تعالى نمشي على المزع بتاعك.. فرحان انك هتغني مع بنت قاتل وقائد مذبحة 200 الف شهيد وجريح بدم بارد من شعب أعزل معظمه أطفال ونساء وعواجيز؟!، وتجويع وإذلال 2 مليون فلسطيني بيموتوا يوميا عطشى وجوعى بالعشرات والمئات برصاص غادر جبان».
وأضاف: «فرحان وبتعلن وفخور، اشحال مكنتش جربت الجوع سنين الهي ينفخ في صورة ولادك ويخلق من الأعوج سليم ويكبروا ويحاولوا يشيلوا العار اللي دنستهم به اللي ميتمحيش ولا بالطبل البلدي».

🔴 الكنيست وافق رسميًا على خطة احتلال غزة.. والأقمار الصناعية من شوية رصدت مشهد مخيف بيحصل على حدود القطاع دلوقتي...
صفوف طويلة من الدبابات والعربيات المدرعة والمعدات الثقيلة، ومعاها حدات هندسية وكتائب احتياط... كلها بتتحشد بشكل مرعب على طول الحدود!
⚫️ والصور دي مش مجرد حركات استعراضية ولا مناورات... بل هي استعداد فعلي لاجتياح بري شامل، اتوصف من خبراء عسكريين إنه هيكون أكبر هجوم من إسرائيل على غزة من بداية الحرب في 2023... بل ممكن يكون الأكبر من 2008 أصلًا!
طيب هو إيه اللي حصل خلال الساعات اللي فاتت واحنا مش متابعين؟ 👇
🔴 شوف... النهارده الفجر واحنا نايمين، حكومة الاحتلال الإسرائيلي وافقت رسميًا على خطة نتنياهو باحتلال مدينة غزة بالكامل اللي انا كلمتك عنها في بوست فات من كام يوم، وكنت قلتلك انها اتسربت للصحافة... والموافقة دي جت أخيرًا في جلسة كابينت جوه الكنيست، استمرت لمدة أكتر من 10 ساعات وسط اعتراض شديد من قيادات الجيش ومسئولين أمنيين سابقين!
والمرة دي بقى، الخطة مش بس عسكرية زي كل مرة... بل هي خطة هدفها الأساسي هو التفريغ والتهجير، وبشكل كامل ونهائي وبلا عودة...
🔵 الخطة المرة دي بتتكون من أكتر من مرحلة، والمفروض حسب المصادر العسكرية الإسرائيلية انها هتتنفذ على 5 شهور... أول مرحلة منها هتتضمن وقف شامل للمساعدات عن القطاع لإجبار السكان على الخروج، تمهيدًا لعمليات الاقتحام وعشان تكون أسهل بدون مدنيين.. ده حسب كلامهم طبعًا...
وبحسب مصادر عبرية وأميركية، فالـ Deadline أو الموعد النهائي اللي حدده الاحتلال لإخلاء مدينة غزة بالكامل هو 7 أكتوبر 2025، اللي هو نفس يوم الهجوم اللي بدأ الحرب... وده طبعًا اختيار له رمزية كبيرة عندهم زي ما انت شايف...
🟢 الفكرة بقى ان قيادات الجيش نفسهم خايفين ورافضين الخطة دي، وشايفينها كارثة على الكيان نفسه...
رئيس الأركان "إيال زامير" حذّر نتنياهو قدام الكل، وقاله إن احتلال غزة بالكامل ممكن ياخد سنتين، وهيعرّض حياة الرهائن والجنود لخطر كبير، ومفيش أي فائدة استراتيجية حقيقية من المغامرة دي...
🟣 ومش بس كده... ده في رفض كامل على مستوى عالمي للخطة دي، من كل دول العالم تقريبًا ما عدا أمريكا اللي مدية الضوء الأخضر لنتنياهو، و"ترامب" قال من يومين لما اتسأل عن الخطة بعد ما اتسربت إن الموضوع يتوقف على نتنياهو وهو مش هيتدخل!
على الناحية التانية؛ ألمانيا من شوية وقفت صادرات السلاح لإسرائيل، وفرنسا وبريطانيا وكندا وأستراليا، والاتحاد الأوروبي كله تقريبًا، بالإضافة لـ مصر والأردن وتركيا، كلهم أدانوا الخطة ووصفوها بإنها "جريمة حرب" بيتم الإعلان عنها أمام العالم كله...
🟡 وكمان الأمم المتحدة قالت إن القرار ده هيسبب مجازر غير مسبوقة في تاريخ الصراع، وأعنف من أي شيء حصل من بدايته، بالإضافة لبداية تنفيذ تهجير قسري مباشر، وإنه هيأدي لمجاعات كارثية أضخم من اللي بتحصل دلوقتي...
وبرغم كل ده، نتنياهو ما زال مصر على الخطوة دي، وأعلن صراحةً في تصريحات له من شوية نقلها التلفيزيون العبري إنه مش هيسيب غزة إلا لما "يمحي حـ.ـ.ـمــ.ــ.ـــا.س"، ويسلم المدينة لحكم مدني تحت "السيطرة الأمنية الإسرائيلية"...
ووزير المالية الإسرائيلي بتسلئيل سموتريتش قال في تصريح رسمي للعالم كلهم إنهم: "سيمحوا أي وجود للدولة الفلسطينية مستقبلًا..."
🟠 وبسبب ده، فأهالي الأسرى الإسرائيليين دلوقتي بيتظاهروا بشكل عنيف جدًا في قلب تل أبيب، والشرطة بتتعامل معاهم بطرق عنيفة وبتضرب عليهم قنابل غاز وبتستخدم خراطيم المية لتفريقهم، وبعضهم قالوا في تصريحات للتلفيزيون شيء خطير جدًا محدش واخد باله منه، برغم إنه هيبينلك خطورة اللي على وشك الحدوث...
🟢 قالو ان نتنياهو خلاص قرر يضحي بالأسرى اللي باقيين كلهم... الـ 20 واحد اللي باقيين لسه على قيد الحياة، نتنياهو عايزهم كلهم يموتوا، وعايز يورّط الداخل الإسرائيلي في احتلال غزة للهروب من مسؤولية الأسرى، وعشان يبقى مبرر كامل ونهائي له إنه يدمر القطاع بالكامل وينفذ كل الأهداف السياسية اللي في دماغه، ويأجل قرار محاكمته اللي شغالة في القضاء الصهيوني دلوقتي...
🔹️ طيب لما الهجوم يحصل، أيه المتوقع؟
حــ.ــ.ــ.ــمـــ.ـــ.ــــا.س قالت إنها مش هتسلم سلاحها وهتدافع عن القطاع لآخر نفس، وفصائل المقاومة كلها رفعت حالة التأهب القصوى... ولو إسرائيل اقتحمت فعلاً، وارد جدًا نشوف هجمات من الجنوب اللبناني، أو من الحوثيين في البحر الأحمر، أو حتى تصعيد من إيران أو العراق...
🟡🟠 يعني الخلاصة: الخطة اللي متوقع يبدأ تنفيذها خلال أيام أو ساعات هتكون الأخطر من بداية الحرب كلها، وهتكون تصعيد أخير لمرحلة هتعدي سقف ما هو مسموح، وهتتجاوز كل الخطوط الحمراء...
إحنا دلوقتي في الساعات الأخيرة قبل الانفجار الكبير...
يا إما العالم يتحرك ويوقف المجزرة اللي جاية، يا إما هنشوف غزة بتتمسح من على الخريطة حرفيًا... على الهواء مباشرة...
🔴 هسيبلك المصادر في أول كومنت كالعادة 👇 ولو وصلت لهنا، متنساش تشارك المقال مع الناس من خلال الشير، عشان الكل يعرف اللي حصل الساعات اللي ساعات الماضية، واللي على وشك الحدوث...

"محمد رمضان طلع علينا بخبر أنه جاله دعوة من لارا ترامب زوجة ابن الرئيس الأمريكي ترامب، أنه يروح يحضر معاها حفل في البيت الأبيض وتتصور معاه احتفاء به وبنجوميته وشعبيته كونه رمز مصري وأفريقي وكلنا قولنا دي حاجة حلوة، لارا ترامب وآل ترامب والبيت الأبيض عارفين محمد رمضان ووجهوله دعوة دي حاجة حلوة، ثم في 24 ساعة كل الناس قعدت تدور لحد ما البعض اكتشف أن القصة كما يقولون مش دعوة".

#عاجل| ترامب: معدلات السرقة في الولايات المتحدة وصلت إلى أعلى درجة
🔴ترامب: عاصمتنا أصبحت رهينة للصوص والمشردين
🔴ترامب يعلن نشر الحرس الوطني في العاصمة واشنطن لمكافحة الجريمة
🔴ترامب: قررت وضع شرطة واشنطن تحت السيطرة الفيدرالية

🔴 اللي بيحصل دلوقتي محصلش من يوم إعلان قيام إسرائيل تقريبًا... أمريكا تقريبًا كده بطلت تعتبرها حليف، وترامب بيتخلى عن نتنياهو سياسيًا!

لأول مرة من بداية تاريخهم مع بعض تقريبًا، أمريكا دلوقتي بدأت تاخد قراراتها الكبرى في الشرق الأوسط من غير ما ترجع لتل أبيب... بل بالعكس، بتتحرك ضد رغبات اسرائيل، وبتعزل نتنياهو تمامًا عن أي تفاوض أو مشاركة في اللي بيحصل!

⚫ طب ازاي بقى وإيه اللي حصل ما بينهم؟! وليه أمريكا فجأة رمت كل العلاقات الدبلوماسية والتاريخ الاستراتيجي الطويل اللي بيجمعها بإسرائيل ورا ضهرها؟!

حضر بقى كوباية شايك الحلوة والنعناع، وتعالى أحيلك اللي حصل في الكام ساعة اللي فاتوا، وازاي خريطة النفوذ والقوى في الشرق الأوسط بتتغير للأبد... وخلينا ناخد المواضيع واحد واحد وبالترتيب...

🔴 شوف يا سيدي..
من كام يوم فاتوا، أمريكا أعلنت فجأة عن هدنة مفاجئة مع الحوثيين في اليمن، بعد ما كانت بتحاربهم بشكل رسمي وبتقصفلهم مواقعهم، وهما بيضربولها سفنها في البحر الأحمر... والغريب في الموضوع ان الهدنة دي تم الإعلان عنها فجأة وبدون مقدمات، في الوقت اللي اسـ،ـرائيل كانت فيه لسه بتضرب مواقع في صنعاء، وبتحاول تاخد دعم أمريكي لضربات أوسع...

🟢 لكن فجأة أمريكا أعلنت عن اتفاق لوقف اطلاق النار في اليمن مقابل وقف الحوثيين لاستهداف السفن الأمريكية... والأغرب ان الموضوح حصل بدون حتى اتصال بنـ،ـتنياهو!
ولما اسرائيل اتضايقت، السفير الأمريكي في اسرائيل بنفسه قالهم نصًا: "احنا مش ملزمين نستأذن من حد لما نقرر نأمن نفسنا"...
والموضوع موقفش هنا!

🔴 ترامب بعدها بكام ساعة، وتحديدًا امبارح، أعلن عن جولة خليجية ضخمة، هيقابل فيها قادة السعودية والإمارات وقطر، وهيوقع معاهم صفقات جديدة، ويعلن عن "أكبر خبر في الشرق الأوسط" على حد تعبيره...
بس إيه الغريب؟ الجولة دي كلها هتتم من غير ما يمر على إسرائيل... ولا حتى مكالمة!
طب ده بيحصل ليه؟!

🔵 التقارير الصحفية اللي اتنشرت في الصحف الإسرائيلية والأمريكية بتقولك إن ترامب "محبط جدًا" من نتنياهو، وعارف إنه بيماطل وبيعطل أي صفقة مع السعودية، وخصوصًا التطبيع... بل وكمان متضايق من محاولات تل أبيب إنها "تسحبه" لضرب إيران غصب عنه.. وعشان كده فالعلاقة الشخصية ما بينهم هما الاتنين تدهورت جدًا ومبقوش طايقين بعض...

🟠 بس أهم حاجة فيهم بقى، واللي هي فعليًا حاجة محدش كان متوقعها، هي ان ترامب امبارح أعلن عن خطة ضخمة هتنفذها أمريكا بنفسها لتوزيع مساعدات إنسانية على أهل غزة... بس بشرط غريب جدًا:
إسرائيل مالهاش دعوة بالمساعدات دي خالص!
لا طيارات إسرائيلية، لا تنسيق ميداني، ولا إشراف أمني...

🟣 طب مين اللي هينفذ؟
شركات خاصة بتأمين دولي، من غير تدخل الجيش الإسرائيلي بأي شكل.. والسفير الأمريكي نفسه اتكلم عن الخطة دي، ووضح إنهم بيعملوا كده عشان مش عايزين العملية دي تبان بأي شكل وكإنها بتتم بالتنسيق مع الاحتلال.. عشان يحافظوا على صورة أمريكا الدولية!
يعني ترامب عايز يقدم نفسه كمنقذ للوضع الانساني في غزة، من غير ما يدي إسرائيل أي فضل أو دور في اللي بيحصل...

⚫ طب هنا بقى ييجي السؤال المهم... هو ليه فجأة أمريكا قررت تعمل كده؟!
🟠 الأسباب يا صديقي مهمة جدًا، ولو فهمتها هتقدر تستوعب ايه اللي بيحصل في الشرق الأوسط دلوقتي والأمور رايحة على فين... تعالى كده أقولك عليها سريعًا وبالترتيب...

1️⃣ أول حاجة، ترامب دلوقتي غرقان في احصائيات التأييد الشعبي جوه أمريكا وعايز أي نصر خارجي يغطي بيه فشله الداخلي.. شعبيته في الحضيض، والتضخم والغضب الشعبي من سياسة التعريفات الجمركية بتاعته كاتمين على نفسه، لدرجة ان وسائل الإعلام والاحصائيات بتعتبر الكام شهر اللي عدوا من حكمه دول هما أسوأ بداية لأي رئيس أمريكي على مر التاريخ!
وكنتيجة لده، فهو دلوقتي بيحاول يلم استثمارات من الخليج بأي تمن، عشان يحافظ على صورته وشعبيته بأي انتصار... حتى لو ده معناه انه يبيع نتنياهو اللي هو كان دايما الحليف رقم 1!

2️⃣ تاني حاجة السعودية من قريب بردو ضغطت على أمريكا بموضوع التطبيع، وحطته كمقابل لوقف الحرب في غزة.. يعني باختصار مش هنقعد ونتكلم في تطبيع الا بعد توقف الحرب.. وطبعًا نتنياهو مش عايز يوقف الحرب، لإنها لو توقفت وانتهت ف ده هيكون معناه نهايته وسقوطه هو وحزبه ويمكن يتم محاكمته كمجر..م حر...ب كمان..

3️⃣ تالت حاجة هي ان الجرايم اللي بتحصل في غزة كل يوم ومشاهد الإبادة والحصار اللي عليها بقت محرجة جدًا للعالم كله، حتى أقرب حلفاء إسرائيل مش قادرين يبرروها... وترامب مش عايز يشيل العار ده ويتربط بإسمه في التاريخ انه سمح باستمراره...

4️⃣ رابع حاجة وهي الخلاف الشخصي بين ترامب ونتنياهو.. الموضوع كان واضح جدًا في اخر لقاء تم بينهم في البيت الأبيض، وواضح في عدم التنسيق اللي ما بينهم والفتور اللي حاصل من ساعتها... والمشكلة ان كل واحد فيهم بيستغل التاني وهو عارف انه بيستغله... وكلها لعبة مصالح وسياسة.. ترامب كان بيدعم نتنياهو عشان ينفذ التهجير ع الأرض... بس لما نتنياهو فشل في تنفيذ التهجير، وعايز يجر رجل ترامب معاه انه يتدخل، ترامب تقريبًا قرر انه يضحي بيه ويسيبه يغرق لوحده..

🔴 ودلوقتي؟! حتى الإعلام الإسرائيلي بقى شايف انهم مهمشين في التحركات الأمريكية.. صحيفة جيروسالم بوست نزل عليها تقرير بيقول ان امريكا مبقتش تنسق معاهم وبتشتغل من وراهم، وهتلاقي التقرير في الكومنتات.. وحتى مستشار الأمن القومي السابق قال في لقاء إذاعي ان إسرائيل دلوقتي أصبحت برا الحسابات الأمريكية... والموضوع أخطر مما الناس فاهمة!

🟣 فهل أمريكا فعلاً بدأت تتخلى عن إسرائيل؟!
كل المؤشرات دلوقتي بتقول: آه... وبشكل غير مسبوق... في شرخ حصل ما بينهم، والثقة اتكسرت، ونتنياهو واصراره على الحرب والإبادة أصبح عبء مش أصل استراتيجي زي ما كان..
ولو فضل الحال على كده، ف احتمال كبير جداً إننا نكون على أعتاب بداية نهاية "العصر الذهبي" للعلاقات الأمريكية-الإسرائيلية!

🟢 الوقت اللي احنا فيه ده هو فرصة ذهبية.. لو قدر العرب يستغلوا اللحظة دي، ويضغطوا سياسيًا واقتصاديًا بحكمة، ف ممكن فعلاً نشوف تغيير استراتيجي حقيقي... مش بس في غزة، لكن في الخريطة كلها.. ونهاية نتنياهو ممكن تكون أقرب مما تتخيل!

🔴🟣🔵 وعشان نكون واضحين.. بقول (نهاية نتنياهو) وليس (نهاية اسرائيل او تخلى أمريكا عنها بشكل نهائي).. لإن كلنا عارفين ان اسرائيل هي امتداد لولاية امريكية في الشرق الأوسط مش اكتر.. بس اللي بيحصل هو تغير استراتيجي في طريقة التعامل السياسي بينهم، وومكن جدا يكون ترامب بيرمي نتنياهو للنار عشان مبقاش متوافق مع مصالحه مش أكتر.. والسبب هو اللي بيعمله نتنياهو واللي اصبح صعب على المجتمع احتماله اكتر من كده... ف ربك يسهل يعني ويا رب تكون بداية لنهاية الحرب والإبادة..
اللي متابع السياسة من سنين، عمره ما كان يتخيل اللحظة دي تيجي... بس هي جت فعلاً، وبتتكتب دلوقتي قدام عيوننا كلنا...

🔴 أمريكا دلوقتي على بُعد أسابيع من صدمة اقتصادية تاريخية محصلتش قبل كده... والسبب؟ ترامب وسياساته المتهورة اللي وضعت أمريكا دلوقتي على حافة انهيار اقتصادي تاريخي ممكن يؤدي لإفلاس مئات الشركات الصغيرة في أمريكا، ويخلي الفقراء الأمريكيين أكثر فقرًا!

⚫️ طب ازاي؟!
لو انت مش متابع اللي حصل في العالم في آخر كام يوم بسبب الحرب التجارية بين الصين وأمريكا، تعالى بقى وحضّر كوباية شايك ونعناعك وروق كده ☕، وخليني أحكيلك ازاي ترامب ممكن يكون دخل أمريكا في أزمة اقتصادية أكبر من الكساد العظيم، وازاي الشعب الأمريكي وخصوصًا الطبقات الفقيرة هو اللي هيدفع التمن!

🔵 شوف يا سيدي... من ساعة ما ترامب فرض رسوم جمركية خرافية وصلت لـ 145% على المنتجات الصينية، والتجارة في العالم كله اتجننت... الشركات الأمريكية والمستهلكين دلوقتي مش عارفين يلاقوها منين ولا منين!
زيادات كبيرة وضخمة في الأسعار، ومشاكل في سلاسل التوريد وفوضى في جداول الشحن لكل شركات التجارة الإلكترونية تقريبًا!

🟣 والكارثة إن الموضوع لسه في بدايته، ولسه تأثيره الكبير مجاش.. بس التقارير الاقتصادية بتقول إن اللي جاي أخطر وأعنف بكتير مما الناس متصورة!
خليني أحكيلك ازاي...

🟢 حسب تقرير نشرته مجلة The Economist الاقتصادية، فخلال آخر أسبوع بس، الحجوزات الجديدة للسفن اللي جاية من الصين لأمريكا نزلت بنسبة 45%... وحوالي 40% من رحلات السفن بين البلدين اتلغت بالفعل أو اتحولت لموانئ تانية زي فيتنام... والسبب؟ الشركات الأمريكية مش عارفة تتحمل تكلفة الرسوم الجنونية دي، وبتلغي كل الشحنات اللي كانت بتشتريها قبل كده من الصين بأسعار رخيصة!

🟡 عشان تفهم أكتر، خليني أديك مثال بسيط:
حسب تقارير اقتصادية نشرتها (بلومبرج)، شركة الملابس الصينية المعروفة Shein اضطرت ترفع أسعار منتجاتها في أمريكا في يوم وليلة بنسبة وصلت لـ377%
ومش بس Shein.. ده كمان موقع TEMU الصيني اللي كان قالب الدنيا في العالم بسبب أسعاره الرخيصة، اضطر هو كمان يرفع أسعاره بشكل كبير بسبب تعريفات ترامب الجمركية اللي غلت عليهم أسعار الشحن وخلتهم يدفعوا جمارك ضخمة..

🟠 الشركات دي قبل كده يا صديقي كانوا بيستعملوا ثغرة في القانون الأمريكي اسمها De Minimus.. الثغرة دي كانت بتسمح لهم يدخلوا شحناتهم لأمريكا بدون جمارك طول ما هي تحت الـ 800 دولار، وكان قايم عليها الـ Business Model بتاعهم كلهم، وعشان كده أسعارهم كانت رخيصة وبتضرب أي شركة جوه أمريكا بالجزمة.. بس دلوقتي لما ترامب لغى الثغرة دي ورفع عليهم الجمارك بنسبة 145%، بقوا مضطرين يبيعوا بأسعار أعلى كمان من أي شركات تانية!
يعني تخيل مثلًا فوطة مطبخ كان سعرها 1.28 دولار بس على TEMU، تاني يوم بقت بـ 6.10 دولار!

🟣 طب إيه اللي هيحصل للمستهلك الأمريكي؟
المستهلك الأمريكي العادي – خصوصًا الطبقة المتوسطة والفقيرة – حرفيًا مبقاش عارف يجيب احتياجاته اليومية منين دلوقتي..
الفقرا في أمريكا حاليًا مبقوش عارفين يشتروا لا من Temu ولا حتى من المولات الأمريكية اللي زي Walmart، اللي هما أصلًا أسعارهم كانت غالية على الفقرا.. والكارثة هي إن حسب إحصائيات عملتها جامعة Yale وجامعة UCLA في أمريكا، فحوالي 48% من شحنات الصين كانت رايحة لأفقر المناطق في أمريكا!
يعني ترامب بيلعب بالنار... واللي هيتلسع مين؟ الطبقة اللي أصلاً مش قادرة تعيش!

🟡 والمشكلة الكبيرة هي ان ده مش بس بيأثر على المستهلك، لأ ده كمان بيدمر الشركات الأمريكية الصغيرة اللي بتعتمد على الصين في استيراد منتجاتها!

مدير شركة Flexportالأمريكية المتخصصة في الشحن واللوجستيات قال مؤخرًا في بودكاست إن حوالي 80% من الشركات الصغيرة الأمريكية اللي بتستورد من الصين ممكن "تفلس تمامًا" بسبب قرارات ترامب دي..
والسبب حسب كلامه هو أن المنتجات التي بتستوردها الشركات دي تعتبر تعتبر سلع "غير أساسية".. ولو أسعارها زادت زي ما بيحصل دلوقتي، فالمستهلكين في أمريكا هيتخلوا عنها ببساطة.. أيه اللي يخلي حد مثلًا يروح يشتري فرن بيتزا بـ 400 دولار من TEMU، وهو يقدر يجيب بيتزاية كاملة من دومينوز بأقل من 5 دولار؟!

🔵 وطبعًا لما المستهلك الأمريكي يبطل يشتري، ده معناه انهيار في حركة البيع وكساد وانهيار في سلاسل التوريد، وكنتيجة لده هيحصل تخفيش للعمالة وممكن شركات كاملة تفلس.. وفجأة آلاف الأمريكيين اللي بيشتغلوا في الشركات دي هيلاقوا نفسهم بدون شغل!

🔴 ولسه بقى الصدمة الأكبر في الطريق:
الرسوم الجمركية دي بحسب تقرير معهد ITEP الاقتصادي، هتسبب ارتفاع في الأسعار هيكون عبئه على أفقر 20% من الأمريكيين بنسبة 6.2% من دخلهم السنوي!
يعني ترامب بدل ما يحمي اقتصاد بلده، دمر مستقبل ملايين الأسر اللي عايشة أصلاً بالعافية!

⚫️ والكارثة إن ترامب نفسه بدأ يحس بالخطر وقال في مؤتمر صحفي في البيت الأبيض من قريب إنه "ممكن يتراجع في وقتٍ ما" عشان لو الأسعار زادت أكتر من كده، فالأمريكيين مش هيقدروا يشتروا حاجة.. بس الكلام ده جه متأخر جدًا!

الاقتصاد بدأ فعلاً ينهار، والأسواق الأمريكية دخلت في حالة هلع، والشركات الكبيرة والصغيرة بدأت تتجمد وتتراجع عن الاستثمار والتوظيف.. وشركات كتير أمريكية بدأت تدور على طريقة تهرب بيها من الجمارك، وبعضهم في معرض كانتون الدولي اللي شغال دلوقتي في الصين راحوا لشركات هندية وطلبوا منهم يشتروا الشحنات بتاعتهم من الشركات الصينية ويودوها الهند، وبعدين يجيبوا من الهند لأمريكا عشان يهربوا من الجمارك، خصوصًا إن الهند عليها رسوم بنسبة 10% بس!

🔴 طب هو الصين بتعمل ايه بقى قصاد كل ده؟
المفاجأة يا صديقي إن الصين بتنفذ خطة ذكية جدًا عشان تتجاوز بيها الأزمة.. والخطة دي تتلخص في إنها بدل ما تعتمد على السوق الأمريكي اللي اتقفل في وشها، قررت تحوّل مبيعاتها الضخمة للسوق المحلي الصيني نفسه!
إزاي؟
شركات زي Alibaba و Pinduoduo بدأوا حملات ضخمة بمليارات الدولارات عشان يساعدوا الشركات الصينية اللي بتصدر لأمريكا إنها تبيع منتجاتها جوه الصين، وتشجع التجار على تخفيض أسعارهم وتوجيه الطاقة الانتاجية بتاعتهم للمستهلك الصيني بدل الأمريكي..

🟢 يعني ببساطة، الصين بتحاول تستبدل السوق الأمريكي بسوق الداخلي الضخم اللي فيه مليار ونص مستهلك جاهزين يشتروا لو الأسعار مناسبة!

⚫️ كمان الحكومة الصينية بتشجع شركات التكنولوجيا الكبيرة زي Tencent وAlibaba إنها تلعب دور اجتماعي كبير، عشان الاقتصاد الصيني ماينهارش بسبب انغلاق السوق الأمريكي قدامهم.. وده طبعًا في إطار حملة كبيرة من بكين اسمها "الاعتماد على الذات"، عشان يحصّنوا الاقتصاد من أي عقوبات أمريكية مستقبلية.

لو الخطة دي نجحت (والأرقام والمؤشرات الأولية بتقول إنها فعلاً ماشية كويس جدًا)، فالصين هتقدر تعدّي أصعب مرحلة في الحرب التجارية دي بدون خسائر كبيرة، في حين إن اللي هيدفع تمن الأزمة الحقيقية هيكون المستهلك الأمريكي، خصوصًا الطبقات الفقيرة اللي مش قادرة تتحمل الزيادات الجنونية دي!

🟠 يعني ترامب في النهاية ممكن يكتشف إنه أضر باقتصاد بلده أكتر ما أضر بالصين!
الصين دلوقتي بتعمل كل حاجة عشان تتجنب الأضرار، وتخلق لنفسها سوق بديل، في حين إن أمريكا هي اللي بتواجه خطر التضخم والإفلاس والبطالة!
ف تفتكر انت مين الخسران الأكبر فعلًا في الحرب دي؟ أمريكا ولا الصين؟

🔴 ترامب يا صديقي كان فاكر إنه بيعاقب الصين... بس الحقيقة إنه عاقب الشعب الأمريكي نفسه... ودلوقتي أمريكا داخلة على مرحلة حرجة جدًا بسبب قراراته المتهورة اللي واضح انه محسبهاش كويس أو متوقعش رد الفعل عليها ممكن يوصل لفين...
المستهلكين مرعوبين، الشركات بتقفل أبوابها، والمستثمرين بيهربوا من الدولار وبيتجهوا للدهب، والصين نفسها بتشتري دهب بكميات تاريخية هكلمك عنها ف مقال جاي...
وكل ده اتسبب في ان الاقتصاد الأمريكي دلوقتي أصبح بينزف قدام العالم كله..

🔵 فهل دي بداية النهاية للقوة الاقتصادية الأمريكية؟
وهل ترامب هيكون سبب بداية انكماش أكبر اقتصاد في العالم؟
الله أعلم.. بس كل المؤشرات الحالية بتقول إن أمريكا على أبواب كارثة اقتصادية تاريخية، وكل ده بسبب شخص قرر يدخل حرب تجارية متهورة بدون أي حسابات!

🔴🔵 وفي النهاية، لو البوست عجبك ووصلت لحد هنا، متنساش تعمل شير عشان يوصل لغيرك ويعرف اللي بيحصل في اقتصاد العالم حواليه، وكمان عشان تدعم المجهود اللي ببذله في كتابة الموضوعات الصعبة دي..
وكالعادة هتلاقي مصادر لكل الأرقام والاحصائيات والتقارير الاقتصادية اللي اتكلمت عنها في البوست تحت في الكومنتات 👇

🔴 أمريكا دلوقتي بتخسر أعظم ثرواتها، وأهم حاجة كانت بتميزها على مدار قرن كامل... عقولها العلمية!

في صمت تام... وبعيد عن عناوين الأخبار، أخطر نزيف عقول في التاريخ الأمريكي تقريبًا بيحصل بقاله شهور دلوقتي...
آلاف من ألمع العقول اللي كانت بتشتغل في أرقى جامعات ومراكز أبحاث أمريكا، زي هارفارد وستانفورد وغيرهم، بيقدموا استقالاتهم، وبيهربوا بعلمهم وخبراتهم على الصين وأوروبا... والسبب؟ ترامب وسياساته اللي حوَّلت الجامعات الأمريكية من منارة علم، لساحة هروب جماعي للعلماء!

⚫️ طب إزاي حاجة زي كده ممكن تحصل، وليه؟!
حضر بقى كوباية شايك الحلوة والنعناع ☕️❤️ وتعالى معايا أحكيلك عن واحدة من أخطر التغيرات اللي بتحصل على الساحة الاقتصادية العالمية دلوقتي، واللي محدش بيتكلم عنها خالص تقريبًا.. الهروب الجماعي للعقول العلمية من أمريكا اللي يومًا ما كانت بلد العلم والعلوم!

🔴 شوف يا سيدي...
من أول لحظة رجع فيها ترامب للبيت الأبيض، بدأ هجوم غير مسبوق على الجامعات ومراكز الأبحاث والعلماء، محصلش قبل كده بالشكل ده في تاريخ أمريكا..
إزاي؟!

ترامب خد قرارات بتخفيض تمويلات قيمتها مليارات، كانت بتروح سنويًا لجامعات زي هارفارد، MIT، وجونز هوبكنز.. وكمان وصل الموضوع لإنه هدد رسميًا بسحب الإعفاءات الضريبية من الجامعات العريقة والكبرى في أمريكا، ومنهم على الأخص "هارفارد"، اللي اتهمها بإنها بتبث "أفكار معادية لأمريكا" بسبب إنها كانت سايبة طلابها يتظاهروا ويعملوا وقفات احتجاجية ضد اسرائيل!

🟣 والموضوع موقفش هنا... بل بالتوازي مع ده، سحب تمويلات فيدرالية خاصة بأبحاث المناخ والتصدي للتغير المناخي، وقلل التمويلات الخاصة بدعم الصحة العامة... وفوق كل ده طرد مئات العلماء الأجانب من أمريكا، على رأسهم ناس كانت شغالة في أبحاث الرعاية الصحية والمناخ، في مؤسسات زي "الإدارة الوطنية لأبحاث المحيطات والغلاف الجوي NOAA"، وكمان "المعاهد الوطنية للصحة NIH”... وإجمالي عدد الموظفين والعلماء اللي فقدوا وظائفهم وصل آلاف!

ومش بس كده.. ده كمان إدارته بدأت حملة شرسة على تأشيرات الطلاب والباحثين الأجانب المختلفين معاه "فكريًا"، وطبعًا يقصد في قضية إسرائيل والشرق الأوسط.. والموضوع كان سيء لدرجة إن في طلاب وباحثين كانوا بيتم إيقافهم في وسط الحرم الجامعي، ويتقبض عليهم وبعد ما يتم استجوابهم بيتم إلغاء تأشيراتهم ويترحلوا.. وهتلاقي مصادر بتحكي عن الموضوع ده في أول كومنت..

🟠 وفي وسط كل الجنون ده، مئات العلماء والكفاءات، وآلاف الباحثين اللي أغلبهم من خريجي هارفارد وستانفورد وMIT بدأوا ياخدوا قرار مصيري... يهربوا من أمريكا ويدوروا على دول تانية يشتغلوا فيها بحرية وأمان..
وأول مكان فتح لهم دراعه كان مين؟
الصين!

🟢 الصين دلوقتي يا صديقي بقت حرفيًا قبلة للعلماء والباحثين... وعايز أقولك إن بحسب تقرير لبلومبرج، في شركة شكاء اصطناعي صينية ناشئة اسمها Manycore استقبلت مؤخرًا مئات السير الذاتية من خريجين أمريكيين من هارفارد وستانفورد، وكلهم عايزين يشتغلوا هناك وقدموا على وظائف عندهم!

وفي خلال شهور، مئات من مهندسين الذكاء الاصطناعي اللي كانوا شغالين في وادي السيليكون انضموا بالفعل ليهم، عشان لقوا عندهم فرص أفضل وحرية أكتر في البحث والابتكار..

🟡 ومش بس كده... الصين كمان رجّعت علماء كبار كانوا شغالين في أوروبا وأمريكا، منهم عالم إسمه "لين نان"... وده لو متعرفوش، فهو واحد من أعظم وأهم العقول العلمية في العالم في مجال تقنيات تصنيع الرقائق الإلكترونية!
الراجل ده يا صديقي كان رئيس وحدة "مصادر الضوء Light Sources" في شركة ASML الهولندية، اللي هي الشركة الوحيدة اللي بتصنع أجهزة الطباعة الضوئية بالأشعة فوق البنفسجية المتطرفة أو اللي بيسموها الـ EUV.. واللي بتستخدم في تصنيع وطباعة الشرائح الإلكترونية اللي دقتها فوق الـ 7 نانومتر، وبتشغل كل حاجة في تكنولوجيا العالم الحديث، بداية من معالجات الموبايلات ولحد معالجات الذكاء الاصطناعي وشرائح السيارات الكهربية والطيارات الحربية والأسلحة المتطورة!

🔵 تكنولوجيا الـ EUV دي طبعًا أمريكا مانعة وصولها للصين، وفارضة عقوبات وحظر تجاري شامل على أي شركة تفكر بس انها توصلها لبكين.. وعايزك بقى تتخيل معايا ان الراجل ده ساب ASML ورجع تاني للصين من قريب، ودلوقتي بيقود فريق بحثي قدر بالفعل يصنع تقنيات بديلة لتكنولوجيا الـ EUV دي، بكفاءة وصلت لـ 3.42٪ باستخدام ليزر اسمه "ليزر الحالة الصلبة".. ودي نسبة قريبة جدًا من الأجهزة الغربية اللي أمريكا منعت تصديرها للصين، واللي بتوصل لـ 5.5%.. يعني خلاص الصين بقت على وشك تكسر الحظر التكنولوجي اللي عليها بسبب شغل الراجل ده بس!
ما بالك بقى بآلاف العلماء التانيين!

🔴 وعشان الصورة توصل لذهنك بس، يكفي إني أفكرك إن "جنسن هوانج" رئيس شركة "إنفيديا" صرح من فترة إن 50% من الكفاءات في قطاع الذكاء الاصطناعي والصناعات التقنية الخاصة بتطوير الشرائح، هما صينيين! وعدد كبير من الناس دول دلوقتي بيرجعوا على الصين تاني!

يعني بدل ما الصين تحاول تكسر الحظر التقني عليها أو تسترضي أمريكا انها تاخد منها تقنياتها.. لأ دي علمت ولادها وعلماءها الصناعة، وأصبحت الرائدة عالميًا في أبحاث الذكاء الاصطناعي، وبعدين بدأت تجذب عقولها من الخارج مرة تانية، عشان تبدأ ثورة في أبحاث الذكاء الاصطناعي والرقائق الإلكترونية!

🟢 والموضوع موقفش عند الصين بس... أوروبا هي كمان بتلعب لعبتها دلوقتي، عشان تستفيد من اللي حاصل في أمريكا بقدر الإمكان، وبالأخص فرنسا...
إزاي؟!

فرنسا والاتحاد الأوروبي يا صديقي أعلنوا حزمة تمويل بقيمة 600 مليون يورو لاستقطاب العلماء اللي اتطردوا أو اتعرضوا للتضييق في أمريكا.. وماكرون نفسه وجه خطاب رسمي من جامعة السوربون للباحثين الهاربين من أمريكا، وقالهم ما معناه بالبلدي كده:
"لو بتحبوا الحرية… تعالوا وساعدونا نحافظ عليها!"
وهتلاقي تصريحه في المصادر في أول كومنت..

🟣 طب هل ده كل شيء؟!
لأ... فرنسا عملت منصة جديدة اسمها "Choose France for Science" بتسمح للجامعات الأوروبية بالتقديم لاستقبال العلماء من أمريكا، وتغطية تكاليف أبحاثهم بالكامل.. وباريس لوحدها خصصت 100 مليون يورو إضافية لدعم المشروع ده، غير الـ 600 مليون اللي خصصتهم باقي دول الاتحاد الأوروبي..

وكمان فوق كل ده، فالاتحاد الأوروبي حاليًا بدأ يضخ استثمارات بأكتر من 93.5 مليار يورو في برنامج للأبحاث والابتكار اسمه Horizon Europe، ومخطط يتم تمويله لحد سنة 2027! وكل ده في محاولة لجذب الكفاءات العلمية دي، وصنع ثورة أوروبية في أبحاث الذكاء الاصطناعي والرقائق، عشان يقدروا ياخدوا مكان في وسط عتاولة الصين وأمريكا!

🟢 يعني كده بسبب غشومية ترامب في دعم صورة اسرائيل في الداخل الأمريكي، أمريكا بدأت بتفقد عقولها اللي هي سبب ريادتها في أهم تكنولوجيا العصر: الذكاء الاصطناعي – أشباه الموصلات – تقنيات النانو – الحوسبة الكمية.

🔴 والمصيبة الأكبر؟ إن كل ده بيحصل في نفس الوقت اللي ترامب بيحاول يخنق الصين بقيود على شركات زي Nvidia وAMD، تمنعهم من تصدير الشرائح الإلكترونية اللي صمموها مخصوص للصين عشان تتوافق مع القوانين الأمريكية اللي بتقول انها متبقاش حديثة بقدر كافي.. وبسبب ده AMD في تصريحات رسمية توقعت انها هتخس 800 مليون دولار بسبب الحركة دي، وNvidia قالت انها هتكلفها ما يقرب من 5.5 مليار دولار!
وده بقى حسب التقارير، ممكن يؤدي لحاجة خطيرة جدًا..

🟠 القيود دي واستمرار تطبيقها على الصين لمحاولة خنقها ووقف تقدمها، أصبحت في الواقع دافع أكبر للصين إنها تطوّر صناعاتها بسرعة، وتوطن عقولها وتقنياتها محليًا!
وده اللي بتعمله دلوقتي فعلًا!

⚫️ عندك مثلًا شركة زي Huawei دلوقتي بتقود مبادرات لتصنيع شرائح AI محلية، وشركات ناشئة زي DeepSeek وManycore بيبنوا نماذج ذكاء صناعي أرخص بكتير من ChatGPT ومنافسة ليه وبنفس الكفاءة تقريبًا!
ده غير كمان ان في 2024، الصين أعلنت عن استثمار 1.4 تريليون دولار لتوطين الصناعات التكنولوجية الحساسة.. يعني هما بالفعل حطوا ميزانية مفتوحة للخطة دي، ومصممين يوصلوا للي هما عايزينه، ويحتلوا مكان أمريكا!
وإحنا العرب في وسط كل ده، قاعدين دلوقتي بنتفرّج على أعظم عقول أمريكا وهي بتتوزع على العالم.. ومالناش صوت ولا وزن!

🔵 فهل دي فعلًا ممكن تكون بداية النهاية لتفوق أمريكا العلمي؟وهل الصين وأوروبا فعلاً هياخدوا مكانها؟
الله أعلم... بس المؤشرات كلها بتقول إن أمريكا دلوقتي بتنزف... مش بس دولارات.. لأ... دي بتنزف عقول كانت هي سر تفوقها العالمي بقالها عشرات السنين!

🔴 وفي النهاية لو وصلت لحد هنا، متنساش تعمل شير عشان تدعم المجهود اللي ببذله في كتابة الموضوعات دي، وتساهم في انها توصل لغيرك... وكالعادة، هتلاقي المصادر الرسمية تحت في الكومنتات 👇
شكرًا.

في سابقة نادرة ظهر عملاء الموساد منفذو عملية البيجر علنًا خلال احتفالات مبكرة في مطلع شهر مايو لـ "يوم الاستقلال الإسرائيلي" — وهو اليوم الذي يعتبر ذكرى نكبة الشعب الفلسطيني وشعوب المنطقة عام 1948.

في مؤتمر نظّمته وكالة JNS الأمريكية-اليهودية، كشف نتنياهو تفاصيل العملية وأعلن أنه أمر بقصف جهاز اختبار كان في طريقه من إيران إلى لبنان لاختبار البيجر المفخخ.

ثم حوّل أداة القتل إلى تذكار سياسي:
نسخة فضيّة أُهديت للسيناتور "جون فيترمان"، ونسخة ذهبيّة قُدّمت للرئيس الأميركي الحالي دونالد ترامب.